Gàla 6:4 - WƆŊ FƐ̀Ì EBÒ SÌÀŊ DAYÀA

⁴ Nyɛ̀iŋ nyɛɛ̀ŋ bà gbiŋ tuàŋ e tòmò muàŋ biɛ̀ maŋ nɔnɔŋ tɛ̀ɛ̀ kaiŋ. Sèè e tòmo bi naŋ nɔ̀ŋ tɛ̀ɛ̀, kɛ̀ màŋ ɓɛ̀nɛ̀ŋ kɛ̀ɛ̀ maŋ yòngà nyààìŋ dè e tòmoɛ̀ mùŋ naŋ nyɛ̀nɛ̀ŋ lɛ, kɛɛ muŋ naàŋ niìŋ ɓɛ̀nɛ̀ŋ gbɛ̀ɛ̀nɛ̀ŋ è tòmò nyùùŋ joo bà gbiŋ.

Gàla 6:4 ပူးပေါင်းရင်းမြစ်များ

Luù 18:11

Wo Fɛlosiìɔ naŋ kɔ̀ wo sie fauŋ wɔŋ kùàŋ wùùŋ mauŋ yèè wò naŋ zoolò wààŋ, ‘Dayà, mìŋ naum gè sɛ̀, esaɓù kɛ̀ mìŋ fè nyɛ̀nɛ̀ŋ è wànàŋ gbiŋ, miŋ fè e kàaɓì, miŋ fè nyɛ̀nɛ̀ŋ hmɔŋtu mààŋ ànyuùŋ gbànaŋ nyàŋ nyɛnɛŋ lɛ̀. Mìŋ naum gè sɛ̀ miŋ fè mààŋ wò nyuùŋ kùwà è nɛ̀ɛ̀nɛ̀ŋ fuɔŋ gò kɛɛnɛ̀ŋ hààwe wii kuii.

1 Kɔliìŋ 11:28

Wèètii, sɔɔ̀ maŋ yɛ̀mɛ̀ yɛ̀mɛ̀ muàŋ bi tɛ̀ɛ̀ kaiŋ jiɛ̀, yèèngàà mùŋ gbile ke gbɔ̀uɛ̀, e kìlà maŋ tììyà wɔŋ kpòòɔ sùà.

1 Kɔliìŋ 3:14

Sèè e nɛ̀ɛŋ àŋ naŋ nyìlìè ko tɔ̀ɔ̀tù ke saaàŋ lɛ è folo e hmɔ̀ɔ̀ɛŋ dìì, wo nyuùŋ nyɛ̀lɛɔ̀ do nàŋ yɛ̀mɛ̀ e pààwa.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 13:5

Tùaìŋ nyɛ̀iŋ bi maŋ nɔnɔŋ niŋ yɛmɛ̀ sèè mààŋ nìŋ kuwa kai e hààweɛ̀ màŋ nyiiŋ gèeiŋ màŋ sùà. Tɔɔɓaa nàŋ nyìmàŋ kɛ̀ wo Jisɛ̀ Kulaì yaà maŋ nyiiŋ màŋ sùà? Sɔɔ̀ nɔŋ naŋ nɔŋ soò kpɛlɛmɛɛŋ.

Gàla 6:13

Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.

Fèle 1:26

weètii sèè mìŋ jaamàìŋ ɓɛìŋ, nìŋ do nàŋ kɛ̀ɛ̀nɛ̀ŋ esaɓù sìàŋ wèè naŋ kɛ̀ɛ̀nɛ̀ŋ e dɛ̀ɛ̀kɛ gbee wèè wo Jisɛ̀ Kulaì esaɓù mɛ̀ sùà.