Gàla 5:25 - WƆŊ FƐ̀Ì EBÒ SÌÀŊ DAYÀA

²⁵ Wo Jìnàŋ Nɛɛmaàŋ naŋ wi kìɛ̀ŋ wɔŋ nyiiŋ gèe, yèè è kuwa wèè eiŋ dè wo Jìnàŋ Nɛɛmaàŋ maŋjɛ̀wɛ.

Gàla 5:25 ပူးပေါင်းရင်းမြစ်များ

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Luùm 8:10

Kɛɛ sèè wo Jisɛ̀ Kulaì wò nɔ̀ùm sùà, mùŋ do nàŋ wɔŋ nyiiŋ gèe sùà esaɓù kɛ̀ wo Dayà wòum jàà kùàŋ dìì wèè maŋ nɔ̀ŋ wo nyùùŋ tɔ̀ɔ̀nyaàŋ, jòòpɛɛ maŋ kpùnaiŋ màŋ do nàŋ fɔ̀ esàɓù maŋ jùumù.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

Gàla 5:16

E yèɛ mìŋ yaà woo lɛ̀ nàŋ yaà tɛɛ̀, tɔ̀ e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, yèè ɓɔ̀ nìŋ jɔɔlɔ̀ è ɗèwè màŋ kèìŋ nyuùŋkpùuŋ màŋ dìì.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

1Pììlɛ 4:6

Wèè esaɓù lɛɛ̀, àŋ yaà wòò ebò siaàŋ koɓɛ̀ anyuùŋ fàa nyàŋ nyiŋ pɛɛ, wèè kɛ̀ sèè wo Dayà kpɛɛyɛ̀ nyiìŋ gbààì keì maŋ kèìŋ maŋ sùà wèè manɛ̀ŋ maŋ àŋ naŋ nyɛ̀nɛ̀ŋ nyiiŋ gèe nyiŋ màŋ sùà lɛ, aŋ jinàŋ nyiŋ nyàŋ do nàŋ nɔ̀ŋ nyiiŋ gèe sùà màànààŋ Dayà yaà lɛ.

Maŋ kèì nyɛɛnɛŋ 11:11

Nààŋ maŋ ɗɔ̀ɔ̀ taai gbànaŋ naŋ maaŋ, wo Dayà naŋ nyiŋ kɛ̀lɛ̀ɛ̀ nyiiŋ mìàŋ, yèè àŋ nàŋ sie. Anyùùŋ nyaŋ gbiŋ naŋ nyiŋ yɛmɛ̀ nyaŋ, e jùù naŋ nyiŋ nyɛ̀nɛ̀ŋ.