Gàla 5:10 - WƆŊ FƐ̀Ì EBÒ SÌÀŊ DAYÀA

¹⁰ Kɛɛ kòò mìŋ kùwa nɔŋ ke jii tùlìà e nyaàìŋ eiŋ dè. E nɔ̀ɔŋ wilɛ̀ aŋ bàwibà wo Kanaà Jisɛ̀ Kulaì sùà naim kìɛ̀ŋ ke jii tùliaà kɛ̀ niŋ naàŋ nyɛ̀nɛ̀ŋ è yèɛ wò nyùùŋ bà woàìŋ wèè naŋ nyɛ̀nɛ̀ŋ lɛ, yèè wo nyùnɔ̀ɔ̀ŋ gbiŋ naŋ gongò wèè wo nyɛ̀nɛ̀ŋ maŋ jiiŋ màŋ gɔ̀àgɔ̀à sùà wɔ, wo Dayà douŋ wa nàwèè nàŋ nimilà ke ɗɔ̀ɔ̀ e gbàiɛ̀ diɛŋ.

Gàla 5:10 ပူးပေါင်းရင်းမြစ်များ

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

1 Kɔliìŋ 5:5

nìŋ kuwa naŋ gè wo felaaà wɛɛ̀ kùàŋ nauŋ fè wo Sɛ̀tanàaŋ. Wèè maŋ kèìŋ felaa wɛɛ̀ maŋ nɔ̀ŋ pɔ̀ɔ̀pɔɔ miŋ, kɛ̀ wɔŋ nyiiuŋ nɔɔ̀ŋ yɛ̀mɛ̀ e jòèye ke ɗɔɔɛ̀ wo Kanaà hnàŋ lɛ.

2 Kɔliìŋ 1:15

Tɛɛ̀ mìŋ naŋ tùlìè jii kpeiŋ yèè e ɗèwe jiɛ̀jiɛ̀ mɛ̀ naŋ nɔ̀ŋ wèè kaiŋ hìàŋ a jààme, wèè niŋ yɛmɛ̀ e kèì sìàŋ sùà tìyèe.

2 Kɔliìŋ 10:2

Mìŋ yààìŋ dàwe sùà wèè niŋ goim nàŋ jɛ̀ì è gbèìŋ wèè kaiŋ fè keì nyìnga sèè mìŋ hnàŋ, mìŋ kiɛ̀ŋ anyùùŋ keì nyìnga, aŋ yè nyaŋ woà nyààŋ è nyɛ̀nɛ̀ìŋ nɔŋ mààŋ anyùùŋ nyaŋ maŋ kèìŋ maŋ sùà nyaŋ.

2 Kɔliìŋ 10:6

Sèè mùŋ jɔɔlɔ̀ naàŋ è juo kpɛlɛmɛɛŋ, kɛ̀ è ngàìnɓù wo nyùùŋ gbiŋ wo yèɔ gangà wèè wo jɔɔlɔ̀ wɔ.

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 2:6

E wèè wo nyùùŋ mààŋ wii, e ngàìŋɓu lɛɛ̀ anyùùŋ nyaŋ gbiŋ nauŋ yɛi fè le, è yaà naàŋ tɛ̀ɛ̀ weèuŋ.

2 Kɔliìŋ 5:16

Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.

2 Kɔliìŋ 7:16

E zɔlɔ̀ yààìm esaɓù kɛ̀ kàiŋ ɓɛ̀nɛ̀ŋ tùlìà jii kpɛlɛmɛɛŋ.

2 Kɔliìŋ 8:22

E wèètii, è yaà dàa sùà wo wùìya wiɔ̀ yaà nyiŋ. Èiŋ wuŋ gɛ̀ɛ̀ jɛ̀wɛ̀ e teenga zimgbe sùà èiŋ nyìmàŋ kɛ̀ e wùànàŋ zimgbe yàaùŋ wèè wo kpùùmaŋ.

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 2:6

Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Gàla 4:11

Mìŋ yaà e jùù yèè e gòngo sùà e nyaàiŋ eiŋ dè. Tɛɛ̀ ɓɛ̀nɛ̀ŋ nɔŋ kɛ̀ e tòmo mɛ̀ gbiŋ tɛɛiŋ è nɔ̀ŋ e wèè foo?

Gàla 4:17

Anyùùŋ nyiiŋ tɔɔ̀ wa kɛ̀ àŋ mànàìŋ zimgbe, kɛɛ maŋ ɗèwè nyiŋ màŋ fè wa tɛ̀ɛ̀. E yèɛ nɔŋ àŋ manaŋ wa lɛ̀, nàŋ yaà wèè aŋ wi gòònò tɛɛ naim yèwà maŋ jɛwɛ, yèè naŋ nyiŋ sìà ke jii tùlia sùà.

Gàla 4:20

Mìŋ manaŋ weè kai wèè ka nɔ̀ŋ ko nɛ̀iŋ niìŋ sààmɛ lɛɛ̀ sùà, e wèè kaiŋ weè ɓèèmè ke kpèè joo bà diɛŋ. Mìŋ yaà kai e gòngo nyìnga sùà e weèiŋ.

Gàla 5:12

Mìŋ he weè nàŋ mɔ̀nɔ̀ŋ wèè anyùùŋ nyaŋ yaà gɔ̀àgɔ̀à maŋ jiiiŋ màŋ sùà nyaŋ, ɓɔ̀ àŋ jàà nɔŋ nyiŋ bi kpùa, kɛɛ anyùùŋ nyɛɛ̀ŋ aŋ nɛɛmùŋ nyiŋ bi e nìàŋ yɛi!

Gàla 5:7

Nìŋ yaà wa nyìnìè e yèɛ yaà tɛ̀ɛ̀ lɛ, kɛɛ ɓòò kai naiŋ wa kèèwè wɔŋ kùàŋ feìŋ yèè nìŋ nauŋ tùlìè jii wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì? Dièsɔa wo nyùùŋ bi naiŋ wa kìɛ̀ŋ ke jii nyìngè yɛɛ̀ wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì?

Gàla 6:17

Ko dìèmè maŋ kei wòo mɛɛ̀ŋ nàŋ yaà, wo nyùùŋ bà gbiŋ ɓɔ̀ wò kiɛ̀im ɓɛìŋ è kei nyìnga, esaɓù nàŋ yaà kɛ̀ e feeɛ̀ yaà wɔŋ kɔɔ miɔ̀ŋ lɛ naŋ tɔɔ̀ kɛ̀ mìŋ yaà wèè wo Jisɛ̀ kulaì.

Fèle 3:15

Yàwi nààŋ gbiŋ naiŋ kamàìŋ maŋ nyiiŋ gèe wi màŋ sùà nààŋ è yààìŋ anyuùŋ hààwe nyàŋ, kuwa eiŋ kɛ̀ɛ̀nɛ̀ŋ e gòngo mààŋ tɛɛ̀. Kɛɛ sèè nyɛ̀iŋ nààŋ bà guùŋ kɛɛnɛ̀ŋ e gòngo joo bà, wo Dayà do niŋ nàŋ nyɛ̀nɛ̀ŋ e nɔ̀ŋ janjai ko nɛ̀ɛ̀ŋ muìŋ.

2Tɛsè 3:4

Wo Kanaà naŋ nyɛ̀nɛ̀ŋ è naiŋ kùwìè ke jii tùlia sùà yèè è naŋ haawè kɛ̀ nìŋ yaà nyinie, yèè nìŋ do nàŋ nɔ̀ŋ nyìnìè e yèɛ è naiŋ woò lɛ.

1Time 1:20

Anyùùŋ nyɛɛ̀ŋ bà nyiŋ nàŋ yaà wa wo Hèmɛnàè yaà wo Àlèzanàŋ, aŋ yè nyaŋ mìŋ naŋ wa nimilà yèè mìŋ naŋ nyiŋ kìɛ̀ŋ koɓɛ̀ e gààŋ Sɛ̀tanàaŋ nyàŋ, tɛɛ̀ do nyiŋ nàŋ kaà aŋ dàngè maŋ mìè ɓɛ̀ɛ̀pɔ̀ɔ nyiŋ màŋ.

Felemɔ̀ŋ - PHM 1:21

Mìŋ kuwa ke jii tùliaà kɛ̀, mùŋ do naŋ nyɛ̀nɛ̀ŋ e yèɛ gbiŋ mìŋ naŋ dawè wèè maŋ nyɛ̀nɛ̀ŋ lɛ, yèè mùŋ do naŋ nyɛ̀nɛ̀ŋ e zimgbe niŋ.