Gàla 4:26 - WƆŊ FƐ̀Ì EBÒ SÌÀŊ DAYÀA

²⁶ Kɛɛ wo yèye wiɔ̀ nàŋ yaà ko jàwà gbèè Jùlusɛ̀làm ko yèi yaà ko àìjɛnɛ̀iŋ lɛ̀, yèè wo fè è ɗo dìì.

Gàla 4:26 ပူးပေါင်းရင်းမြစ်များ

Jɔ̀ɔŋ 8:36

Sèè miàim wo Jɔ̀àfelaaà kaum dangè maŋ ka foo, kɛ̀ màŋ nɔ̀ŋ e jòèyeum julɔfɔ.

Luùm 6:14

Ɓɔ̀ nìŋ nyimèè wèè è jùumù do kɛ̀ɛ̀nɛ̀ŋ gààŋ màŋ nyiiŋ gèeiŋ màŋ diɛŋ. Nìŋ yaà e gààŋ e tɛ̀ɛ̀tɛ̀ɛ̀ Dayàa dìì, kɛɛ e fè e gààŋ kè sàwàa dìì.

Luùm 6:18

Wo Dayà naiŋ wa gè e gààŋ jùumù dìì yèè nìŋ naŋ kìlè aŋ ɗò tɔ̀ɔ̀nyaàŋ koɓɛ̀ Dayài.

Gàla 4:22

Nààŋ è yaà sìnga niŋ wɔŋ Fɛ̀ì Dayàa sùà lɛ, kɛ̀ wo Eɓulɔhɛɛ̀ŋ kuwa wa aŋ jɔ̀àfèlàà tìyèe. Wo bà guùŋ yaà wa wo jɔ̀à kòmàŋ ɗo jɔunɔ̀ɔŋ, yèè wo gbànaŋ wɛɛ̀ wo yèyeuŋ nɔɔ̀ŋ fè wa è ɗò dìì.

Gàla 4:25

Wo Hegà naŋ dè bɛ̀ŋ wɔŋ Tòò Sanàa ko Àlàbià, yèè ko jawa gbeeì Jùlusɛ̀làm, yèè wuŋ yaà aŋ jɔ̀àuŋ nyàŋ àŋ yaà e ɗo dìì.

Gàla 5:1

Wo Jisɛ̀ Kulaì naŋ wi gèe e ɗo dìì! Tɛɛ̀ naŋ tɔɔ̀ kɛ̀, èiŋ kaì fòlà e ɗo dìì. Nààŋ wo Jisɛ̀ Kulaì naŋ wi bilɛ̀ŋ e yìwìà e ɗo dìì lɛ, jàà wiìŋ e bìlɛŋ bi kùàŋ dìì, yèè ɓɔ̀ è nɔ̀iŋ ɓɛìŋ è dìkia kè Sàwà àŋ ɗo dìì.

Fèle 3:20

Kɛɛ yàwi, è yààìŋ anyùùŋ ko àìjɛnɛ̀ŋ, yèè è fòlòìŋ wo Nyuùŋ Jòèye wiɔ̀, wo Kanaà Jisɛ̀ Kulaì, e wànàŋ gbee sùà wèè wo hnàŋ e yìwìà ko àìjɛnɛ̀ŋ.

Hiɓu 12:22

Kɛɛ nàŋ hnàŋ ko Jùlusɛ̀làm ko jè àìjɛnɛ̀iŋ, yèè koɓɛ̀ wɔŋ Toò gbeeɔ̀ àŋ nyaaŋ Zanyɔ̀ŋ. Kià nàŋ yaà ko jawa gbeeì wèè wo Dayàa kiɛ̀ŋ wɔŋ nyiiŋ gèeɔ̀ wɔ, ko yèi aŋ màikà taasùùŋ jika naŋ hnè wèè aŋ gè zɔlɔ̀.

1Pììlɛ 2:16

Niŋ fè è ɗo dìì, kɛɛ e ɗewe gbiŋ sùà, ɓɔ̀ nìŋ ɓemè naàŋ è ɗo gò nɔ̀ŋ dìì bi wèè naŋ niŋ toomò naŋ ɓùwà màŋ keì naanààŋ, kɛɛ nɔ̀iŋ mààŋ aŋ ɗò Dayà.

Maŋ kèì nyɛɛnɛŋ 12:1

Eɓìèmàŋjɛ̀wɛ̀ tii, e tɔ̀ɔ̀màŋsèì kèè mèè gbee bà naŋ fòlò ko fɛɛ̀feìŋ ke nyiliɛ̀. Wo nìe bà yaào wa, wɔŋ deè kpàauŋ nɔɔ̀ŋ nàŋ yaà wa e gɔɛɛ̀. Wɔŋ wàa yàaùŋ wa ko gòlòò dìì, yèè ke ɓɔ̀ɗì kana bàànè maŋ ɗù zììyà jɛ̀wɛ̀ tìyèe jàauŋ ko ɗì.

Maŋ kèì nyɛɛnɛŋ 17:5

Wɔŋ dawàuŋ nɔɔ̀ŋ, àŋ naŋ wa sìngè e dèè e yèɛ kuwa e fàsàì ke gbùnu, e yèɛ naŋ woò wààŋ, “Miàŋ nàŋ yaà e jawa gbeeɛ̀ Ɓaɓelɔ̀ùŋ, wo yèyeɔ̀ wèè aŋ jɔùŋ nyɛ̀nɛ̀ŋ maŋ keì kùwà ninaŋ gò zɛ̀nɛ̀ŋ màŋ gbiŋ, yaà maŋ yɛ̀ɛ̀ hmɔŋtu naanààaŋ nyɛ̀nɛŋ màŋ gbiŋ e ɗuunyaàŋ.”

Maŋ kèì nyɛɛnɛŋ 21:2

Mìŋ naŋ yɛ̀mɛ̀ ko Jàwà Nɛɛmaŋ Gbeeì, ko Jùlusɛ̀làm jɛ̀ì yìi, kò yaà dèya sùà kò yewe koɓɛ̀ Dayài ko àìjɛnɛ̀ŋ. Kò naŋ wa banebànè mààŋ wo jɔùŋ naŋ kpàà e kpàà ke yɛɛ̀ gbìaŋ wò yaà kɔɔyɛ wèè wo mɛɛ̀ŋ wo fanuuŋ nɔɔ̀ŋ.

Maŋ kèì nyɛɛnɛŋ 3:12

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ mììnè maŋ kpɛnɛ wèè aŋ nɔ̀ŋ ko Saaŋ Zòòlò Dayà miɔ̀ŋ, yèè àŋ doo nàŋ nɔ̀ŋ wèè julɔfɔ. Maŋ kpɛnɛ bi mìŋ do nàŋ sìngè e dèè wo Dayà miɔ̀ŋ yaà e dèè ko jàwà gbèè Dayà miɔ̀ŋ, ko Jùlusɛ̀làm jɛ̀ìyìi, ko yèe do nàŋ dèyè e yìwìà ko àìjɛnɛ̀ŋ e yìwìà wo Dayà miɔ̀ŋ sìwè. Mìŋ do miŋ ɓɛìŋ nàŋ sìngè e deè jɛ̀ì mɛ̀.”