Gàla 5:11 - WƆŊ FƐ̀Ì EBÒ SÌÀŊ DAYÀA

¹¹ Wùìyaim nyàŋ, sèè ka woò mìàŋ è yaà tɛ̀ɛ̀ wèè wo nyùùŋ nɔ̀ŋ kpùà jàa, kɛ̀ wèè kiìŋ mìŋ yaà maŋ keì nyìnga mɛɛ̀ŋ sùà? Sèè tii naŋ wèè ɓɛ̀nɛ̀ŋ nɔ̀ŋ e tɔ̀ɔ̀nyaàŋ, kɛ̀ ke miè gbìaàŋ e nyaàìŋ dè wɔŋ vànèkpàà Jisɛ̀ Kulaìɔ weè ɓɛìŋ ɓɛ̀nɛ̀ŋ nɔ̀ŋ e keì nyìnga.

Gàla 5:11 ပူးပေါင်းရင်းမြစ်များ

Nyɛ̀nɛ̀ŋ 16:3

Wo Pɔɔ̀ manaŋ wa wo Timetè wouŋ dè maŋjɛ̀wɛ; Kpeiŋ wò naŋ jàà wo Timetè ke kpùa, esaɓù kɛ̀ aŋ Juùù nyaŋ gbiŋ maŋ tàta miiŋ sùà wa nyìmàŋ kɛ̀ wo dèdà Timetèɔ yaà wa wo Guliì nyuuŋ.

Nyɛ̀nɛ̀ŋ 21:21

Anyuùŋ hààwe nyàŋ naŋ kòmò kɛ̀ muàŋ nàŋ yaà kàà sùà aŋ Juùù nyaŋ maŋ fùɔ̀ŋ anyùùŋ nyaŋ fè àŋ Juùù nyaŋ sùà kɛ̀, ɓɔ̀ àŋ jɔɔlɔ̀ màŋ Sàwà Mòòze màŋ dìì, yèè mààŋ ɓɔ̀ àŋ jàà àŋ jɔ̀à nyiŋ nyàŋ kpùa ɔ̀ɔ̀ ɓɔ̀ àŋ dè langi wilɛ̀ màŋjɛ̀wɛ.

Nyɛ̀nɛ̀ŋ 21:28

Kpeiŋ àŋ naŋ tɔ̀ɔ̀tù kpàaŋ nyààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kìɛìŋ e kpùùmaŋ! Wo felaa wɛɛ̀ nàŋ yaà kàà sùà anyùùŋ nyaŋ gbiŋ maŋ tàta màŋ sùà kɛ̀ aŋ fè anyuùŋ wi nyàŋ jɛwɛ e kìlà ɓɔ̀ àŋ jɔɔlɔ̀iŋ maŋ Sàwà maŋ wo Dayà naŋ kìɛ̀ŋ Mòòze màŋ dìì; eɓìèmàŋjɛ̀wɛ̀ tii, wò naŋ hìɛ̀ŋ anyùùŋ nyaŋ fè àŋ Juùù nyaŋ wo nyiŋ jɔ̀ɔ̀yɛ̀ ko Saaŋ Zòòlò Dayài, yèè wò gè e ɓɛ̀ɛ̀jàa zɛ̀nɛɛ̀ŋ ko zòòlò nɛɛmaŋ yaà!”

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 15:30

Yèè e wèè yàwi, wèè kiìŋ è siàìŋ e keì nyìnga feìŋ wɔŋ haawà gbiŋ?

Gàla 2:3

Wo Taitɔ̀ naim wa jèè maŋjɛ̀wɛ e kà ko Jùlusɛ̀làm. Jòòpɛɛ wò yaà wa wo Guliì nyuùŋ, kɛɛ aŋ gòuŋ wa kùwìà màŋ gàangàaŋ wèè auŋ jàà kpùa.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Gàla 4:29

Kɛɛ wo jɔ̀àa àŋ naŋ wa kòmò e kèìŋ nɛ sùà wɔ, naŋ hìɛ̀ŋ keì nyìnga koɓɛ̀ wo jɔ̀àa àŋ naŋ kòmò esàɓù wo Jìnàŋ Dayàa sùà wɔ. E kei guùŋ nɛɛ̀ kò è yaà nàaŋ kaaiŋ.

Gàla 6:12

Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Gàla 6:17

Ko dìèmè maŋ kei wòo mɛɛ̀ŋ nàŋ yaà, wo nyùùŋ bà gbiŋ ɓɔ̀ wò kiɛ̀im ɓɛìŋ è kei nyìnga, esaɓù nàŋ yaà kɛ̀ e feeɛ̀ yaà wɔŋ kɔɔ miɔ̀ŋ lɛ naŋ tɔɔ̀ kɛ̀ mìŋ yaà wèè wo Jisɛ̀ kulaì.