Gàla 6:10 - WƆŊ FƐ̀Ì EBÒ SÌÀŊ DAYÀA

¹⁰ Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

Gàla 6:10 ပူးပေါင်းရင်းမြစ်များ

Maafiù 10:25

Weètii wo kààjɔa kuwa wo kɛ̀ɛ̀nɛ̀ŋ ke jii fàa wèè wò nɔ̀ŋ mààŋ wo kààmɔɔuŋ nɔɔ̀ŋ, e kìlà wo ɗo wò nɔ̀ŋ mààŋ wo kɛ̀ɛ̀nɛuŋ nɔɔ̀ŋ. Sèè anyùùŋ aŋ nyààŋ wo ɓɛ̀màŋɗì ke kpooɛ̀ wo Bɛɛziɓù, jàaìŋ jii kɛ̀ àŋ doiŋ nàŋ nyììnyɛ̀ŋ maŋ dèè maŋ gòiŋ teenè maŋ.

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Maafiù 5:43

“Nàŋ kòmàŋ e yèɛ àŋ naiŋ wa woò lɛ kɛ̀, ‘Niŋ mànàŋ aŋ dàwiiŋ nyàŋ yèè niŋ wùàŋ aŋ jooiŋ nyàŋ.’

Luù 6:35

Kɛɛ mànaìŋ aŋ jooiŋ nyàŋ e kìlà niŋ nyinìàŋ nyiŋ keì sìàŋ. Ɓɔ̀ nìŋ kiɛ̀ŋ nyiŋ fòfoo nìŋ manaŋ wèè aiŋ niŋ ɓɛìŋ kɛlɛ̀ɛ̀. Sèè nìŋ nyɛnɛŋ tii, wo Dayà doiŋ nàŋ kìɛ̀ŋ e jìwààjɛ̀wɛ̀ gbee. E kìlà nìŋ do nàŋ nɔ̀ŋ aŋ jɔ̀à wèè wo Dayà Gaàŋ Gbeeɔ̀. Esaɓù kɛ̀ wo Dayà tuwà tɛ̀ɛ̀ koɓɛ̀ wo nyuùŋ gò nyìmàŋ saɓùɔ yaà wo nyuùŋ nyɛ̀nɛ̀ŋ tùwo naanààaŋ.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

2 Kɔliìŋ 2:8

Wèètii, mìŋ yààìŋ dàwe sùà wèè nauŋ nyɛ̀nɛ̀ŋ wo nyìmàŋ tɔɔɓaa kɛ̀ nìŋ mànaŋ wo nyùùŋ bi.

Gàla 1:23

Àŋ naŋ nyìmè e yèɛ anyuùŋ joo yaà wa woo lɛ̀. “Wo felaà yèɔ he wi wa nimìlà wèè e hààweɛ̀ wɔ, kòò wò yaà naàŋ wòò ke mìè gbìàŋ Ebò Siaàŋ wò yaà wa kààmè ɗewe wèè wo pɔɔpɔ̀ɔ̀ lɛ!”

Ɛfesɔ̀ 2:19

E wèètii, nyɛ̀iŋ nyàŋ niŋ fè àŋ Juùù nyaŋ, niŋ fè ɓɛìŋ ànyùùŋ fuɔŋ joo ɔ̀ɔ̀ ànyùùŋ nèè nyɛiŋ, nìŋ yaà naàŋ aŋ kɛ̀ɛ̀nɛ̀ŋ fuɔŋ nyɛ̀iŋ nààŋ nyùùŋ nɛɛmaŋ nyàŋ gbiŋ koɓɛ̀ guùŋ, yèè aŋ bàiŋbà ke kpòò Dayàa sùà.

Ɛfesɔ̀ 3:15

wo yèɔ naŋ jàà maŋ kpoo màŋ gbiŋ maŋ dèè ko àìjɛnɛ̀ŋ yaà e dììɛ diɛŋ wɔ̀.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

Ɛfesɔ̀ 5:16

E wèètii, sèè e ɗewe gbiŋ naiŋ nɔ̀ŋ, tòòmoìŋ niŋ tɛ̀ɛ̀ kaiŋ, esaɓù kɛ̀ maŋ niìsìa mɛɛ̀ŋ maŋ fè tɛ̀ɛ̀.

Fèle 4:10

Nààŋ mìŋ nyiniàŋ wɔŋ nyiiŋ gèe miɔ̀ŋ wo Kanaà Jisɛ̀ sùà, e zɔlɔ̀ gbee naim diè, wèè ka nyìmàŋ kɛ̀ nìŋ naŋ ɓɛìŋ kɛ̀ɛ̀nɛ̀ŋ e gòngo e weèim e yìwìà e teenga mùnlaŋ. Tɔɔɓaa, nìŋ hewa gòngò kiim, kɛɛ niŋ kuwà wa è ɗewe wèè naŋ niŋ tɔɔ̀ janjai.

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.

1Tɛsè 5:15

Ɓɔ̀ nìŋ yɛmɛ̀ wò nyùùŋ gbiŋ wèè wo gììyà è kpàŋ keì naanààŋ wò dawiuŋ nɔɔ̀ŋ, kɛɛ e teenga gbiŋ sùà e gòngoiŋ nɛ̀ nɔ̀ŋ wèè naŋ nyìnìàŋ keì sìàŋ e fèemàŋ, yèè naŋ niŋ nyɛ̀nɛ̀ŋ koɓɛ̀ nyùùŋ gbiŋ.

1Tɛsè 5:21

E nɛ̀ŋ gbiŋ sɔɔ̀ naŋ niŋ tùàŋ maŋ nɔnɔŋ, e yèɛ siaŋ lɛ̀ naŋ niŋ ɓemè

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

1Pììlɛ 4:17

E tèèngà e gbàiɛ̀ è haì, yèè è do nàŋ tɔ̀ɔ̀tù ko sààŋ Dayài jiɛ̀. Sèè è tɔɔtù wì diɛŋ, diè ko jèè e ɗìi do nàŋ nɔ̀ŋ wèè anyùùŋ nyaŋ gò hààwè kè mìè gbìàŋ Ebò Siaàŋ kè yèɛ yewe Dayà sìwè lɛ?

1Jɔ̀ɔŋ 5:1

Wo nyùnɔ̀ɔŋ gbiŋ naŋ haawè kɛ̀ wo Jisɛ̀ nàŋ yaà wo Kulaìɔ wɔ̀ wò yaà wo jɔ̀à Dayà. Yèè wo nyùnɔ̀ɔŋ gbiŋ manaŋ wo nyuùŋ kòmaŋ wɔ̀, wò manaŋ wo jɔ̀à nyùùŋ bi wuŋ pɛɛ.

3Jɔ̀ɔŋ 1:10

Sèè mìŋ hnàŋ, mìŋ do nàŋ gè maŋ keì maŋ gbiŋ wò naŋ nyɛ̀nɛ̀ŋ maŋ dìì, maŋ keì naanààŋ maŋ wò woà nyaàiŋ e wi dè yèè e tòaà wò tɔɔ̀ lɛ! Kɛɛ tii pɛɛ fè è gbiŋ weèuŋ, wo naàŋ jàà kè gbòò ànyuùŋ hààwe nyàŋ kùàŋ dìì sèè àŋ hnàŋ, yèè wùìyaiŋ nyàŋ pɛɛ manaŋ wèè aŋ nyiŋ jàà kùàŋ dìì nyaŋ, wò nyiŋ kìlìà kùàŋ feìŋ e kìlà wò fɛɛ wèè wo nyiŋ nyìmàŋ aŋ fòlà ke Sààŋ zòòloɛ̀ dìì!

3Jɔ̀ɔŋ 1:11

Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.

3Jɔ̀ɔŋ 1:3

Mìŋ yaà wa e zɔlɔ̀ gbee sùà nààŋ anyuùŋ hààwe nyàŋ bà nyiŋ naŋ hnè yèè àŋ naìm wòò e ɗeweɛ̀ nìŋ kuwa hààwe e tɔ̀ɔ̀nyaàŋ sùà, màànààŋ nɔŋ nìŋ yaà e tɔ̀ɔ̀nyaàŋ wɔŋ nyiiŋ gèeɔ̀ sùà lɛ.