Hiɓu 1:9 - WƆŊ FƐ̀Ì EBÒ SÌÀŊ DAYÀA

⁹ Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Hiɓu 1:9 ပူးပေါင်းရင်းမြစ်များ

Luù 4:18

“Wo Jìnàŋ Kànà È Gunɔ̀ɔŋ kòò wò yààìm diɛŋ, esaɓù kɛ̀ wòim tàeɗùù wèè ka wòò ebò siaàŋ koɓɛ̀ anyuùŋ pɔ̀ɔ nyàŋ. Wo Kanaà naim tɔ̀ùŋ wèè ka wòò anyùùŋ nyaŋ yaà e ɗo dìì nyaŋ kɛ̀ àŋ niŋ fòlà dìì, yèè wèè ka nyɛ̀nɛ̀ŋ anyuùŋ zììlè le fɛ̀ɛ̀ nyaŋ aŋ yɛ̀mɛ̀ dìì, e kìlà wèè ka nyɛ̀nɛ̀ŋ anyùùŋ nyaŋ jaa e kpòònàà maŋ keì nyìnga dìì nyaŋ aŋ miŋ fòlà dìì,

Jɔ̀ɔŋ 1:41

Kɛɛ jiɛ̀, wo Anɗù nàŋ mɛ̀ɛ̀ŋ wo wùìyauŋ nɔɔ̀ŋ Saimɔŋ Piilɛ̀, yèè wò nauŋ woò wààŋ, “Èiŋ mɛ̀ɛ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ.”

Jɔ̀ɔŋ 10:17

“Wo Dèdaà mànàìm esaɓù kɛ̀ mìŋ naŋ nyimèè wèè kauŋ kìɛ̀ŋ wɔŋ nyiiŋ miɔ̀ŋ e fàa sùà, wèè kɛ̀ ko dòmàŋfeìŋ woim wuŋ ɓɛìŋ kiɛ̀ŋ wèè ka nɔ̀ŋ wɔŋ nyiiŋ gèeo sùà.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Jɔ̀ɔŋ 3:34

Wo nyùnɔ̀ɔŋ wo Dayà naŋ tùɔ̀ŋ wɔ naŋ wòò ke mìè gbìàŋ Dayàa. E fèfoo wo Dayà naŋ nyɛ̀nɛ̀ŋ wo Jinàuŋ nɔɔ̀ŋ wo nɔ̀ŋ wo nyùùŋ bi diɛŋ.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.

Nyɛ̀nɛ̀ŋ 4:26

Aŋ kànà fuɔŋ nyàŋ e dììɛ diɛŋ e ɗuunyaàŋ naŋ bànèbànè nyiŋ bi, yèè anyuùŋ gbeegbèè nyaŋ naŋ dèènè koɓɛ̀ guùŋ wèè aŋ sumiàŋ wo Kanaà yaà wo yèɔ wò naŋ tàeɗùù wèè wo joeyè e ɗuunyaàŋ wɔ, wo Kulaìɔ.’

Nyɛ̀nɛ̀ŋ 4:27

Kanaà, è nyìmàŋ kɛ̀ e yèɛ mùŋ naŋ wa woò lɛ è yaà tɔɔɓaa. Wo Hɛɛlɔ̀ yaà wo Pɔuŋtiɔ̀ Paalè naŋ dèènè koɓɛ̀ guùŋ e kpùlìà anyùùŋ nyaŋ fè àŋ Juùù nyaŋ yaà anyùùŋ Ezɔ̀ɛ̀ nyaŋ wèè aŋ nyɛ̀nɛ̀ŋ e ɗèwe naanààŋ koɓɛ̀ wo Ɓɔ̀ìjɔ̀à nɛɛmaŋ mɔɔ̀ŋ Jisɛ̀, wo yèɔ mùŋ naŋ tàeɗùù wèè wo joeyè e ɗuunyaàŋ wɔ.

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Ɛfesɔ̀ 1:3

Gè wiìŋ wo Dayà ke sɛ̀, wo Dèdaà wèè Kana wiɔ̀ Jisɛ̀ Kulaì. E fèfoo, e wèè e nɔ̀ŋ wilɛ̀ aŋ bàwibà Jisɛ̀ Kulaì sùà, wò wi kpuumàŋ. Esaɓù kɛ̀ wò wi kìɛ̀ŋ maŋ kpùùmàŋ jinàaŋ gbiŋ e ɗùùnyàŋ àìjɛnɛ̀ɛŋ sùà.

Fèle 2:9

Wèè esaɓù lɛɛ̀, wo Dayà nauŋ kìɛ̀ŋ e jòòwo gbee, yèè wò nauŋ kìɛ̀ŋ e deè gbee e yèɛ naŋ nìè e dèè ɗewe gbiŋ lɛ̀.

Hiɓu 2:11

Wo Jisɛ̀ yaà anyùùŋ nyaŋ wò naŋ nyɛ̀nɛ̀ŋ àŋ naŋ nɔ̀ŋ nɛɛmaŋ sùà nyaŋ, aŋ gbiŋ kuwa wo Dèdà gunɔ̀ɔŋ. Esaɓùɛ lɛɛ̀ e sàngè fè wò Jisɛ̀ wèè wo nyiŋ nyààŋ àŋ wùìyauŋ nyàŋ.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

Hiɓu 7:26

Wo Jisɛ̀ nàŋ yaà wo Kànà Sìèfèìŋ Zòòlo Gbee wiɔ̀ wo yèɔ kiɛ̀ŋ wì e nɛ̀ɛŋ gbiŋ è naiŋ kpɛɛ̀ŋ weè niŋ lɛ. Wò yaà wo nyùùŋ nɛɛmaŋ. Wo kuwà è tɔ̀mɛ yèè màŋ jùumù. Wo Dayà nauŋ wa jàà ɓùla è gbà e yìwìà anyùùŋ jùumù nyàŋ fèemàŋ, yèè wò nauŋ joowò wouŋ nyɛ̀nɛ̀ŋ wo ɓɛ̀màŋɗì manɛ̀ŋ maŋ gbiŋ diɛŋ ko àìjɛnɛ̀ŋ.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

Maŋ kèì nyɛɛnɛŋ 2:15

E ɗèwè guùŋ bi sùà nìŋ kuwa anyùùŋ e tɛɛiŋ aŋ yè nyaŋ naŋ dè e kàà anyùùŋ Nìkolià nyaŋ maŋjɛ̀wɛ nyàŋ.