Gàla 5:17 - WƆŊ FƐ̀Ì EBÒ SÌÀŊ DAYÀA

¹⁷ E yèɛ maŋ kèìŋ nyuùŋkpùuŋ màŋ manaŋ lɛ̀ tiŋ wo Jìnàŋ Nɛɛmaàŋ naŋ gììyè maŋhɛɛ, yèè e yèɛ wo Jìnàŋ Nɛɛmaàŋ manaŋ lɛ̀ tiŋ maŋ kèìŋ nyuùŋkpùuŋ màŋ naŋ gììyè maŋhɛɛ. Maŋ kèì ɗì tìyèe mɛɛ̀ŋ naŋ wùònò fèemàŋ, yèè màŋ keewàìŋ kùàŋ feìŋ wèè niŋ go nàŋ nyɛ̀nɛ̀ŋ è yèɛ nìŋ naŋ ɗewe wèè naŋ nyɛ̀nɛ̀ŋ lɛ.

Gàla 5:17 ပူးပေါင်းရင်းမြစ်များ

Maafiù 12:30

“Wo nyùnɔ̀ɔŋ gbiŋ gò dè kpèè miɛ̀ŋ màŋjɛ̀wɛ wɔ̀, wò yaà wo jooim. Wo nyùnɔ̀ɔŋ gbiŋ gòim kpuumàŋ wèè eiŋ gbònò àŋ ɓaawaa nyàŋ kòɓɛ̀ guùŋ wɔ wò do nyiŋ nàŋ nyɛ̀nɛ̀ŋ aŋ dùàŋ aŋ ɓaayè.”

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Maafiù 16:23

Kɛɛ wo Jisɛ̀ naŋ kìlè yèè wò naŋ wòò wo Pììlɛ wààŋ, “Kɛ̀ɛ̀im maŋjɛ̀wɛ, Sɛ̀tanàaŋ! Ɓɔ̀ mùŋ kiliàim kùàŋ feìŋ. E gòngo mɔ̀ɛ̀ yiwià koɓɛ̀ Dayài, kɛɛ è yewe ke nyɛ̀nɛ̀ŋ nyuùnkpùuŋ sùà.”

Maafiù 26:41

Yɛ̀mɛìŋ nyɛ̀iŋ bi diɛŋ, yèè niŋ zoolò wèè e wàà e keì nyìnga goiŋ nàŋ hnè feìŋ. Kà nyìmàŋ kɛ̀ nìŋ manaŋ naŋ nyɛ̀nɛ̀ŋ e yèɛ yaà tɛ̀ɛ̀ lɛ, kɛɛ niŋ fè niŋ ɓɛ̀nɛ̀ŋ nyɛ̀nɛŋ è gààŋ è kèìŋ nyuùŋkpùuŋ nɛ̀ sùà.”

Maafiù 5:6

“E zɔlɔ̀ yaà anyùùŋ nyaŋ kuwa e mànaŋ gbee wèè aŋ nyɛ̀nɛ̀ŋ e tɔ̀ɔ̀nyaàaŋ wo Dayà manaŋ lɛ̀. Wo Dayà do nyiŋ nàŋ kìɛ̀ŋ ke jii fàa kɛnɛ!

Luù 22:33

Wo Pììlɛ naŋ fasàì wààŋ, “Kanaà, kà banebànè wèè yàwium e jɔ̀à ko sààŋ nyìwì yèè e fɔ̀ɔ̀yɛ̀ koɓɛ̀ guùŋ.”

Luù 22:46

Yèè wo Jisɛ̀ naŋ nyiŋ woò wààŋ, “Wèè kiìŋ nìŋ yaà maŋ jàwè? Yèwaìŋ dìì niŋ zoolò wèè niŋ go nàŋ kɔ̀ e wàa dìì.”

Jɔ̀ɔŋ 3:6

Anyuùŋ kpùuŋ komo aŋ jɔ̀à nyiŋ nyàŋ anyuùŋ kpùuŋ sùà, kɛɛ wo Jìnàŋ wo Kanaà Dayà nɔŋ nàŋ kile wo nyùùŋ wo nɔ̀ŋ wo jɔ̀à Dayà.

Luùm 8:13

Sèè nìŋ nɔ̀ŋ wɔŋ nyiiŋ gèeɔ̀ sùà wèè naŋ nɔŋ mànàŋ ke kpùnaiŋ nɛɛ̀ŋ, yèè naŋ nyɛ̀nɛ̀ŋ e yèɛ nìŋ manaŋ lɛ̀, nìŋ do nàŋ fɔ̀ɔ̀yɛ̀ maŋ jùumù sùà. Kɛɛ nìŋ do nàŋ nɔ̀ŋ wɔŋ nyiiŋ gèeɔ̀ sùà, sèè è yiwià e kpùùmàŋ wo Jìnàŋ Dayàa nìŋ jiwe maŋ nyɛ̀nɛiŋ màŋ wèè maŋ jùumùiŋ màŋ.

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Jìiiŋ 3:2

Yàwi nààŋ gbiŋ è nyɛ̀nɛ̀ìŋ maŋ keì bàa zimgbe. Sèè wo nyùnɔ̀ɔŋ gò duonò è gbòauŋ nɛ̀ sùà wɔ, wo kuwà è tɔ̀mɛ yèè wò ɓɛ̀nɛ̀ŋ yɛ̀mɛ̀ ke kpùnauŋ nɛɛ̀ŋ gbiŋ diɛŋ.