Gàla 5:19 - WƆŊ FƐ̀Ì EBÒ SÌÀŊ DAYÀA

¹⁹ E yèɛ maŋ kèìŋ nyuùŋkpùuŋ màŋ nyɛnɛŋ lɛ̀ è yaà janjai. Màŋ dè wo nyùùŋ ke dòmàŋ hmɔŋtu, maŋ gòngo naanààŋ, yèè maŋ kpèè sàngè maŋjɛ̀wɛ,

Gàla 5:19 ပူးပေါင်းရင်းမြစ်များ

Jɔ̀ɔŋ 3:6

Anyuùŋ kpùuŋ komo aŋ jɔ̀à nyiŋ nyàŋ anyuùŋ kpùuŋ sùà, kɛɛ wo Jìnàŋ wo Kanaà Dayà nɔŋ nàŋ kile wo nyùùŋ wo nɔ̀ŋ wo jɔ̀à Dayà.

Luùm 7:18

Kà nyìmàŋ kɛ̀ e gààaŋ wèè ka nyɛ̀nɛ̀ŋ e keì è yèɛ yaà tɛ̀ɛ̀ lɛ e fè kè kpùnaŋ miɛ̀ŋ sùà. Sèè pɛɛ ka kɛ̀ɛ̀nɛ̀ŋ ɗèwe wèè ka nyɛ̀nɛ̀ŋ e tɔ̀ɔ̀nyaàŋ, miŋ fè niŋ ɓɛ̀nɛ̀ŋ nyɛ̀nɛŋ.

Luùm 7:25

Mìŋ naŋ gè wo Dayà ke sɛ̀ e yìwìà wo yèɔ doim nàŋ joeyè wɔ, wo Kana wiɔ̀ Jisɛ̀ Kulaì sùà. Weètii, yɛi mìŋ yaà, e yìwìà ke jii miɛ̀ŋ sùà mìŋ jɔɔlɔ̀ ke Sàwà Dayàa dìì. Yèè e yìwìà ke kpùnaŋ miɛ̀ŋ sùà mìŋ jɔɔlɔ̀ ke sàwàa dìì ke yèɛ naim nyɛ̀nɛ̀ŋ wo ɗo koɓɛ̀ jùumù lɛ.

Luùm 7:5

Sèè è nɔ̀ìŋ nɔŋ maŋ nyiiŋ gèe wi màŋ sùà màànààŋ yàwi bi manaŋ wèè eiŋ nɔ̀ŋ lɛ, ke sàwàa nyɛ̀nɛ̀ŋ wì eiŋ jɔ̀ɔ̀lɔ̀ e ɗèweɛ̀ è kùwàìŋ lɛ dìì wèè eiŋ nyɛ̀nɛ̀ŋ maŋ kpèè naanààŋ maŋ kpùnaŋ wi màŋ sùà, yèè maŋ kpèè naanààŋ wi bi zà nàŋ do wi nàŋ nyɛ̀nɛ̀ŋ eiŋ fà.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 8:5

Anyùùŋ nyaŋ nyiniàŋ maŋ nyiiŋ gèe nyiŋ màŋ e mànàŋ ke kpùnaŋ nyiŋ nɛɛ̀ŋ sùà nyaŋ, àŋ gongà nɔŋ kèè maŋ kpèè nyiŋ bi màŋ. Anyùùŋ nyaŋ wo Jìnàaŋ toomàŋ sùà nyaŋ, gongà e kèè e nɛ̀ɛŋ wo Jìnàŋ Dayàa manaŋ aŋ nyɛ̀nɛ̀ŋ lɛ.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

1 Kɔliìŋ 3:3

esaɓù kɛ̀ kòò nìŋ yaà nɔŋ maŋ kpèè anyùùŋ ɗuunyaŋ nyàŋ màŋ maŋjɛ̀wɛ. Sèè e koo gèe yèè e nyaàŋ tàaŋ nɔ̀ìŋ e fèemàŋ, tɛɛ̀ fè tɔɔ̀ kɛ̀ kòò nìŋ yaà nɔŋ è tɔ̀ɔ̀màŋsèì anyùùŋ ɗuunyaŋ nyàŋ maŋ màŋjɛ̀wɛ?

1 Kɔliìŋ 6:18

Duàŋ e kèì nàànààŋ hmɔŋtu nyɛ̀nɛŋ, e keì naanààŋ gbiŋ wo nyùùŋ naŋ nyɛ̀nɛ̀ŋ e fè mɔ̀ɔ̀nɛ̀ŋ kè kpùnauŋ nɛɛ̀ŋ, kɛɛ wo nyùnɔ̀ɔŋ naŋ gbèè e hmɔŋtu nyɛ̀nɛŋ wɔ, wò ɓemàŋ e jùumù ke kpùnàŋ wuŋ biɛ̀ diɛŋ.

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Gàla 5:17

E yèɛ maŋ kèìŋ nyuùŋkpùuŋ màŋ manaŋ lɛ̀ tiŋ wo Jìnàŋ Nɛɛmaàŋ naŋ gììyè maŋhɛɛ, yèè e yèɛ wo Jìnàŋ Nɛɛmaàŋ manaŋ lɛ̀ tiŋ maŋ kèìŋ nyuùŋkpùuŋ màŋ naŋ gììyè maŋhɛɛ. Maŋ kèì ɗì tìyèe mɛɛ̀ŋ naŋ wùònò fèemàŋ, yèè màŋ keewàìŋ kùàŋ feìŋ wèè niŋ go nàŋ nyɛ̀nɛ̀ŋ è yèɛ nìŋ naŋ ɗewe wèè naŋ nyɛ̀nɛ̀ŋ lɛ.

Gàla 6:8

Sèè naŋ nyùàŋ e yìwìà e ɗèwè maŋ kèìŋ nyuùnkpùuŋ màŋ sùà, nìŋ do naŋ kpàà e nànàŋ fàa e yìwìà e ɗèwe bi sùà, kɛɛ sèè naŋ nyùàŋ e yìwìà e ɗèwè wo Jìnàŋ Nɛɛmaàŋ sùà, nìŋ do wa nàwèè naŋ kpàà wɔŋ nyiiŋ gèe gò jùà.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.