Gàla 4:25 - WƆŊ FƐ̀Ì EBÒ SÌÀŊ DAYÀA

²⁵ Wo Hegà naŋ dè bɛ̀ŋ wɔŋ Tòò Sanàa ko Àlàbià, yèè ko jawa gbeeì Jùlusɛ̀làm, yèè wuŋ yaà aŋ jɔ̀àuŋ nyàŋ àŋ yaà e ɗo dìì.

Gàla 4:25 ပူးပေါင်းရင်းမြစ်များ

Maafiù 23:37

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ yèè àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔ jɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 13:34

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ, àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔjɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 19:44

Àŋ doum nàŋ nɛɛlɛ̀ ko dììnaŋ yèè aŋ jìwà anyunùum nyàŋ gbiŋ. Ke dùò guùŋ pɛɛ maŋ saaiŋ màŋ ke naàŋ jèè hàwè kè dàwi nyiŋ nɛɛ̀ŋ diɛŋ. Tɛɛ̀ do nàŋ kaaìŋ esaɓù kɛ̀ niŋ gò yɛmɛ̀ kɛ̀ wò Dayà naŋ hnè wèè woiŋ joeyè.”

Nyɛ̀nɛ̀ŋ 1:11

Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

Gàla 1:17

Miŋ gò wa kà kò Jùlusɛ̀làm kòɓɛ̀ àŋ yè nyaŋ yaà wa aŋ keela tàeɗùù paŋ ngàà mìŋ naŋ wa nɔ̀ŋ wo keela tàeɗùù lɛ. Kɛɛ, mìŋ naŋ wa kɔ̀ maŋ kpàlàùŋ kpàlàùŋ maŋ sùà ko Àlàbià, yèè eɓìèmàŋjɛ̀wɛ̀ tii, mìŋ naŋ kɔ ko jawaì gbeeì Dàmakɔ̀.

Gàla 4:24

Maŋ keì mɛɛ̀ŋ gbiŋ màŋ kuwa e fasàì joo. Aŋ jɔ̀ùŋ tìyèe nyɛɛ̀ŋ naŋ tɔ̀ɔ̀ ɗààhìì e mìèsùàgùùŋ tìyèeɛ̀ wo Dayà naŋ wa banè wèè anyunùuŋ nyàŋ lɛ. Wo jɔunɔ̀ɔŋ naŋ kùmìè aŋ jɔ̀àuŋ nyàŋ e ɗo dìì nyaŋ nàŋ yaà Hegà, wuŋ zà naŋ dè bɛ̀ŋ ke mìèsùàgunɛ̀ɛŋ wo Dayà naŋ wa banè wɔŋ Tòò Sanàa dìmɛ̀ yɛ. Wo nyùnɔ̀ɔ̀ŋ gbiŋ àŋ naŋ kùmìè ke kpoouŋ nɛɛ̀ŋ sùà wɔ wò yaà wo ɗo.

Gàla 4:26

Kɛɛ wo yèye wiɔ̀ nàŋ yaà ko jàwà gbèè Jùlusɛ̀làm ko yèi yaà ko àìjɛnɛ̀iŋ lɛ̀, yèè wo fè è ɗo dìì.

Hiɓu 12:18

Niŋ fè mààŋ ànyùùŋ Ezɔ̀ɛ̀ nyaŋ, esaɓù kɛ̀ kòò nìŋ hnè koɓɛ̀ wɔŋ Tòò Sanàa, ko yèi e mhɔɔ̀ŋ kùwa gbee yaà wa lɛ̀, ke nyìwì gènaŋ yèè wɔŋ dùfòì,