Hiɓu 1:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ wèè paŋ wo Dayà tùàŋ wa wo Jɔ̀àfelaa kòmaŋ jiɛjiɛɛ̀uŋ nɔɔ̀ŋ koɓɛ̀ anyùùŋ nyaŋ e ɗuunyaàŋ, wò naŋ woò wààŋ, “Aŋ màìkà Dayà nyaŋ gbiŋ kuwa auŋ zoolò.”

Hiɓu 1:6 ပူးပေါင်းရင်းမြစ်များ

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:18

Wo nyuùŋkpùuŋ bà gbiŋ kòò wò yɛ̀mɛ̀ wa wò Dayà. Wo nyùnɔ̀ɔŋ nɔŋ nauŋ yɛmɛ̀ wɔ wuŋ nàŋ yaà wo Jɔ̀àfèlàà gunɔ̀ɔŋ wo yèɔ nauŋ gbɛ̀ɛ̀ e kɔɔ fɔ̀ɔ̀ yèè wò naŋ wi tɔ̀ɔ̀ e ɗeweɛ̀ wo Dayà yaà lɛ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

Kòlo 1:15

Wo Jisɛ̀ Kulaì nàŋ yaà wo yèɔ naŋ tèènè wo Dayàa e fèiŋ yɛmɛ̀ wɔ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ, wo yèɔ kuwa gààŋ manɛ̀ŋ bànè Dayà maŋ gbiŋ diɛŋ wɔ̀.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

Hiɓu 1:5

Èiŋ tii nyìmàŋ esaɓù kɛ̀, wo Dayà gò wa wòò wò màikàuŋ nɔɔ̀ŋ bà gbiŋ wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.” Wo Dayà gò wa wòò è kèè wò màikà bà gbiŋ wààŋ, “Mìŋ do nàŋ nɔ̀ŋ wo Dèdauŋ nɔɔ̀ŋ, e kìlà wò do nàŋ nɔ̀ŋ wo jɔ̀àfelaa miɔ̀ŋ.”

Hiɓu 10:5

Weètii, nààŋ e teengaà naŋ wa gbɛ̀ɛ̀ wèè wo Jisɛ̀ Kulaì wo hnàŋ e ɗuunyaàŋ, wò naŋ wa wòò wo Dayà wààŋ, “Muŋ manàŋ wèè ànyùùŋ aŋ gè màŋ saaà ɔ̀ɔ̀ aum kìɛ̀ŋ mànɛ̀ŋ kìɛŋ, kɛɛ mùŋ naim nyɛ̀nɛ̀ŋ ka kɛ̀ɛ̀nɛ̀ŋ ke kpùnàŋ nyuùŋkpùuŋ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.

1Jɔ̀ɔŋ 4:9

Wo Dayà naŋ wi tɔ̀ɔ̀ e mànaùŋ nɛ̀ esàɓù wo Jɔ̀àfèlàà gunùuŋ nɔɔ̀ŋ wò naŋ wi tùɔ̀ŋ e ɗuunyaàŋ wɔ, wèè e kɛɛnɛ̀iŋ wɔŋ nyiiŋ gèe e saɓùuŋ nɛ̀ sùà.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,