Gàla 4:3 - WƆŊ FƐ̀Ì EBÒ SÌÀŊ DAYÀA

³ E ɗèwè guùŋ nɛɛ̀ sùà, yàwi pɛɛ è yààìŋ aŋ ɗo koɓɛ̀ ke sàwà e gààŋ aŋ jìnàŋ ɗuunyaàŋ lɛɛ̀, pangàà è doiŋ nàŋ kɛ̀ɛ̀nɛ̀ŋ ke jiikɛ̀ɛ kɛ̀ kiìŋ nàŋ yaà e tɔ̀ɔ̀nyaàaŋ.

Gàla 4:3 ပူးပေါင်းရင်းမြစ်များ

Maafiù 11:28

Wo Jisɛ̀ naŋ ɓɛìŋ woò wààŋ, “Hnaìŋ ko nɛ̀ɛ̀ŋ miìŋ, nyɛ̀iŋ nyàŋ kinɛiŋ nìŋ yaà kɔ̀ɔ̀yɛ̀ e keì nyìnga dìì e nyaàiŋ dè e yèɛ aŋ kààmɔ̀ɔ̀ŋ maŋ Sàwà nyaŋ naiŋ woò yèè àŋ naiŋ gbùwò ɗì maŋ, yèè mìŋ doiŋ nàŋ gè maŋ keì nyìnga bi ɗì.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Nyɛ̀nɛ̀ŋ 15:10

Kpeiŋ, wèè kiɛ̀ŋ nìŋ manaŋ naŋ nyɛ̀nɛ̀ŋ wo Dayà wo tuù esàɓù wɔŋ nɛ̀ŋfoo mùŋgaà nìŋ yaà jàà sùà anyuùŋ hààwe nyɛɛ̀ŋ ɗì lɛ, wɔŋ yèɔ aŋ nèwàènèwe wi nyàŋ ɔ̀ɔ̀ yàwi bi fèiŋ ɓɛ̀nɛ̀ŋ kòa wɔ̀ŋ, esaɓù kɛ̀ e kuwàìŋ è gààaŋ wèè eiŋ wuŋ koà?

Luùm 7:14

Èiŋ nyìmàŋ kɛ̀ maŋ Sàwà maŋ yewe wo Jìnàŋ Dayàa sìwè. Kɛɛ mìŋ yaà nɔŋ wo nyuùŋkpùuŋ, yèè mìŋ yaà wo ɗo koɓɛ̀ maŋ jùumù.

Luùm 8:15

Wo Jinàaŋ wo Dayà naŋ wi kiɛ̀ŋ wɔ, wo fè wi mììnè àŋ ɗo, yèè wo fè wi sìà jùù. Kɛɛ wò nyɛ̀nɛ̀ŋ wì eiŋ nɔ̀ŋ aŋ jɔ̀àuŋ yèè euŋ nyààŋ wo Dèda wiɔ̀.

2 Kɔliìŋ 11:20

Nìŋ nyimààŋ wo nyùùŋ gbiŋ woiŋ kùwìè e gààŋ diɛŋ, wò gɔɛnɛŋ gɔ̀ɛ̀nɛ̀ìŋ maŋ fàà maŋ gbiŋ, ɔ̀ɔ̀ woiŋ kɔ̀ɔ̀yɛ̀ fɛ̀ɛ̀ sùà, ɔ̀ɔ̀ woiŋ kaaɓì, ɔ̀ɔ̀ wo gòiŋ ngèè nyààŋ è nɛ̀ŋ gbiŋ, ɔ̀ɔ̀ woiŋ hàà fɛ̀ɛ̀ nyààŋ wɔ.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 3:19

Kpeiŋ kɛ̀, kiìŋ nàŋ yaà wa esàɓù ke Sàwàa? Ke Sàwàa naŋ wa nɔ̀ŋ kìɛŋ nyiŋ wèè ke tɔɔ̀ kɛ̀ èiŋ nyɛ̀nɛ̀ŋ e jùumù. Kɛɛ kè do wa nɔŋ nàŋ jeè e jèèsùà wo jɔ̀ɛ̀jɔ̀ɛ̀ Eɓulɔhɛɛ̀ɔŋ wo hnàŋ, koɓɛ̀ wo yèɔ àŋ naŋ wa kìɛ̀ŋ e ɗààhiìɛ wɔ̀. Aŋ màìkà nyaŋ naŋ wa kìɛ̀ŋ ke Sàwàa wo Mòòze, wo yèɔ yaà wa e fèèmàŋ Dayà yaà anyuùŋ kpùuŋ nyàŋ e teenga lii sùà wɔ.

Gàla 4:2

E teengaà wò yaà jɔ̀àkàiŋ jɔa lɛ̀, anyuùŋ joo kɛɛnɛ̀ŋ e gààŋ wèè wo yɛ̀mɛ̀ e kèè maŋ nɛ̀ŋ èdààuŋ màŋ dìì sùà e jèèsùà e teengaà wo dèdauŋ naŋ jàà ɓula lɛ̀ e haì.

Gàla 4:24

Maŋ keì mɛɛ̀ŋ gbiŋ màŋ kuwa e fasàì joo. Aŋ jɔ̀ùŋ tìyèe nyɛɛ̀ŋ naŋ tɔ̀ɔ̀ ɗààhìì e mìèsùàgùùŋ tìyèeɛ̀ wo Dayà naŋ wa banè wèè anyunùuŋ nyàŋ lɛ. Wo jɔunɔ̀ɔŋ naŋ kùmìè aŋ jɔ̀àuŋ nyàŋ e ɗo dìì nyaŋ nàŋ yaà Hegà, wuŋ zà naŋ dè bɛ̀ŋ ke mìèsùàgunɛ̀ɛŋ wo Dayà naŋ wa banè wɔŋ Tòò Sanàa dìmɛ̀ yɛ. Wo nyùnɔ̀ɔ̀ŋ gbiŋ àŋ naŋ kùmìè ke kpoouŋ nɛɛ̀ŋ sùà wɔ wò yaà wo ɗo.

Gàla 4:25

Wo Hegà naŋ dè bɛ̀ŋ wɔŋ Tòò Sanàa ko Àlàbià, yèè ko jawa gbeeì Jùlusɛ̀làm, yèè wuŋ yaà aŋ jɔ̀àuŋ nyàŋ àŋ yaà e ɗo dìì.

Gàla 4:31

Wùìyaim nyàŋ, e fèìŋ àŋ jɔ̀à wò ɗo jɔunɔ̀ɔŋ, è yààìŋ aŋ jɔ̀à kòmàŋ wo jɔunɔ̀ɔŋ yèɔ fè è ɗo dìì wɔ.

Gàla 4:8

E teenga gɔu sùà niŋ nyimààŋ wa wo Dayà, nìŋ yaà wa aŋ ɗo wèè aŋ yè nyaŋ fè àŋ dayà kɛnɛ nyàŋ.

Gàla 4:9

Kɛɛ nààŋ nìŋ naŋ naàŋ nyìmàŋ wo Dayà, ɔ̀ɔ̀ miŋ woò mìàŋ, wo Dayà woiŋ nyìmàŋ, diè nìŋ naŋ ɓɛìŋ ɓɛ̀nɛ̀ŋ kɛ̀ɛ̀ maŋjɛ̀wɛ koɓɛ̀ aŋ jìnàŋ e zɔ̀kpɔ̀ yèè e gààŋ nyowo nyiŋ nɛ̀? Wèè kiŋ nìŋ manaŋ ɓɛìŋ naŋ nɔ̀ŋ aŋ ɗo e weè nyiŋ?

Kòlo 2:20

Nyɛ̀iŋ yèè wo Jisɛ̀ Kulaì naŋ wa fɔ̀ɔ̀yɛ̀ koɓɛ̀ guùŋ, yèè wò naiŋ bilɛ̀ŋ e yìwìà e gààŋ wo ɓɛ̀màŋɗì aŋ jìnàŋ ɗuunyaàŋ. Wèè kiìŋ naàŋ nìŋ yaà maŋ nyiiŋ gèe sùà e teenè mààŋ nìŋ yaà wèè e ɗuunyaŋ lɛɛ̀? Wèè kiìŋ nìŋ jɔɔlɔ̀ maŋ langi mààŋ mɛɛ̀ŋ dìì?

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

Hiɓu 5:12

Nìŋ kuwa wa e teenga zimgbe wèè naŋ nɔ̀ŋ aŋ kààmɔɔŋ, kɛɛ è naŋ tɛɛwɛ̀ wèè wo nyùùŋ bà woiŋ kàà e keì jiɛ̀jiɛ̀ɛ e nyaàiŋ dè e yèɛ wo Dayà naŋ woò lɛ. Nìŋ yaà mààŋ aŋ jɔaa, kòò nìŋ hàì wèè naŋ jè è nɛ̀ŋje nyìnga, sɔɔ̀ wo yaa màŋ yaà màì.

Hiɓu 7:16

Wo Dayà nauŋ wa tàeɗùù wouŋ nyɛ̀nɛ̀ŋ wo nɔ̀ŋ wo sìèfèìŋ zòòlo, kɛɛ e fè wa è yìwìà màŋ sàwà nyuùŋkpùuŋ, è yaà wa e yìwìà e gààŋ wɔŋ nyiiŋ gèe wɔŋ yèɔ kuwà kò dìa wɔ̀ŋ.