Gàla 6:13 - WƆŊ FƐ̀Ì EBÒ SÌÀŊ DAYÀA

¹³ Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.

Gàla 6:13 ပူးပေါင်းရင်းမြစ်များ

Maafiù 23:15

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ. Nìŋ yaà nyùùŋ fɛ̀ɛ̀ ɗòònààkeì. Nìŋ kaaìŋ dìì naŋ nìàŋ wɔŋ juwoɔ̀ wèè naŋ kàmè anyùùŋ nyaŋ fè àŋ Juùù nyaŋ wò guùŋ wèè wo hààwè e yèɛ nìŋ kaà lɛ. Sèè nìŋ mɛɛ̀ŋ yèè nìŋ kile wo nyùùŋ bi koɓɛ̀ e hààweiŋ nɛ̀, nìŋ nyɛnɛŋ wo nyùùŋ wii wo nɔ̀ŋ e bànèbaneuŋ e sùà tìyèe wèè ko jàhamaŋ, màànààŋ nɔŋ nyɛ̀iŋ bi nìŋ doo nàŋ kɔ̀ lɛ.

Maafiù 23:23

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà anyùùŋ fɛ̀ɛ̀ ɗòònààkeì. Nìŋ kiɛ̀ŋ wo Dayà manɛ̀ŋ jeiŋ bà àŋ nyaaŋ nyààŋ mɛìŋ, diì, yèè kumìŋ e ɗì guùŋ e yìwìà e ɗì zììyà sùà, maŋ yè maŋ nìŋ gè maŋ kpòkpòiŋ màŋ sùà lɛ. Kɛɛ niŋ fè jɔ̀ɔ̀lɔ̀ màŋ Sàwà Dayà maŋ dìì, tèènè mààŋ e tɔ̀ɔ̀nyaàaŋ, ke nyowo yèè e hààwe. Mɛɛ̀ŋ nìŋ kuwa naŋ gbeè, e yèɛ niŋ fè nììngè màŋ gbànaŋ màŋ fɛ̀ɛ̀ lɛ.

Maafiù 23:3

Weètii nyɛnɛ̀ŋ e yèɛ gbiŋ àŋ woàùm wèè maŋ nyɛ̀nɛ̀ŋ lɛ. Kɛɛ ɓɔ̀ mùŋ dè màŋ kpèè nyiŋ màŋ màŋjɛ̀wɛ, esaɓù kɛ̀ àŋ woà e kèì ɗì guùŋ, yèè aŋ nyɛ̀nɛ̀ŋ e joo niŋ.

Luù 5:38

Sèè è nɔ̀ŋ yɛi, sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà!

1 Kɔliìŋ 3:21

Kpeiŋ kɛ̀ wo nyùùŋ gbiŋ ɓɔ̀ wò kɛ̀ɛ̀ màŋ nyòngà wèè è nɛ̀ŋ nyɛ̀nɛ̀ŋ nyuùŋkpùuŋ. Tɔɔɓaa tiŋ nyɛ̀iŋ nàŋ kanaŋ e nɛ̀ɛŋ gbiŋ.

1 Kɔliìŋ 5:6

E fè tɔ̀ɔ̀nyaàŋ è wèè naŋ kɛ̀ɛ̀ màŋ nyòngà. Nàŋ nyìmàŋ e nɛ̀ɛŋ àŋ woà lɛ nyààŋ, “E sòi jùwìà gbɔ̀u jɔa tòloò è nyɛnɛŋ ke gbɔ̀uɛ̀ gbiŋ ke jòwà gbee.”

2 Kɔliìŋ 11:18

Kɛɛ nààŋ anyuùŋ zimgbe kɛɛ maŋ nyòngà maŋ kèìŋ maŋ sùà lɛ, miàŋ pɛɛ mìŋ do nàŋ nyɛ̀nɛ̀ŋ e kèì guùŋ bi bà.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.