Gàla 5:21 - WƆŊ FƐ̀Ì EBÒ SÌÀŊ DAYÀA

²¹ Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Gàla 5:21 ပူးပေါင်းရင်းမြစ်များ

Maafiù 25:34

Kpeiŋ kɛ̀ miàim wo Kanaà kà wòò anyùùŋ nyaŋ wɔŋ kùàŋ jìka miɔ̀ŋ mìàŋ, ‘Hnàaìŋ, nyɛ̀iŋ nyàŋ wo Dèda miɔ̀ŋ naŋ haayà nyaŋ! Hnàaìŋ niŋ ɓemè e Kànà Dayàa naŋ wa nɔ̀ŋ bàne niŋ weèiŋ lɛ paŋgàà e ɗuunyaàŋ naŋ wa nɔ̀ŋ bàne niŋ lɛ̀.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

1 Kɔliìŋ 15:50

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ nàŋ yaà kɛ̀, e nɛ̀ɛŋ gbiŋ wo Dayà naŋ bàànè maŋ kèìŋ yaà maŋ sɛ̀ìŋ nɛ, e fè nɔ̀ŋ bàiŋbà è Kànà Dayàa sùà, yèè e yèɛ è fà lɛ, e fè kɛ̀ɛ̀nɛ̀ŋ è yèɛ jeeyà wèè julɔfɔ lɛ̀.

1 Kɔliìŋ 5:11

Kɛɛ e nɛ̀ɛŋ mìŋ yaà wòo sùà lɛ nàŋ yaà kɛ̀, wo nyùnɔ̀ɔŋ naŋ nyààŋ wuŋ bi wo wùìya, è hààweɛ̀ sùà wɔ, kɛɛ wò yaà maŋ kpèè nàànààŋ hmɔŋtu sùà, ɔ̀ɔ̀ wò yaà e kèè nɛ̀ŋje ɔ̀ɔ̀ wò zoolà maŋ gòò, ɔ̀ɔ̀ wò yaà nyuùŋ nàànààŋ ko nyààŋ, ɔ̀ɔ̀ wo nyuùŋ tìà maŋ mùàŋ, ɔ̀ɔ̀ wò wuo, nyɛ̀iŋ nyùùŋ mààŋ wii ɓɔ̀ nìŋ mɔɔnɔ̀ŋ yèè ɓɔ̀ nìŋ jiiyà è nɛ̀ŋje kòɓɛ̀ guùŋ.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

Kòlo 3:6

Esàɓù maŋ keì mɛɛ̀ŋ, e wùàŋ Dayàa do nàŋ hnè anyùùŋ nyaŋ fòuŋ jɔ̀ɔ̀lɔ̀ dìì nyaŋ diɛŋ.

1Tɛsè 5:7

E dùùm anyùùŋ jiwìà, yèè e dùùm maŋ mùàŋ kùwò nyiìŋ.

2Tɛsè 2:5

Niŋ fè jàà è keì jii? Mìŋ naiŋ wòò màŋ keì mɛɛ̀ŋ gbiŋ è teengaà mìŋ yaà kò nɛ̀ɛ̀iŋ niìŋ lɛ.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

1Pììlɛ 4:3

Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.

Maŋ kèì nyɛɛnɛŋ 21:27

E nɛ̀ŋ gò zɛ̀nɛ̀ŋ gbiŋ naàŋ jɔ̀ kò jawa gbeeì, e kìlà wo nyùnɔ̀ɔŋ gbiŋ wò kuwa ke jii kùwà ninaŋ wɔ̀ ɔ̀ɔ̀ wo yèɔ tɔɔ wɔ̀ wo naàŋ jɔ̀ kò jawa gbeeì. Anyùùŋ nyaŋ nɔŋ nàŋ doo nàŋ jɔ̀ nyaŋ nàŋ yaà anyùùŋ nyaŋ maŋ deè nyiŋ màŋ yaà sìnga miŋ wɔ̀ŋ fɛ̀ì fùngò fùngò Ɓaawaaà sùà e nyaàiŋ dè aŋ yè nyaŋ kuwa nyiiŋ gèe wèè julɔfɔ nyàŋ.

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.