Gàla 5:1 - WƆŊ FƐ̀Ì EBÒ SÌÀŊ DAYÀA

¹ Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Gàla 5:1 ပူးပေါင်းရင်းမြစ်များ

Maafiù 23:4

Àŋ gbuwo manɛ̀ŋ foo mùnga anyùùŋ jɛwɛ wèè aŋ miŋ koà, kɛɛ aŋ fè pɛɛ gè kè kiiyò dìì wèè aŋ nyiŋ kìɛ̀ŋ è kpùùmaŋ wèè aŋ kòà manɛ̀ŋ foo miiŋ.

Luù 5:38

Sèè è nɔ̀ŋ yɛi, sià maŋ juumuaŋ jɛi wɔŋ ɓuù bàànè fɛ̀ì yilì jɛ̀ì sùà!

Nyɛ̀nɛ̀ŋ 15:10

Kpeiŋ, wèè kiɛ̀ŋ nìŋ manaŋ naŋ nyɛ̀nɛ̀ŋ wo Dayà wo tuù esàɓù wɔŋ nɛ̀ŋfoo mùŋgaà nìŋ yaà jàà sùà anyuùŋ hààwe nyɛɛ̀ŋ ɗì lɛ, wɔŋ yèɔ aŋ nèwàènèwe wi nyàŋ ɔ̀ɔ̀ yàwi bi fèiŋ ɓɛ̀nɛ̀ŋ kòa wɔ̀ŋ, esaɓù kɛ̀ e kuwàìŋ è gààaŋ wèè eiŋ wuŋ koà?

Luùm 6:14

Ɓɔ̀ nìŋ nyimèè wèè è jùumù do kɛ̀ɛ̀nɛ̀ŋ gààŋ màŋ nyiiŋ gèeiŋ màŋ diɛŋ. Nìŋ yaà e gààŋ e tɛ̀ɛ̀tɛ̀ɛ̀ Dayàa dìì, kɛɛ e fè e gààŋ kè sàwàa dìì.

Luùm 6:18

Wo Dayà naiŋ wa gè e gààŋ jùumù dìì yèè nìŋ naŋ kìlè aŋ ɗò tɔ̀ɔ̀nyaàŋ koɓɛ̀ Dayài.

Luùm 7:3

Weètii, sèè wo jɔùŋ bi wo ɓèmè wo felaa joo bà e teengaà wo fanuuŋ nɔɔ̀ŋ wò yaà wɔŋ nyiiŋ gèeɔ̀ sùà lɛ, àŋ douŋ nàŋ nyààŋ wo jɔ̀ùŋ hmɔŋtu. Kɛɛ sèè wo fanuuŋ nɔɔ̀ŋ wò fà, kɛ̀ wò fòlà ke sàwà ke yɛ̀ɛ̀ɛ dìì koɓɛ̀ wo fanuuŋ nɔɔ̀ŋ. Wò naàŋ ɓɛ̀nɛ̀ŋ ɓèmè wo felaa joo bà wèè wo nɔ̀ŋ wo fanuuŋ, e yèɛ wò gò pɔ̀ɔ̀ kè sàwà mààŋ wò naŋ nyɛ̀nɛ̀ŋ hmɔŋtu.

Luùm 7:6

E ɗewe gbio sùà, wo Dayà wò wi naàŋ gè e gààŋ ke sàwàa diɛŋ, esaɓù kɛ̀ è yààìŋ mààŋ anyùùŋ naŋ fɔ̀, e fèìŋ ɓɛìŋ è gààŋ màŋ kpèè miiŋ naŋ wi yɛi wa kùwò kpaŋ maŋ keì dìì. Kɛɛ e fèiŋ naàŋ ɓɛ̀nɛ̀ŋ zòòlò Dayà e ɗewe gɔuɛ̀ sùà nààŋ è yaà sìnga niŋ ke sàwà sùà lɛ̀, kɛɛ wo Jinàaŋ do nàŋ nyɛ̀nɛ̀ŋ eiŋ niŋ nyɛ̀nɛ̀ŋ e ɗewe kii jɛi sùà.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

1 Kɔliìŋ 16:13

Ɓɔ̀ nìŋ nɔ̀ŋ màŋjàwè, sìeìŋ gbàùŋ gbàùŋ e hààweɛ̀ sùà, kùwieìŋ jii nyingè, niŋ nyìngà sùà.

1 Kɔliìŋ 7:22

Wo ɗoɔ̀ wo Kanaà naŋ nyààŋ wɔ, wò yaà wo nyuùŋ gè nyààŋ diɛŋ wèè Kanaà, e ɗèwè guùŋ bi sùà, wo nyùnɔ̀ɔŋ àŋ naŋ gè nyààŋ diɛŋ wèè wo ka, yèè wo Jisɛ̀ Kulaì naum nyààŋ wɔ wò yaà wo ɗo wèè Jisɛ̀ Kulaì.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

2 Kɔliìŋ 3:17

Ke mìè gbòa yɛɛ̀ sùà, “Wo Kanaà” nàŋ yaà wo Jinàaŋ Dayàa. Koɓɛ̀i wo Jìnàŋ Kanaà yaà fɛɛ̀feìŋ lɛ, kuŋ e nyaàŋ gè diɛŋ è nɔ̀ŋ.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 3:25

Kɛɛ e teengaà wo nyùùŋ naŋ naàŋ gbèè e ɗèwè e hààwe kùwie lɛ̀, kɛ̀ esaɓù bà gbiŋ fè ɓɛìŋ wèè kè Sàwàa do nɔ̀ŋ wò kààmɔɔŋ weè wi.

Gàla 4:26

Kɛɛ wo yèye wiɔ̀ nàŋ yaà ko jàwà gbèè Jùlusɛ̀làm ko yèi yaà ko àìjɛnɛ̀iŋ lɛ̀, yèè wo fè è ɗo dìì.

Gàla 4:31

Wùìyaim nyàŋ, e fèìŋ àŋ jɔ̀à wò ɗo jɔunɔ̀ɔŋ, è yààìŋ aŋ jɔ̀à kòmàŋ wo jɔunɔ̀ɔŋ yèɔ fè è ɗo dìì wɔ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Gàla 5:13

Wùìyaim nyaŋ, àŋ naiŋ wa tàeɗùù wèè naŋ nɔ̀ŋ e bìlɛiŋ e yìwìà e ɗo dìì. Ɓɔ̀ nìŋ toomò è bìlɛiŋ bi e nɔ̀ŋ kè kàfaì wèè naŋ nyɛ̀nɛ̀ŋ è yèɛ nìŋ manaŋ lɛ̀. Tòòmoìŋ niŋ e nɔ̀ŋ keì sìàŋ maŋ kpùnaiŋ màŋ sùà wèè naŋ kìɛ̀ŋ aŋ dàwi e mànaŋ.

Ɛfesɔ̀ 6:14

Nɔ̀ɔìŋ e bànèbaneiŋ, ɓèmeìŋ e tɔɔɓaa gbài e nɔ̀ŋ mààŋ e tɛkì niŋ dèkà e tɛɛ kpaŋ, niŋ ɓemè e tɔ̀ɔ̀nyaàŋ nyɛ̀nɛŋ e nɔ̀ŋ mààŋ wɔŋ kaì fàà ɓɔwɔɔ̀ wo kààlò ɗùà gbuwo ke sɔɔ wɔ̀ŋ,

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

1Tɛsè 3:8

esaɓù tɛɛ̀ èiŋ naàŋ ɓɛ̀nɛ̀ŋ nɔ̀ŋ nyiiŋ gèeɔ̀ sùà sèè nìŋ nɔ̀ŋ aŋ bàiŋbà maŋ nyɛ̀nɛ̀ŋ Kanaà Jisɛ̀ maŋ sùà.

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

Hiɓu 10:23

Kùwà wiìŋ koɓɛ̀ guùŋ kpaŋ wèè ke jii tùliaà è woàìŋ kɛ̀ kè yaà weè wilɛ̀, esaɓù kɛ̀ èiŋ ɓɛ̀nɛ̀ŋ kɛ̀ɛ̀nɛ̀ŋ e hààwe wo Dayà sùà wèè e ɗààhiìɛ wò naŋ banè lɛ ko nɛ̀ɛ̀ŋ wiì.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 4:14

È kùwàìŋ wo Kànà Sìèfèìŋ Zòòlo Gbee wo yèɔ naŋ kɔ̀ ko àìjɛnɛ̀ŋ wɔ, yèè wuŋ nàŋ yaà wo Jisɛ̀ wo Jɔ̀àfèlàà Dayàa. Esaɓùɛ lɛɛ̀ è kùwàìŋ eiŋ jèè e hààwe sùà e nyaàiŋ dè e yèɛ è naiŋ woò wèè wo Jisɛ̀ Kulaì lɛ.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

2Pììlɛ 2:19

Àŋ naŋ ɓèmè ɗààhiì kɛ̀ àŋ do nyiŋ nàŋ gè e ɗo dìì, e yèɛ nyiŋ bi àŋ yaà aŋ ɗo koɓɛ̀ e tàitài lɛ̀, è nɛ̀ŋ gbiŋ naŋ kùwìè e gààŋ wo nyùùŋ diɛŋ wò yaà wo ɗo koɓɛ̀ e nɛ̀ŋ bi.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.

Maŋ kèì nyɛɛnɛŋ 2:25

Kɛɛ wèè paŋ miŋ hnàŋ, e hààweɛ̀ nìŋ kùwàìm sùà lɛ̀, sɔɔ̀ nàŋ niŋ kùwà kpaŋ.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.