Hiɓu 1:14 - WƆŊ FƐ̀Ì EBÒ SÌÀŊ DAYÀA

¹⁴ Kiìŋ nàŋ yaà aŋ màikà nyaŋ? Aŋ màikà nyaŋ yaà aŋ jinàŋ aŋ yè nyaŋ tomàŋ wèè Dayà, e kìlà wò tùɔ̀ŋ nyiìŋ wèè aŋ kpuumàŋ anyùùŋ nyaŋ wò manaŋ wo joeyè nyaŋ.

Hiɓu 1:14 ပူးပေါင်းရင်းမြစ်များ

Maafiù 1:20

E teengaà wo Jòòsɛ yaà wa goongo wèè wo tɛɛ̀ nyɛ̀nɛ̀ŋ lɛ, wo màìkà Kanaà Dayà nauŋ fòlò feìŋ e gɔagòo sùà yèè wò naŋ wòò wo Jòòsɛ wààŋ, “Jòòsɛ, jɔ̀àfèlàà Dèèweɔ̀, e jùù ɓɔ̀ è nyɛ̀nɛ̀um wèè mùŋ do ɓèmè wò Mèèle wò do nɔ̀ŋ wò jawèum. Esaɓù kɛ̀, e gààŋ Jìnàŋ Nɛɛmaàŋ sùà wò naŋ ɓèmè le sùà.

Maafiù 13:41

Miàim wo Jɔ̀àfèlàà Nyuùŋ Kpùnɔɔ̀ŋ do wa nàwèè nàŋ tùɔ̀ŋ aŋ màikàim nyàŋ wèè aŋ gbònògbònò anyùùŋ nyaŋ kinɛiŋ naŋ nyɛ̀nɛ̀ŋ esaɓù anyùùŋ naŋ nyɛ̀nɛ̀ŋ e kèì jùumù yèè anyuùŋ gbànaŋ nyàŋ gbiŋ naŋ nyɛ̀nɛ̀ŋ maŋ kpèè naanààŋ nyaŋ aŋ nyiŋ gè e Kana mɛ̀ sùà.

Maafiù 18:10

“Ɓɔ̀ mùŋ jàà wò jɔ̀àkàiŋ jɔa wɛɛ̀ bà gbiŋ è keì keekèè. Miŋ woòum, aŋ màikà nyiŋ nyàŋ ko àìjɛnɛ̀ŋ àŋ yaà ko fɛ̀ɛ̀fèìŋ wo Dèda miɔ̀ŋ e teenga gbiŋ ko àìjɛnɛ̀ŋ. [

Maafiù 2:13

E teengaà anyuùŋ kɛ̀ɛ̀jii nyàŋ naŋ wa kɛ̀ɛ̀ maŋjɛ̀wɛ lɛ̀, wo màìkà wo Kanaà Dayà naŋ fòlò wo Jòòsɛ feìŋ e gɔagòo sùà yèè wò nauŋ woò wààŋ, “Wo Hɛɛlɔ̀ do nàŋ nɔ̀ɔ̀ŋ kààmè wo jɔ̀àa wèè wouŋ jìwà. Weètii yewà dìì muŋ ɓemè wo jɔ̀àa yaà wo yèyeuŋ nɔɔ̀ŋ niŋ ka wɔŋ fùɔ̀ŋ Ijèɔ sùà maŋ dùaŋ dùaŋ. Yèè jèeiŋ noo e jèèsùà kaiŋ woò kɛ̀ kiìŋ nìŋ do nàŋ nyɛ̀nɛ̀ŋ.”

Maafiù 24:31

Kpeiŋ àŋ do nàŋ fùɔ̀ŋ e pòtanàŋ gbeeɛ̀, kɛ̀ wò tùàŋ aŋ màikàuŋ nyàŋ e yìwìà ko àìjɛnɛ̀ŋ koɓɛ̀ maŋ zɔ̀nù tiinàŋ maŋ e ɗuunyaàŋ wèè aŋ gbonogbònò aŋ nyuùŋ tàèɗùùim nyàŋ ko tɔ̀ɔ̀tù e ɗuunyaàŋ e hàì ko dìaì.”

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Maafiù 4:11

Kpeiŋ wo Sɛ̀tanàaŋ naŋ jòò wo Jisɛ̀ wo ka. Ko fɛɛ̀feìŋ aŋ màikà nyaŋ naŋ wa hnè yèè àŋ nauŋ kpuumò.

Luù 1:19

Wo màikàa naŋ fasàì wààŋ, “Miàŋ nàŋ yaà wo Geeɓulɛ̀, mìŋ sia ko fɛ̀ɛ̀fèìŋ Dayài, wo yèɔ naim tùɔ̀ŋ ko nɛ̀ɛ̀ŋ muìŋ wèè kaum wòò ebò siaŋ lɛɛ̀.

Luù 1:23

Nààŋ e tèèngà e tòmouŋ nɛ̀ ko Saaŋ Zòòlò Dayài naŋ wa jùò, wo Zakalayà naŋ kɛ̀ɛ̀ maŋjɛ̀wɛ ko gboouŋ noo.

Luù 16:22

Wo felaa pɔ̀ɔɔ̀ naŋ wa fɔ̀ yèè aŋ màikà nyaŋ nauŋ kɔɔ̀ aŋ jàà wo Eɓulɔhɛɛ̀ŋ kɔɔ ko àìjɛnɛ̀ŋ. Wo kenàŋ bàneɔ̀ wuŋ pɛɛ naŋ wa fɔ̀ yèè àŋ nauŋ sìè.

Luù 2:13

Ko fɛɛ̀feìŋ ke gbòò aŋ màikà zimgbe naŋ dèyè e yìwìà ko àìjɛnɛ̀ŋ aŋ gbònò wo màikà wɛɛ̀ kɔɔ yèè àŋ naŋ tɔ̀ɔ̀tù tɛ̀nɛ̀ŋ wo Dayà nyààŋ,

Luù 2:9

Ko fɛɛ̀feìŋ wo màìkà Kanaà naŋ dèyè ko nɛ̀ɛ̀ŋ nyiŋ niìŋ, yèè e gbòlòùŋ mɛ̀ɛ̀ŋ Kanaà naŋ nyiŋ dè e nyiŋ gbàì e kɔɔ. E jùù naŋ wa nyɛ̀nɛ̀ŋ anyuùŋ tùnìàŋ aŋ ɓaawaa nyàŋ.

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 12:23

Ko fɛɛ̀feìŋ, wo màikà Dayàa naŋ gbìɛ̀ŋ wo Hɛɛlɔ̀ e sàaŋ, esaɓù kɛ̀ wo gò wa jòòwò Dayà, yèè aŋ gbìiŋ nauŋ gbìlè.

Nyɛ̀nɛ̀ŋ 12:7

Ko fɛɛ̀feìŋ wo màìkà wo Kanaà nao haì, yèè e hmɔɔ̀ŋ mɛ̀ɛŋ naŋ dè ko sààŋ nyìwìi e gbàì ko gbiŋ. Wò naŋ mɛ̀ɛ̀mɛ̀ɛ̀ŋ wo Pììlɛ wɔŋ gbaŋ yèè wò nauŋ tùngò. Yèè wo màikàa nauŋ woò wààŋ, “Yewà dìì fiò.” Yèè maŋ jɔ̀ɔɔ màŋ yàùŋ maŋ kùàŋ maŋ naŋ filè maŋ sɔ̀à.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 16:26

Ko fɛɛ̀feìŋ e dììɛ naŋ gbiinè sɛmɛ, yèè ke sààŋ nyìwìɛ gbiŋ naŋ gbiinè e hàì ko tɔ̀ɔ̀tù ke saaàŋ e dììɛ dìì. Ko fɛɛ̀feìŋ maŋ gbemgbee maŋ gbiŋ naŋ yilè yèè maŋ jɔ̀ɔɔ màŋ naŋ fìlè aŋ pèesìnàŋ nyaŋ gbiŋ maŋ gòlò.

Nyɛ̀nɛ̀ŋ 27:23

Nàaŋ dùùm mìŋ naŋ yɛ̀mɛ̀ wo màìkà wo Dayàa kànàìm yèè mìŋ zoolà wɔ wò sìàìm kɔɔ,

Nyɛ̀nɛ̀ŋ 5:19

Kɛɛ wɔŋ dùùm wiiŋ wo màìkà Kanaà Dayàa naŋ yìlè wɔŋ gbèmgbèè ko sààŋ nyìwìi, wo nyiŋ fulià, yèè wò naŋ nyiŋ woò wààŋ,

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 13:6

Esaɓùɛ lɛɛ̀ mùŋ kuwa maŋ kìɛ̀ŋ e nɛ̀ɛ̀nɛ̀ŋ fuɔŋ. Aŋ kànà fuɔŋ nyàŋ àŋ yaà aŋ ɓɔ̀ìjɔ̀à Dayà, yèè è yaà e kpààŋ kɔɔ nyiŋ wèè aŋ nyɛ̀nɛ̀ŋ maŋ tòmo mɛɛ̀ŋ.

Luùm 15:16

Wò naim wa tàeɗùù wèè ka nɔ̀ŋ ɓɔìjɔ̀à tòmo wèè Jisɛ̀ Kulaì anyùùŋ nyaŋ fè àŋ Juùù nyaŋ tɛɛ, e kìlà wèè ka nyɛ̀nɛ̀ŋ e tòmo mààŋ wo sìèfèìŋ zòòlo, nààŋ mìŋ wòò ke mìè gbìàŋ Ebò Siauŋ nɛ̀, wèè e nyɛ̀nɛ̀ŋ wo jàà anyùùŋ nyaŋ fè àŋ Juùù nyaŋ naŋ hààwè Jisɛ̀ nyaŋ kùàŋ dìì. Àŋ do nàŋ nɔ̀ŋ mààŋ e nɛ̀ŋ kìɛŋ koɓɛ̀ Dayài e yèɛ àŋ naŋ jàà e ɓula ko nɛ̀ɛ̀uŋ niìŋ e yìwìà wo Jìnàŋ Nɛɛmaàŋ.

Luùm 15:27

Anyùùŋ nyaŋ nyiŋ bi naŋ wa tɛɛ̀ ɗewè, esaɓù kɛ̀ anyùùŋ nyaŋ fè àŋ Juùù yèè àŋ naŋ hààwè Dayà nyaŋ, è yaà e kpàŋ è kɔɔ nyiŋ wèè aŋ kpùùmàŋ aŋ Juùù kɛ̀ɛ̀nɛ̀ŋ hààwe nyàŋ manɛ̀ŋ mɛɛ̀ŋ ke ɗɔɔ gbiŋ. Àŋ kuwa aŋ tɛɛ̀ nyɛ̀nɛ̀ŋ esaɓù kɛ̀, àŋ yaà aŋ bà nyiŋ bà wèè manɛ̀ŋ maŋ wo Dayà kiɛ̀ŋ nyiìŋ maŋ wo Jìnàŋ Nɛɛmaàŋ sùà wèè aŋ tomo weèuŋ lɛ̀.

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

1 Kɔliìŋ 1:21

Wo Dayà e jiikɛ̀ɛ̀uŋ nɛ̀ sùà wò naŋ nyɛ̀nɛ̀ŋ e nyìngà wèè anyùùŋ auŋ nyìmàŋ, e yìwìà e jììkɛ̀ɛ̀ nyiŋ bi lɛ̀ sùà. Kɛɛ, wo Dayà naŋ ɗewè wèè wo nɔŋ jòèyè anyùùŋ nyaŋ naŋ hààwè ke mìè gbìàŋ ɓàaɓàaà è woàìŋ lɛ.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.

Gàla 3:29

Sèè mùŋ nɔ̀ŋ wo Jisɛ̀ Kulaì sùà, kɛ̀ mùŋ yaà naàŋ wo bàumbà wèè ke kpòò Eɓulɔhɛɛ̀ŋ, yèè wo Dayà doum nàŋ kìɛ̀ŋ e yèɛ wo naŋ ɓèèmè e ɗààhiì diɛŋ lɛ̀.

Gàla 3:7

Nìŋ kuwa naŋ nyìmàŋ kɛ̀, aŋ jɔ̀à kɛnɛ nyàŋ wèè Eɓulɔhɛɛ̀ŋ, nàŋ yaà anyuùŋ kùwìè e hààwe nyàŋ.

Gàla 3:9

Wo Eɓulɔhɛɛ̀ŋ naŋ wa haawè, yèè wo Dayà nauŋ wa gbìɛ̀ŋ e zòòlo maŋjɛ̀wɛ. Wèètii, anyùùŋ nyaŋ gbiŋ naŋ haawè nyaŋ, wo Dayà do nyiŋ nàŋ gbìɛ̀ŋ e zòòlo maŋjɛ̀wɛ màànààŋ wò naŋ wa gbìɛ̀ŋ e zòòlo wo Eɓulɔhɛɛ̀ŋ maŋjɛ̀wɛ esàɓù e hààweuŋ nɛ̀ lɛ.

Ɛfesɔ̀ 3:6

Ke gbùnu bi nàŋ yaà kɛ̀, esàɓù Jisɛ̀ Kulaì sùà, ke mìè gbìàŋ Ebò Siaàŋ kè nɔ̀ŋ esàɓù anyùùŋ nyaŋ fè àŋ Juùù nyaŋ àŋ nɔ̀ŋ aŋ bà nyiŋ bà koɓɛ̀ e ɗààhiìɛ wo Dayà naŋ wa ɓemè koɓɛ̀ aŋ Juùù nyaŋ lɛ̀, e kìlà wo Dayà nyɛ̀nɛ̀ŋ àŋ nɔ̀ŋ aŋ bà nyiŋ bà ke gbòò Jisɛ̀ Kulaìɛ sùà.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

2Tɛsè 1:7

yèè nyɛ̀iŋ nyàŋ naŋ yɛ̀mɛ̀ e mɔ̀ɔ̀nɛŋ nyàŋ, wò doiŋ nàŋ filè e kìlà wo wi filè yàwi pɛɛ. Wò do tɛɛ̀ nàŋ nyɛ̀nɛ̀ŋ sèè wo Kanaà Jisɛ̀ yaà aŋ màìkà gaàuŋ nyàŋ àŋ hnàŋ e yìwìà ko àìjɛnɛ̀ŋ,

Taitɔ̀ 3:7

Wò naŋ tɛɛ̀ nyɛ̀nɛ̀ŋ e wèè kɛ̀ esàɓù e tɛ̀ɛ̀tɛ̀ɛ̀ Jisɛ̀ Kulaìɛ sùà, wuŋ Dayà wo wi jàà kùàŋ dìì koɓɛ̀ wuŋ biì mààŋ anyùùŋ tɔ̀ɔ̀nyaàŋ, wèè eiŋ kùwìè ke jii tùliaà kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùàa wo Dayà naŋ wi wa sɔ̀ dèè wɔŋ.

Hiɓu 10:11

Wo sìèfèìŋ zòòlo gbiŋ wo yèɔ yaà wo Juùù nyuuŋ wɔ, nyɛnɛŋ e tòmouŋ nɛ̀ ke ɗɔɔ gbiŋ, e kìlà wo fè manɛ̀ŋ kìɛŋ e saaà gèeo sùà e teenga zimgbe. Kɛɛ maŋ saaà gèe mɛɛ̀ŋ fè gùà màŋ jùùmù nyùùŋ gbiŋ.

Hiɓu 2:3

Dièsɔa è naiŋ ɓɛ̀nɛ̀ŋ fòlà e kèì nyìngà Dayàa dìì sèè è gèìŋ maŋhɛɛ wèè eiŋ nyìmàŋ e ɗewe kii gbeeɛ̀ wò do nàŋ mɔ̀nɔ̀ŋ wèè wo wi joeyè lɛ? Wo Kanaà Jisɛ̀ wuŋ bi jiɛ̀ naŋ wòò e kèè e jòèye lɛɛ̀, yèè anyùùŋ nyaŋ naŋ wa kòmò ke miè gbìaàŋ nyaŋ, naŋ wi tɔɔ̀ janjai kɛ̀ è yaà wa e tɔ̀ɔ̀nyaàŋ.

Hiɓu 5:9

E keì nyìngaà wo Jisɛ̀ naŋ wa kɔ̀ dìì lɛ, naŋ nyɛ̀nɛ̀ŋ wò naŋ wa nɔ̀ŋ wo nyuùŋ tùlìà jii dìà sùà, e kìlà wò naŋ nɔ̀ŋ ko tɔɔtuì wèè e jòèyè anyùùŋ nyaŋ jɔɔlɔ̀uŋ dìì nyaŋ,

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

Hiɓu 6:17

Sèè wo Dayà mɔnɔŋ wa wèè wo tɔɔ̀ janjai kɛ̀ wò do nàŋ nyɛ̀nɛ̀ŋ e yèɛ wò naŋ jɔ̀ɔ̀ ɗààhiì wèè wo nyɛ̀nɛ̀ŋ lɛ, wo fè kìlà kè jiiuŋ nɛɛ̀ŋ, kɛɛ wò gboonàŋ e nyaàiŋ dè e ɗààhiì bi.

Hiɓu 8:6

Wo Dayà naàŋ tà wo Jisɛ̀ ɗùù wèè wo nyɛ̀nɛ̀ŋ e tòmò sìèfèìŋ zòòlo, e yèɛ kuwa gààŋ e nìàŋ e je nyiŋ nɛ̀, màànààŋ nɔŋ e ɗààhìì e mìèsùàguùŋ nɛ wò naŋ bànè ke sàwà diɛŋ e fèèmàŋ Dayà yaà anyunùuŋ è yaà e kɛnɛ niŋ nɛ̀, esaɓù kɛ̀ e ɗààhiì bi e nyaàiŋ naŋ dè ke jii tùlia wèè manɛ̀ŋ kɛnɛ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 1:4

weètii è yɛmɛ̀ìŋ ko dòmàŋfeìŋ wèè eiŋ kɛ̀ɛ̀nɛ̀ŋ maŋ kpùùmaŋ bàne màŋ wo Dayà naŋ bànè ko hàa wèè anyunùuŋ nyàŋ maŋ. Wò naŋ miŋ bànè hàa weèiŋ ko àìjɛnɛ̀ŋ, ko yèi maŋ fè hèwà ɔ̀ɔ̀ maŋ pɔɔ̀ ɔ̀ɔ̀ maŋ kùwìè è tɔ̀mɛ.

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.

Juù 1:14

Wo Inɔ̀ nàŋ yaà maŋ kpoo sùònò suono dìà nɔɔnɔŋ le tìyèeɛ̀ e yìwìà wo Adamàŋ. Wuŋ naŋ wi wa wòò e kèì anyùùŋ nyɛɛ̀ŋ e gɔuo sùà wààŋ, “Wo Kanaà do nàŋ hnè yaà aŋ màìkà nɛɛmaŋ taasùùŋ jika zimgbe,

Maŋ kèì nyɛɛnɛŋ 5:6

Mìŋ naŋ gè fɛ̀ɛ̀ dìì yèè mìŋ naŋ yɛ̀mɛ̀ wo Ɓaawaaà wò sia ke kpùà kanaà tɛɛ tɛɛ, maŋ ɗòlònɛ̀ŋ tiinàŋ maŋ yèè aŋ màmàŋkùmɛŋ nyàŋ nauŋ kiliè. Wo Ɓaawaaà yaà wa mààŋ e nɛ̀ŋ àŋ naŋ jìwè. Wò kuwa wa maŋ sìì nɔɔnɔŋ le tìyèe yèè le fɛ̀ɛ̀ nɔɔnɔŋ le tìyèe. Maŋ sii yaà maŋ fɛ̀ɛ̀ mɛɛ̀ŋ nàŋ yaà wa aŋ jìnàŋ nɔ̀ɔ̀nɔ̀ŋ lètìyèè Dayà nyaŋ wò naŋ wa tùɔ̀ŋ e dììɛ gbiŋ diɛŋ nyàŋ e ɗuunyaàŋ.