Gàla 6:12 - WƆŊ FƐ̀Ì EBÒ SÌÀŊ DAYÀA

¹² Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Gàla 6:12 ပူးပေါင်းရင်းမြစ်များ

Maafiù 23:27

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ yèè nyɛ̀iŋ nààŋ Fɛlosiì nyaŋ! Nìŋ yaà nyùùŋ fɛ̀ɛ̀ ɗòònààkeì. Nìŋ yaà mààŋ maŋ hùaŋ àŋ naŋ jìyè e wolofua. Màŋ siaŋ yɛ̀mɛ ko jɔɔlèei, kɛɛ ko sùài naŋ dìè maŋ gòà yèè manɛ̀ŋ hèwa.

Maafiù 23:28

Yɛi nɔŋ nìŋ yaà anyùùŋ ko fɛɛ̀feìŋ mààŋ anyùùŋ tɔ̀ɔ̀nyaàŋ, kɛɛ nìŋ yaà nyùùŋ fɛ̀ɛ̀ ɗòònààkeì, yèè nìŋ naŋ dìè maŋ kpèè naanààŋ.

Maafiù 23:5

Manɛ̀ŋ nyɛ̀nɛŋ nyiŋ màŋ gbiŋ màŋ yaà nɔŋ wèè anyùùŋ aŋ nyiŋ yɛmɛ̀ ko ɓài. Àŋ singe maŋ mìè nyààŋ fɛ̀ì Dayà maŋ aŋ miŋ bàànè maŋ ɗàsìmɔɔŋ gbeegbèè, yèè aŋ miŋ sɛ̀ɛ̀sɛ̀ɛ̀ maŋ ɗìfeìŋ, aŋ miŋ sɛ̀ɛ̀sɛ̀ɛ̀ maŋ kùàŋ, yèè àŋ dikià maŋ jeèì mùnlòmuŋlo e tɛɛ maŋ ɓuuɓane nyiŋ màŋ diɛŋ, wèè anyùùŋ aŋ nyiŋ gɔ̀à le fɛ̀ɛ̀.

Maafiù 5:10

“E zɔlɔ̀ yaà anyùùŋ nyaŋ anyùùŋ àŋ jaa e keì nyìnga nyàŋ esaɓù kɛ̀ àŋ yaà anyùùŋ tɔ̀ɔ̀nyaàŋ. Nyiŋ nàŋ kanaŋ e Kànà àìjɛnɛ̀ɛŋ!

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:2

“Weètii sèè mùŋ kpuumàŋ wo nyuùŋ pɔ̀ɔɔ̀, ɓɔ̀ mùŋ fuunyàŋ niŋ è ɓuu diɛŋ. Tii nyùùŋ fɛ̀ɛ̀ ɗòònààkeì nyɛnɛŋ maŋ sààŋ zòòlò aŋ Juùù nyaŋ dìì, yaà maŋ dòmaŋ màŋ diɛŋ, esaɓù kɛ̀ àŋ manaŋ wèè anyùùŋ aŋ nyiŋ tɛnɛ̀ŋ. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:5

“Sèè mùŋ nɔ̀ŋ zoolo, ɓɔ̀ mùŋ nɔ̀ŋ mààŋ ànyùùŋ fɛ̀ɛ̀ ɗòònààkeì nyaŋ! Àŋ manaŋ kèè nyiŋ bi tɔ̀ɔ maŋ sààŋ zòòlò aŋ Juùù nyaŋ dìì yèè maŋ dòmaŋ màŋ diɛŋ. Àŋ nyɛnɛŋ tɛɛ̀ wèè aŋ tɔɔ̀ kɛ̀ àŋ yaà tɛ̀ɛ̀ ko ɓài. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Luù 20:47

Àŋ nyinìàŋ aŋ jɔ̀ùŋnèèdàà nyaŋ kàaɓì yèè aŋ nyiŋ gè maŋ tùlìè jii nyiŋ màŋ sìwè maŋ gboo nyiŋ màŋ sùà. Àŋ manaŋ kèè nyiŋ bi tɔ̀ɔ yèè maŋ zòòlo nyiŋ màŋ mùŋloe jèì. Anyùùŋ mààŋ nyiiŋ do wa nàwèè nàŋ kùwò e nimilà nyìnga e mààŋ nyààŋ!”

Jɔ̀ɔŋ 7:18

Sèè mìŋ mɔnɔŋ weè wèè ka gbòà wèè ka jòòwò miàŋ bi, mìŋ henàŋ gbòò e gààŋ miàŋ biɛ̀ sùà. Kɛɛ mìŋ manaŋ ka dɛ̀ɛ̀kɛ̀ wo nyùnɔ̀ɔŋ naim tùɔ̀ŋ wɔ. Esaɓùɛ lɛɛ̀ mìŋ woà e tɔɔɓaaà yèè e fè tòa.

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 15:5

Kɛɛ anyuùŋ hààwe nyàŋ bà nyiŋ ke gbòò aŋ Fɛlosiì nyaŋ sùà naŋ woò nyààŋ, “Anyùùŋ nyaŋ fè àŋ Juùù yèè àŋ naŋ kìlè koɓɛ̀ Dayài nyàŋ nɔ̀ŋ kpùa jàa nyiŋ e kìlà aŋ jɔɔlɔ̀ maŋ Sàwà maŋ wo Mòòze naŋ wi kiɛ̀ŋ maŋ dìì.”

2 Kɔliìŋ 10:12

E fèiŋ gbɛ̀ɛ̀nɛ̀ŋ yàwi bi kòɓɛ̀ ànyùùŋ nyaŋ yè nyaŋ gongà tiwìtiwì wèè nyiŋ bi nyàŋ. Kɛɛ àŋ naŋ zuwò wèè aŋ gbɛ̀ɛ̀nɛ̀ŋ nyiŋ bi koɓɛ̀ nyiŋ biì.

2 Kɔliìŋ 11:13

Aŋ felaa nyiiŋ àŋ yaà aŋ kèèlà kàaɓì, àŋ yaà aŋ keela tòa, aŋ yè nyaŋ tɔɔ e nyaàiŋ dè e tòmo nyiŋ nɛ̀ yèè àŋ ɓemàŋ e kìlà àŋ tɔɔ̀ nyiŋ bi wèè aŋ nɔ̀ŋ mààŋ aŋ keela kɛnɛ wèè Jisɛ̀ Kulaì.

Gàla 2:14

Kɛɛ nààŋ mìŋ naŋ wa yɛmɛ̀ kɛ̀ aŋ fè kààiŋ sùà kè dòmàŋ jìlɛɛ̀ŋ è nyaàiŋ dè è tɔ̀ɔ̀nyààŋ Ebò Siaàŋ lɛ, mìŋ naŋ wa woò wo Pììlɛ ko fɛ̀ɛ̀fèìŋ anyùùŋ nyaŋ gbiŋ mìàŋ, “Mùŋ yaà wo Juùù nyuuŋ, yèè màŋ wa nɔ̀ŋ wɔŋ nyiiŋ gèe mɔɔ̀ŋ sùà mààŋ wo nyùnɔ̀ɔŋ fè wò Juùù wɔ. Kɛ̀ dièsɔa mùŋ naŋ ɓɛ̀nɛ̀ŋ hììyà anyùùŋ nyaŋ fè àŋ Juùù nyaŋ wèè aŋ nɔ̀ŋ wɔŋ nyiiŋ gèe nyiŋ nɔɔ̀ŋ sùà mààŋ aŋ Juùù nyuuŋ?”

Gàla 2:3

Wo Taitɔ̀ naim wa jèè maŋjɛ̀wɛ e kà ko Jùlusɛ̀làm. Jòòpɛɛ wò yaà wa wo Guliì nyuùŋ, kɛɛ aŋ gòuŋ wa kùwìà màŋ gàangàaŋ wèè auŋ jàà kpùa.

Gàla 5:11

Wùìyaim nyàŋ, sèè ka woò mìàŋ è yaà tɛ̀ɛ̀ wèè wo nyùùŋ nɔ̀ŋ kpùà jàa, kɛ̀ wèè kiìŋ mìŋ yaà maŋ keì nyìnga mɛɛ̀ŋ sùà? Sèè tii naŋ wèè ɓɛ̀nɛ̀ŋ nɔ̀ŋ e tɔ̀ɔ̀nyaàŋ, kɛ̀ ke miè gbìaàŋ e nyaàìŋ dè wɔŋ vànèkpàà Jisɛ̀ Kulaìɔ weè ɓɛìŋ ɓɛ̀nɛ̀ŋ nɔ̀ŋ e keì nyìnga.

Gàla 6:13

Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.

Fèle 1:15

Anyùùŋ nyaŋ bà nyiŋ yaà gbùùyè ke mìè Dayàa e nyaàiŋ dè wo Jisɛ̀ Kulaì, esaɓù kɛ̀ àŋ giiyà wì koo yèè àŋ nyinìàŋ wì nyaàtàaŋ. Aŋ bà nyiŋ gboo ke mìè Dayàa esaɓù kɛ̀ àŋ manaŋ aŋ kìɛ̀ŋ kpùùmaŋ.

Fèle 2:4

Kɛ̀ɛ̀nɛìŋ gòngo wèè aŋ dàwiiŋ nyàŋ, kɛɛ ɓɔ̀ è nɔ̀ŋ nɔŋ wèè nyɛ̀iŋ bi.

Fèle 3:18

Kàiŋ tɛɛ̀ woò e teenga zimgbe, yèè mìŋ yààìŋ niìŋ ɓɛìŋ woo e sɔ̀ngɔ̀ kà weè ɓɛ̀nɛ̀ŋ gòla. Anyuùŋ zimgbe kòò àŋ yaào aŋ yè nyaŋ esàɓù maŋ keì nyɛ̀nɛŋ nyiŋ màŋ maŋ nyiiŋ gèe nyiŋ màŋ sùà, nyɛnɛŋ aŋ kìlà aŋ joo nyiŋ e nyaàiŋ dè e fà Jisɛ̀ Kulaì lɛ wɔŋ vànèkpaa diɛŋ lɛ̀.

Kòlo 2:23

Maŋ langi mààŋ mɛɛ̀ŋ, wɛ̀i ɓɛ̀nɛ̀ŋ tɔ̀ɔ̀ e jiikɛ̀ɛ siaŋ ko nɛ̀ɛ̀ŋ nyiŋ niìŋ, nààŋ àŋ zoolà aŋ màikà, e kìlà àŋ tɔɔ̀ nyiŋ bi kɛ̀ àŋ yaà tɛ̀ɛ̀ e kèè Dayàa sùà, yèè àŋ jaa maŋ kpùnaŋ nyiŋ màŋ maŋ keì keekèè zimgbe. Kɛɛ maŋ kuwà è gààŋ gbiŋ màŋ keì nyɛ̀nɛŋ wi màŋ diɛŋ màŋ kpùnaŋ wi màŋ sùà.