Gàla 6:17 - WƆŊ FƐ̀Ì EBÒ SÌÀŊ DAYÀA

¹⁷ Ko dìèmè maŋ kei wòo mɛɛ̀ŋ nàŋ yaà, wo nyùùŋ bà gbiŋ ɓɔ̀ wò kiɛ̀im ɓɛìŋ è kei nyìnga, esaɓù nàŋ yaà kɛ̀ e feeɛ̀ yaà wɔŋ kɔɔ miɔ̀ŋ lɛ naŋ tɔɔ̀ kɛ̀ mìŋ yaà wèè wo Jisɛ̀ kulaì.

Gàla 6:17 ပူးပေါင်းရင်းမြစ်များ

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

2 Kɔliìŋ 1:5

Màànààŋ nɔŋ è yààìŋ aŋ bàiŋbà wèè maŋ keì nyìngà zimgbe màŋ wo Jisɛ̀ Kulaì naŋ kɔ̀ɛ̀ sùà maŋ, esàɓù Jisɛ̀ Kulaì sùà yàwi pɛɛ è yaà aŋ bàiŋbà wèè eiŋ kìɛ̀ŋ anyùùŋ e kpùùmaŋ e yìwìà e kpùùmàŋ gbèè Dayàa sùà.

2 Kɔliìŋ 4:10

E teenga gbiŋ è koàìŋ e fà Jisɛ̀ɛ maŋ kpùnaŋ wi màŋ sùà, wèè kɛ̀ aŋ yɛ̀mɛ̀ wɔŋ nyiiuŋ nɔɔ̀ŋ wuŋ pɛɛ maŋ kpùnaŋ wi màŋ sùà.

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Maŋ kèì nyɛɛnɛŋ 13:16

Wo yilì kùùno dìà tìyèeɔ̀ naŋ wa nyɛ̀nɛ̀ŋ anyùùŋ nyaŋ gbiŋ, wo tòloòɔ yèè wo gbeeɔ̀, wo bàneɔ̀ yèè wo pɔ̀ɔɔ̀, wo ɗoɔ̀ yèè wo yèɔ fè wò ɗo wɔ̀, wèè aŋ hàà e fèè e nɛ̀ŋ yìliauŋ nɛ̀ maŋ kùàŋ jìka nyiŋ màŋ ɔ̀ɔ̀ maŋ ɗìfeìŋ nyiŋ màŋ.

Maŋ kèì nyɛɛnɛŋ 13:17

Anyùùŋ nyaŋ nɔŋ kuwa wa e dèè ɔ̀ɔ̀ wɔŋ figàa naŋ sɔ̀ wo yilì kùùno jiɛ̀jiɛ̀ɔ dèè nyaŋ naŋ wa ɓɛ̀nɛ̀ŋ dènàŋ bòli ɔ̀ɔ̀ aŋ mààŋ bòli.