Gàla 5:5 - WƆŊ FƐ̀Ì EBÒ SÌÀŊ DAYÀA

⁵ Ke jii tùliaà è kùwàìŋ lɛ̀ nàŋ yaà kɛ̀, wo Dayà do wi nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè tɛɛ̀ è yiwìà gààŋ Jìnàŋ Nɛɛmaàŋ, e wi toomò e yìwìà e hààwe wi lɛ sùà.

Gàla 5:5 ပူးပေါင်းရင်းမြစ်များ

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

1 Kɔliìŋ 1:7

yèè esàɓù tɛɛ̀, kòò nìŋ ɓà è kìɛɛ̀ŋ bà guùŋ pɛɛ, nààŋ nìŋ yaà fùlìè wo kààmɔɔɔ̀ŋ Jisɛ̀ Kulaì wèè wo hnàŋ lɛ.

Ɛfesɔ̀ 2:18

Esàɓù Jisɛ̀ Kulaì sùà, aŋ Juùù nyaŋ yèè anyùùŋ nyaŋ fè àŋ Juùù nyaŋ, yàwi nààŋ gbiŋ è naiŋ ɓɛnɛ̀ŋ wèè eiŋ hnàŋ wo Jìnàŋ gunɔ̀ɔŋ sùà ko fɛ̀ɛ̀fèìŋ Dèdaì.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

2Tɛsè 3:5

Tɔ̀ wo Kanaà dèiŋ ke dòmaŋ diɛŋ wèè niŋ kuwìè e mànaŋ mààŋ Dayà yèè ke jii kùwaà wo Jisɛ̀ Kulaì kiɛ̀ŋ lɛ.

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.