Gàla 4:30 - WƆŊ FƐ̀Ì EBÒ SÌÀŊ DAYÀA

³⁰ Kɛɛ kiìŋ wɔŋ fɛ̀ì Dayàa naŋ woò? Wɔ̀ŋ woò wààŋ, “Ɓɔ̀ mùŋ jàà wo ɗo jɔunɔ̀ɔŋ yaà wò jɔ̀àfelaauŋ nɔɔ̀ŋ kùàŋ dìì kò gboo moo, esaɓù naŋ yaà kɛ̀ wo jɔ̀àfèlàà ɗo jɔunɔ̀ɔŋ naàŋ kɛ̀ɛ̀nɛ̀ŋ màŋ nɛ̀ŋ èdàà dèdauŋ maŋ bà. Wo jɔ̀àfèlàà wo jɔunɔ̀ɔŋ yèɔ fè e ɗo dìì wɔ, nàŋ do naŋ kɛ̀ɛ̀nɛ̀ŋ maŋ nɛ̀ŋ èdàà maŋ gbiŋ.”

Gàla 4:30 ပူးပေါင်းရင်းမြစ်များ

Jɔ̀ɔŋ 8:35

Yèè aŋ ɗo fè jèè kè kpooɛ̀ sùà kò gbooì wèè julɔfɔ, kɛɛ wo jɔ̀àfelaaà do nàŋ jèè ke kpooɛ̀ sùà wèè julɔfɔ.

Luùm 11:2

Wo Dayà gò fè ànyunùuŋ nyàŋ wò naŋ tàeɗùù e yìwìà kò tɔɔtuì nyaŋ jɛwɛ. Nàŋ jàà jii e kpɛ̀nɛɛ̀ŋ wɔŋ fɛ̀ì Dayàa sùà, ko yèe wo wɛ̀ijìɔ Ìlaajà naŋ wa tɔ̀ɔ̀ e zàwè koɓɛ̀ Dayài, e nyaàiŋ dè anyùùŋ Ezɔ̀ɛ̀ nyaŋ lɛ̀?

Luùm 4:3

Jàaìŋ jii kɛ̀, wɔŋ fɛ̀ì Dayàa naŋ woò wààŋ, “Wo Eɓulɔhɛɛ̀ŋ naŋ wa hààwè Dayà, yèè wèè esaɓù lii wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.”

Gàla 3:22

Kɛɛ wɔŋ fɛ̀ì Dayàa naŋ woò wààŋ, anyuùŋ kpùuŋ nyàŋ gbiŋ àŋ yaà e gààŋ jùumù dìì. Yèè weètii, e ɗààhiìɛ wo Dayà naŋ wa ɓemè lɛ, è do nàŋ nɔ̀ŋ wèè anyùùŋ nyaŋ gbiŋ naŋ hààwè wo Jisɛ̀ Kulaì nyaŋ.

Gàla 3:8

Wɔŋ fɛ̀ì Dayàa woò kɛ̀, wo Dayà do naŋ jàà anyùùŋ nyaŋ fè àŋ Juùù nyaŋ kùàŋ dìì esàɓù e hààwè tɔ̀ɔ̀nyaàŋ nyiŋ nɛ̀. E kìlà wɔŋ fɛ̀ì Dayà naŋ wa wòò Ebò Siaàŋ wo Eɓulɔhɛɛ̀ŋ wààŋ, “E yìwìà esaɓù mɔ̀ɛ̀ sùà wo Dayà do nàŋ kpùùmò anyùùŋ nyaŋ gbiŋ.”

Gàla 4:22

Nààŋ è yaà sìnga niŋ wɔŋ Fɛ̀ì Dayàa sùà lɛ, kɛ̀ wo Eɓulɔhɛɛ̀ŋ kuwa wa aŋ jɔ̀àfèlàà tìyèe. Wo bà guùŋ yaà wa wo jɔ̀à kòmàŋ ɗo jɔunɔ̀ɔŋ, yèè wo gbànaŋ wɛɛ̀ wo yèyeuŋ nɔɔ̀ŋ fè wa è ɗò dìì.

Gàla 4:31

Wùìyaim nyàŋ, e fèìŋ àŋ jɔ̀à wò ɗo jɔunɔ̀ɔŋ, è yààìŋ aŋ jɔ̀à kòmàŋ wo jɔunɔ̀ɔŋ yèɔ fè è ɗo dìì wɔ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”