Gàla 6:1 - WƆŊ FƐ̀Ì EBÒ SÌÀŊ DAYÀA

¹ Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Gàla 6:1 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Maafiù 26:69

Wo Pììlɛ jaa wa ko jɔ̀ɔ̀lègbèè wɔŋ gbòòkùàŋ wo Kànà Sìèfèìŋ Zòòlo Gbeeɔ̀ e ɓula, yèè wo ɓɔì jɔùŋ jɔa bà naŋ hnè koɓɛ̀ wo Pììlɛì wò nauŋ woò wààŋ, “Muàŋ pɛɛ mùŋ yaà wo nyùùŋ màŋjɛ̀wɛ̀ Jisɛ̀ɔ bà, wo nyùùŋ ko Galaliì wii.”

Maafiù 26:75

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Maafiù 9:13

Kɔ̀àaìŋ niŋ kpɛ̀nɛ̀ŋ e yèɛ wɔŋ fɛ̀ì Dayàa naŋ woò lɛ. Wɔ̀ŋ naŋ woò wààŋ, ‘Mìŋ manaŋ naŋ tɔ̀ɔ̀ ke nyowo koɓɛ̀ aŋ dàwiiŋ nyàŋ, kɛɛ e fè wèè naŋ nɔŋ gììyà màŋ ɗolònɛ̀ŋ saàà kò nɛ̀ɛ̀ŋ miìŋ.’ Miŋ gò hnàŋ wèè ka nyààŋ ànyùùŋ tɔ̀ɔ̀nyaàŋ nyaŋ wèè aŋ nɔ̀ŋ ànyùùŋ màŋjɛ̀wɛ̀im, sɔɔ̀ anyùùŋ maŋ kpèè naanààŋ nyaŋ.”

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

Luùm 15:1

Yàwiiŋ nyàŋ e hààwe wilɛ̀ naŋ nyìngè sùà nyaŋ, è kuwa eiŋ kìɛ̀ŋ kpùùmaŋ koɓɛ̀ anyùùŋ nyaŋ e hààwe nyiŋ nɛ̀ gò nyìngà sùà nyaŋ. Ɓɔ̀ è nyɛ̀nɛ̀iŋ è keì è doiŋ fɔ̀ɔ̀yɛ̀ yàwi bi jii.

Luùm 8:6

Sèè maŋ jii wi màŋ maŋ nɔ̀ŋ e gààŋ maŋ jùumù wi màŋ dìì, maŋ kpùnaŋ wi màŋ do nàŋ fɔ̀ɔ̀yɛ̀ maŋ jùumù sùà. Kɛɛ sèè maŋ jii wi màŋ maŋ nɔ̀ŋ e gààŋ wo Jìnàŋ Nɛɛmaàŋ dìì, wo Dayà do nàŋ nyɛ̀nɛ̀ŋ eiŋ kɛ̀ɛ̀nɛ̀ŋ wɔŋ nyiiŋ gèe e kìlà eiŋ nɔ̀ŋ ke jii fàa sùà.

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

1 Kɔliìŋ 14:37

Sèè wo nyùùŋ gbiŋ naŋ gongò kɛ̀ wò yaà wo wɛ̀ijì ɔ̀ɔ̀ wò kuwa e kìɛ̀ŋ Jinàaŋ, wo nyìmàŋ kɛ̀ e nɛ̀ɛŋ mìŋ yaà sìnga sùà ko nɛ̀ɛ̀iŋ niìŋ lɛ, ke sàwà Kanaà ye.

1 Kɔliìŋ 2:15

Wo nyùnɔ̀ɔŋ gbiŋ kuwa wo Jìnàŋ Dayàa wɔ̀, wò ɓɛ̀nɛ̀ŋ gbàì gbììŋ gbììŋ nɛ wèè e keì gbiŋ, kɛɛ wo nyùùŋ gbiŋ fòuŋ ɓɛ̀nɛ̀ŋ tùàŋ màŋ nɔnɔŋ.

1 Kɔliìŋ 3:1

Tɔɔɓaa tiŋ, nyɛ̀iŋ nààŋ wùìyaim nyàŋ, miŋ fèiŋ wa ɓɛ̀nɛ̀ŋ gbòà kɔɔ mààŋ anyuùŋ kùwìè Jìnàŋ Dayàa, mìŋ kuwa wa nɔ̀ŋ wèè kaiŋ gbòà kɔɔ mààŋ anyùùŋ nyaŋ yaà maŋ kpèè ɗuunyaŋ màŋ maŋjɛ̀wɛ nyàŋ, mààŋ aŋ jɔaa wo Jisɛ̀ Kulaì sìwè.

1 Kɔliìŋ 4:21

Kòòiŋ nìŋ manaŋ? Sèè mìŋ nɔ̀ŋ hinie miŋ hiàŋ ke sele ko diɛiŋ, ɔ̀ɔ̀ wo jìnàŋ mànaŋ yaà ke jii siaŋ?

1 Kɔliìŋ 7:5

Wo nyùùŋ ɓɔ̀ gangà wò dawiuŋ nɔɔ̀ŋ sìwè nyɛ̀iŋ tìyèe è fèemàŋ, sɔɔ̀ naŋ nyimèè wèè naŋ yɛi nyɛ̀nɛ̀ŋ wèè è teenga kpàa bà, wèè niŋ gbìàŋ e teengaiŋ bi e zòòlo sùà. Sèè e teenga bi juo nɔŋ, tɔ̀ɔ̀tuìŋ ke kpèè yɛɛ̀iŋ nɛɛ̀ŋ nyɛ̀nɛŋ. E ɗewe lɛɛ̀ sùà, niŋ naàŋ jàà è wɔ̀à Sɛ̀tanàaŋ kùàŋ dìì èsàɓù nyɛ̀iŋ bi gò yɛ̀mɛ̀ diɛiŋ nɛ̀ sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 2:7

E ɗewe gbiŋ sùà, nìŋ kuwa nauŋ jùùyà hakɛ̀ yèè nauŋ fè ke jii nyingè, e wèè ke nyowo gouŋ nàŋ mààŋ nyiiŋ zimgbe wo dàà kùàŋ kpɛlɛmɛɛŋ.

2 Kɔliìŋ 2:8

Wèètii, mìŋ yààìŋ dàwe sùà wèè nauŋ nyɛ̀nɛ̀ŋ wo nyìmàŋ tɔɔɓaa kɛ̀ nìŋ mànaŋ wo nyùùŋ bi.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

Gàla 6:18

Nyɛ̀iŋ nààŋ wùìyaim nyàŋ, mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ. Àmiinàŋ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Tɛsè 3:15

Kɛɛ ɓɔ̀ nìŋ kùwà nyiŋ è kùwà è joo, kìɛìŋ nyiŋ e gòo mààŋ aŋ wùìya.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.

Jìiiŋ 3:13

Ɓòò naŋ kɛ̀ɛ̀jii yèè wò jaa e keì jii e tɛɛiŋ? Tɔ̀ɔ̀ niŋ e yìwìà wɔŋ nyiiŋ gèe siaŋ mɔɔ̀ŋ sùà, yèè maŋ kpèè siaum màŋ mùŋ nyinìàŋ e jɔ̀ɔ̀lɔ dìì e yèɛ folo e jiikɛ̀ɛ sùà lɛ.

Jìiiŋ 3:2

Yàwi nààŋ gbiŋ è nyɛ̀nɛ̀ìŋ maŋ keì bàa zimgbe. Sèè wo nyùnɔ̀ɔŋ gò duonò è gbòauŋ nɛ̀ sùà wɔ, wo kuwà è tɔ̀mɛ yèè wò ɓɛ̀nɛ̀ŋ yɛ̀mɛ̀ ke kpùnauŋ nɛɛ̀ŋ gbiŋ diɛŋ.

1Pììlɛ 3:15

Kɛɛ kùwieìŋ e ɓɛ̀ɛ̀jàa wèè Jisɛ̀ Kulaì maŋ jiiiŋ màŋ sùà, yèè niŋ joowòuŋ mààŋ wo Kana maŋ nyiiiŋ màŋ sùà. Nɔ̀ɔìŋ e bànèbaneiŋ e teenga gbiŋ sùà wèè naŋ fàsàì nyùùŋ gbiŋ wo yèɔ dawàìŋ wèè nauŋ fè ke jii gbài wèè ke jii tùliaà yààìŋ sùà lɛ.

1Jɔ̀ɔŋ 5:16

Sèè maŋ yɛ̀mɛ̀ wo wùìya mɔɔ̀ŋ bà wò nyɛ̀nɛ̀ŋ e kèì jùumù e yèɛ fòuŋ wa nàwèè gè wɔ̀ŋ nyiiŋ gèe gò jùàa sùà lɛ, dàwè Dayà wèè wo kiɛ̀ŋ wo nyùùŋ wii wɔŋ nyiiŋ gèe gò jùà. Kɛɛ ɓɔ̀ è nɔ̀ŋ è jùumùɛ yèɛ do nàŋ nyɛ̀nɛ̀ŋ wò nyùùŋ wii nàwèè sòò wɔ̀ŋ nyiiŋ gèe gò jùà lɛ.