Gàla 5:6 - WƆŊ FƐ̀Ì EBÒ SÌÀŊ DAYÀA

⁶ Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 5:6 ပူးပေါင်းရင်းမြစ်များ

Luù 7:5

Wo kenàŋ wɛɛ̀ manaŋ anyuùŋ wi nyàŋ yèè ngèè wuŋ bi naŋ fè e nɛɛnɛŋ aŋ nyɛ̀lɛ̀ ke sààŋ zòòlò aŋ Juùù weè wi.”

1 Kɔliìŋ 13:13

E tèèngà guùŋ bi diɛŋ, maŋ kèì ɗì taai mɛɛ̀ŋ nàŋ sia. E hààwe, ke jii tùlia, yèè e mànaŋ, kɛɛ e gbee gàtòɛ nàŋ yaà e mànaŋ.

1 Kɔliìŋ 7:19

Àŋ jàà wo kpàkòò ke kpùa, aŋ gòuŋ jàà kè kpùa, e fè è nɛ̀ŋ bà gbiŋ. E kɛnɛɛ̀ nàŋ yaà wèè eiŋ jɔ̀ɔ̀lɔ̀ ke sàwà Dayàa dìì.

2 Kɔliìŋ 5:14

E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

Ɛfesɔ̀ 6:23

Mìŋ zoolà wèè wo Dayà wo Dèdaà yaà wo Kanaà Jisɛ̀ Kulaì kiɛ̀ŋ aŋ wùìya kùwìè e hààwe nyàŋ gbiŋ ke jii fàa yèè e mànaŋ yaà e hààwe.

Kòlo 1:4

Èiŋ kòmàŋ e kèè e hààweɛ̀ niŋ kuwa wo Jisɛ̀ Kulaì sùà, yèè e mànaàŋ nìŋ kuwa wèè anyùùŋ nɛɛmaŋ nyàŋ gbiŋ lɛ̀.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

Hiɓu 11:8

E hààwe naŋ wa nyɛ̀nɛ̀ŋ wo Eɓulɔhɛɛ̀ŋ naŋ jɔɔlɔ̀ e teengaà wo Dayà nauŋ wa nyààŋ wèè wo ka koɓɛ̀ wɔŋ fuɔŋ bà wɔŋ yèɔ wo Dayà naŋ wa jɔ̀ɔ̀ ɗààhiì wèè wouŋ kiɛ̀ŋ wɔŋ. Wo Eɓulɔhɛɛ̀ŋ naŋ wa yèwè wɔŋ fuɔuŋ nɔɔ̀ŋ wèè wo ka koɓɛ̀i wo nyimààŋ lɛ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,