Gàla 5:3 - WƆŊ FƐ̀Ì EBÒ SÌÀŊ DAYÀA

³ Mìŋ yààìŋ fè sùà e gòo lɛɛ̀, wo nyùnɔ̀ɔ̀ŋ naŋ nyimèè wèè auŋ jàà kpùà wɔ̀, sɔɔ̀ wo jɔ̀ɔ̀lɔ̀ ke Sàwàa gbiŋ dìì.

Gàla 5:3 ပူးပေါင်းရင်းမြစ်များ

Maafiù 23:16

“E keì nyìnga do nàŋ nɔ̀ŋ ko nɛ̀ɛ̀iŋ niìŋ, nyɛ̀iŋ naŋ weè tɛɛwɛ̀ wèè naŋ sìè anyùùŋ ko feìŋ naŋ nyiŋ koà, kɛɛ nìŋ naŋ zììlè le fɛ̀ɛ̀. Nìŋ naŋ woò nààŋ, ‘Sèè wo nyùùŋ wo gboonò e dèè ke Saaŋ Zòòlò Dayàa diɛŋ, e fè è keì gbiŋ. Kɛɛ nààŋ sèè wo nyùùŋ wo gboonò e dèè e gòoòɛ diɛŋ ko Saaŋ Zòòlò Dayài, kɛ̀ wò pɔ̀ɔ̀ ke sàwà, kɛ̀ wò kuwa wo nyɛ̀nɛ̀ŋ e yèɛ wò naŋ woò lɛ.’

Maafiù 23:18

Nìŋ naŋ ɓɛìŋ woò nààŋ, ‘E fè è keì sèè wo nyùùŋ wo gboonò e dèè wɔŋ gbɛ̀gbɛ̀ zòòloɔ̀ diɛŋ. Kɛɛ sèè wo nyùùŋ wo gboonò e dèè manɛ̀ŋ kìɛŋ màŋ diɛŋ wɔŋ gbɛ̀gbɛ̀ zòòloɔ̀ diɛŋ kɛ̀ wò pɔ̀ɔ̀ ke sàwà, wò kuwa wo nyɛ̀nɛ̀ŋ e yèɛ wò naŋ woò lɛ.’

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 2:40

Wo Pììlɛ naŋ nyiŋ kìɛ̀ŋ maŋ mìè gòo zimgbe e kìlà wò naŋ nyiŋ dawè yèè wò naŋ nyiŋ kiɛ̀ŋ maŋ jii nyingè wààŋ, “Jòèyeìŋ nyɛ̀iŋ bi e yìwìà e keì nyìnga gbeeɛ̀ yaà hìnìè anyùùŋ maŋ tùwo naanààŋ nyaŋ diɛŋ lɛ̀.”

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Gàla 3:10

Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Gàla 5:2

Jàaìŋ maŋ nùŋ dìì! Miàim Pɔɔ̀, mìŋ yààìŋ wòò sùà kɛ̀ sèè nyɛiŋ bi naŋ nyimèè wèè aiŋ jàà kpùa, è do nàŋ tɔɔ̀ kɛ̀ wo Jisɛ̀ Kulaì fè è nɛ̀ŋ kɛnɛ bà gbiŋ kò nɛ̀ɛ̀iŋ niìŋ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.