Hiɓu 1:2 - WƆŊ FƐ̀Ì EBÒ SÌÀŊ DAYÀA

² kɛɛ maŋ ɗɔɔ dìàmaŋ mɛɛ̀ŋ sùà, wò naŋ gbòò ko nɛ̀ɛ̀ŋ wiì e yìwìà wo Jɔ̀àfelaauŋ nɔɔ̀ŋ sùà. E saɓùuŋ nɛ̀ sùà wo Dayà naŋ wa bànè ko àìjɛnɛ̀ŋ yaà e ɗuunyaàŋ. Wuŋ wo Dayà naŋ tàeɗùù wèè wo nɔ̀ŋ wo nyuùŋ kɛ̀ɛ̀nɛ̀ŋ manɛ̀ŋ maŋ gbiŋ e teengaà e ɗuunyaàŋ juo wa nàwèè lɛ.

Hiɓu 1:2 ပူးပေါင်းရင်းမြစ်များ

Maafiù 13:39

Wo jooɔ̀ naŋ vààì maŋ dɛɛ komaŋ naanààŋ maŋ wɔ̀ nàŋ yaà wo Sɛ̀tanàaŋ. E kpàli hɛ̀ɛ̀ɛ nàŋ yaà ko dìà e ɗuunyaàŋ, e kìlà anyuùŋ hɛ̀ɛ̀ kpàli nyàŋ nàŋ yaà aŋ màikà nyaŋ.

Maafiù 17:5

Nààŋ wò yaà wa gbuuye, ke nyili fuaà naŋ hnè yèè kè naŋ nyiŋ ɓùwò. Yèè ke mìè naŋ fòlò ke nyili fuaà sùà kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀. Kòmaìŋ e mìè nyaàuŋ nɛ̀!”

Maafiù 21:38

Kɛɛ nààŋ anyuùŋ yɛ̀mɛ̀ ɓùɔ diɛŋ naŋ yɛ̀mɛ̀ wo jɔ̀àfelaauŋ nɔɔ̀ŋ, àŋ naŋ wòò nyiŋ bi e fèemàŋ nyààŋ, ‘Wo jɔ̀àfèlàà kenàaŋ wuŋ bi wɛɛ̀. Jìwà winùuŋ, kɛ̀ manɛ̀ɛ̀ŋ dààuŋ màŋ nɔ̀ŋ weè wi!’

Maafiù 26:63

Kɛɛ wo Jisɛ̀ naŋ wa nɔ̀ŋ gìli e kìlà wo gò wa wòò kè mìè guùŋ pɛɛ. Wo Kànà Sìèfèìŋ Zòòlo Gbeeɔ̀ nauŋ ɓɛìŋ woò wààŋ, “Mìŋ yààùm daawe wèè maŋ wi wòò e tɔ̀ɔ̀nyaàaŋ, wo Dayà nyiiŋ gèeɔ̀ kòò wò yààùm kumie. Wòò wi sèè mààŋ muàŋ nàŋ yaà wo Kulaìɔ, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Jɔ̀àfèlàà Dayàa.”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Maafiù 3:17

Kpeiŋ wo Dayà naŋ gbòò e yìwìà ko àìjɛnɛ̀ŋ wò naŋ woò wààŋ, “Muàŋ nàŋ yaà wo Jɔ̀àfelaa miɔ̀ŋ, wo yèɔ mìŋ manaŋ wɔ̀. Ke jii naim fɔ̀ weèum.”

Jɔ̀ɔŋ 1:10

Ke Mìèɛ yaà wa koɓɛ̀ anyùùŋ nyaŋ e ɗuunyaàŋ sùà, kɛɛ wo nyùùŋ gbiŋ gòuŋ wa nyìmàŋ, jòòpɛɛ wo Dayà naŋ wa bànè e ɗuunyaàŋ e saɓùuŋ nɛ̀ sùà.

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:3

Yèè esàɓù wo nyùùŋ bì sùà wo Dayà naŋ wa bànè manɛ̀ŋ maŋ gbiŋ. Wo Dayà gò wa bànè è nɛ̀ŋ gbiŋ èɓìèmàŋjɛ̀wɛ̀ wò nyùùŋ bi.

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 13:32

Kpeiŋ, sèè wo Dayà nɔ̀ŋ jòòwouŋ esaɓù mɛ̀ sùà, wo Dayà doim nàŋ joowò, yèè wo Dayà do niŋ nàŋ nyɛ̀nɛ̀ŋ e teenga kpuu sùà.

Jɔ̀ɔŋ 15:15

Miŋ fèiŋ ɓɛìŋ nyààŋ àŋ ɓɔìjɔ̀à, esaɓù kɛ̀ wo ɓɔìjɔ̀à nyimààŋ kè gbùnù wò kààmɔɔuŋ nɔɔ̀ŋ. Mìŋ yààìŋ gbùùyè kɔɔ mààŋ anyuùŋ mɔ̀ɔ̀nɔim, esaɓù kɛ̀ kàiŋ wòò e yèɛ gbiŋ wo Dèda miɔ̀ŋ naim woò lɛ.

Jɔ̀ɔŋ 16:15

Miàŋ nàŋ kanaŋ e nɛ̀ɛŋ gbiŋ wo Dèda miɔ̀ŋ kuwa lɛ̀; esaɓùɛ lɛɛ̀ mìŋ naŋ woò mìàŋ wo Jinàaŋ doiŋ nàŋ wòò ke miè gbìaŋ miɛ̀ŋ.”

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:25

Anyùùŋ màŋjɛ̀wɛ̀ Jɔ̀ɔŋ nyàŋ yaà aŋ Juùù nyaŋ bà nyiŋ naŋ wa kpàànè kpàànè e fèemàŋ e nyaàiŋ dè e ɗewe kiiɛ̀ àŋ guo nyiŋ bi lɛ̀ e làngì zòòlo nyiŋ nɛ̀ sùà wèè aŋ nɔ̀ŋ anyuùŋ zɛ̀nɛŋ.

Jɔ̀ɔŋ 5:26

Màànààŋ nɔŋ wo Dèdaà wuŋ bi nàŋ yaà ko tɔ̀ɔ̀tù wɔŋ nyiiŋ gèeɔ̀ lɛ, e ɗèwè guùŋ bi sùà wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ naŋ nɔ̀ŋ ko tɔ̀ɔ̀tù wɔŋ nyiiŋ gèeɔ̀.

Jɔ̀ɔŋ 5:27

Yèè wò kìɛ̀ŋ miàim wo Jɔ̀àfelaauŋ nɔɔ̀ŋ e tɔ̀ɔ̀nyaàaŋ wèè ka gbàì anyùùŋ nyaŋ gbiŋ, esaɓù kɛ̀ miàŋ nàŋ yaà wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 9:29

È naiŋ haawè kɛ̀ wo Dayà naŋ wa gbòò koɓɛ̀ Mòòzeì, kɛɛ e nyimàìŋ ngèè pɛɛ kɛ̀ kòò wò Jisɛ̀ wò yewe.”

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

1 Kɔliìŋ 2:7

E jiikɛ̀ɛɛ̀ mìŋ woà e kiiŋ niŋ nɛ̀, wo Dayà nàŋ kanaŋ e jììkɛ̀ɛ̀ gbùnu bi, e yèɛ yaà ko nyɛɛnɛŋ koɓɛ̀ anyuùŋ kpùuŋ nyàŋ lɛ, kɛɛ wòiŋ wa tàeɗùù tɛ wèè e nɔ̀ŋ wèè e jòòwo wilɛ̀ pangàà pɛɛ wò naŋ wa bànè e ɗuunyaàŋ.

1 Kɔliìŋ 8:6

È kùwàìŋ nɔŋ wo Dàyà guùŋ kpò, wo Dèdaà, wo yèɔ naŋ bànè manɛ̀ŋ maŋ gbiŋ wɔ̀, yèè wèè wo yèɔ è yààìŋ e ɗuunyaŋ wɔ̀. E kìlà è kùwàìŋ nɔŋ wo Kànà guùŋ kpò, wo Kanaà Jisɛ̀ Kulaì wo yèɔ e saɓùuŋ nɛ̀ sùà manɛ̀ŋ maŋ gbiŋ naŋ wa yɛ̀mɛ̀ e bàne wɔ̀, yèè e saɓùuŋ nɛ̀ sùà è yààìŋ fuɔŋ.

Gàla 4:4

Kɛɛ nààŋ e teenga kɛnɛɛ̀ naŋ wa haì, wo Dayà naŋ tùɔ̀ŋ wo Jɔ̀àfelaauŋ nɔɔ̀ŋ, yèè wo jɔùŋ nauŋ kòmò. Wo Jɔ̀àfelàà Dayàa naŋ wa jɔ̀ɔ̀lɔ̀ ke Sàwà aŋ Juùù nyaŋ dìì,

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Ɛfesɔ̀ 3:9

yèè wèè ka nyɛ̀nɛ̀ŋ anyùùŋ nyaŋ gbiŋ nyìmàŋ e ɗeweɛ̀ ke gbùnù Dayàa kuwa ke nɔ̀ŋ tòòmo nyiŋ lɛ̀. Wo Dayà wo yèɔ naŋ bànè e nɛ̀ŋ gbiŋ wɔ̀, naŋ wa nyɛ̀ɛ̀nɛ̀ŋ ke gbùnuuŋ nɛɛ̀ŋ e teenga lii gbiŋ sùà.

Hiɓu 1:5

Èiŋ tii nyìmàŋ esaɓù kɛ̀, wo Dayà gò wa wòò wò màikàuŋ nɔɔ̀ŋ bà gbiŋ wààŋ, “Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.” Wo Dayà gò wa wòò è kèè wò màikà bà gbiŋ wààŋ, “Mìŋ do nàŋ nɔ̀ŋ wo Dèdauŋ nɔɔ̀ŋ, e kìlà wò do nàŋ nɔ̀ŋ wo jɔ̀àfelaa miɔ̀ŋ.”

Hiɓu 1:8

Wo Dayà naŋ woò e nyaàiŋ dè wo Jɔ̀àfelaauŋ nɔɔ̀ŋ e ɗewe gbio sùà wààŋ, “Oo Dayà, e kana mɔ̀ɛ̀ do nàŋ nɔ̀ŋ wèè julɔfɔ yèè julɔfɔ! E teenga gbiŋ sèè mùŋ haà e kiti anyunùum nyàŋ diɛŋ, mùŋ nyɛ̀nɛ̀ŋ niìŋ e tɔ̀ɔ̀nyaàŋ sùà!

Hiɓu 11:3

E yìwìà e hààwe sùà, è naiŋ nyìmè kɛ̀ wo Dayà naŋ wa bànè e ɗuunyaàŋ e yìwìà e yèɛ wò naŋ wa woò lɛ, wèè kɛ̀ e yèɛ è yɛmɛ̀ìŋ lɛ naŋ wa nɔ̀ŋ bàne niŋ e yìwìà e yèɛ e fèiŋ yɛmɛ̀ lɛ.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

Hiɓu 5:8

Jòòpɛɛ wo Jisɛ̀ naŋ yaà wa wo Jɔ̀àfèlàà Dayàa, kɛɛ sɔɔ̀ wò naŋ wa kɔ̀ e keì nyìnga dìì paŋgàà wò naŋ wa nyìmè kɛ̀ kiìŋ è naŋ tɔɔ̀ wèè maŋ jɔ̀ɔ̀lɔ̀ wo Dayà dìì.

Hiɓu 7:28

Maŋ Sàwà Dayà màŋ naŋ wa tà anyùùŋ ɗùù, aŋ yè nyaŋ fè ànyuùŋ tùlìà jii nyàŋ wèè aŋ nɔ̀ŋ aŋ kànà sìèfèìŋ zòòlo gbèè. Kɛɛ e ɗààhiìɛ wo Dayà naŋ wa ɓemè yèè wò naŋ niŋ gbòònò diɛŋ lɛ̀, e yèɛ naŋ wa hnè eɓìèmàŋjɛ̀wɛ̀ ke Sàwàa lɛ̀ nàŋ yaà, wò naŋ tà wo Jɔ̀àfelaaà ɗùù, wo yèɔ wò naŋ nyɛ̀nɛ̀ŋ wo nɔ̀ŋ wo nyuùŋ tùlìà jii wèè julɔfɔ wɔ̀.

Hiɓu 7:3

Wɔŋ fɛi gò wi woò sèè mààŋ ɓòò nàŋ yaà wa wo dèdà Mɛ̀kisiɗɛ̀ɔ ɔ̀ɔ̀ wo yèyeuŋ nɔɔ̀ŋ, ɔ̀ɔ̀ ɓòò nyiŋ nàŋ yaà wa aŋ nèwàènèuŋ nyàŋ. Wɔŋ fɛi gò wi wòò è kèè è kòmàŋ kiiuŋ nɛ̀ ɔ̀ɔ̀ kò jèè ɗì wɔ̀ŋ nyiiuŋ nɔɔ̀ŋ. Wò yaà mààŋ wo Jɔ̀àfèlàà Dayàa, yèè wò do nàŋ nɔ̀ŋ wo sìèfèìŋ zòòlo wèè julɔfɔ.

Hiɓu 9:26

esaɓù kɛ̀ sèè wo wa weè kìɛ̀ŋ wuŋ bi e saaà gèeo sùà wɔŋ doa gbiŋ, wò hewa nàŋ kɔ̀ e mɔ̀ɔ̀nɛŋ zimgbe dìì e yìwìà e teengaà wo Dayà naŋ wa bànè ɗuunyaàŋ lɛ. Kɛɛ wò naŋ wa kìɛ̀ŋ wuŋ bi wèè wo fà e sùà guùŋ kpò e saaà gèeo sùà, e gbɛ̀ɛ̀ e tèèngà maŋ nyiiŋ gèe dìàmaŋ wi màŋ wèè anyùùŋ nyaŋ gbiŋ, wèè kɛ̀ wo nɔ̀ŋ e nɛ̀ŋ saàa do nàŋ gùò maŋ jùumù wi màŋ lɛ.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”