Gàla 4:15 - WƆŊ FƐ̀Ì EBÒ SÌÀŊ DAYÀA

¹⁵ Nìŋ yaà wa kai e zɔlɔ̀ sùà! Kiìŋ naŋ wa kaaìŋ? Miaŋ bi kà ɓɛ̀nɛ̀ŋ fè ke mìè seì kɛ̀ nàŋ wa ɓɛ̀nɛ̀ŋ gè maŋ fɛ̀ɛ̀ kòmàŋ nyɛiŋ bi màŋ e zɔlɔ̀ sùà, sèè nìŋ ɓɛnɛ̀ŋ, e kìlà naim miŋ kiɛ̀ŋ.

Gàla 4:15 ပူးပေါင်းရင်းမြစ်များ

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Luùm 10:2

Mìŋ yaà wo seì kɛ̀ àŋ manaŋ wo Dayà zimgbe, kɛɛ aŋ kuwà è jiikɛ̀ɛ kɛnɛ niŋ.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 5:2

Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

Luùm 9:3

wèè anyunùim nyàŋ, e kèìŋ yèè maŋ sɛ̀ìŋ miàŋ bi màŋ! Wèè esàɓù aŋ wùìyaim nyàŋ, aŋ Juùù nyaŋ, mìŋ he weè nàŋ mɔ̀nɔ̀ŋ ka nɔ̀ŋ e gbòònò Dayàa dìì, yèè wèè woim gè anyùùŋ màŋjɛ̀wɛ̀ nyaŋ sùà wo Kulaì maŋjɛ̀wɛ.

2 Kɔliìŋ 8:3

Kà ɓɛ̀nɛ̀ŋ nɔ̀ŋ wo seì kaiŋ wòò mìàŋ, àŋ naŋ kiɛ̀ŋ màànààŋ àŋ manaŋ wèè aŋ kiɛ̀ŋ lɛ, yèè àŋ naŋ ngèè pɛɛ kiɛ̀ŋ e nìàŋ e gààŋ kìɛŋ nyiŋ nɛ̀. E yìwìà maŋ jìì nyiŋ bi màŋ diɛŋ

Gàla 3:14

Wo Jisɛ̀ Kulaì naŋ wa tɛɛ̀ nyɛ̀nɛ̀ŋ wèè wo kiɛ̀ŋ e ɗààhìì kpùùmaàŋ wo Dayà naŋ ɓèmè Eɓulɔhɛɛ̀ŋ diɛŋ koɓɛ̀ anyùùŋ nyaŋ fè àŋ Juùù nyaŋ lɛ̀, esàɓù Jisɛ̀ Kulaìɛ sùà wèè e yìwìà e hààwe sùà kɛ̀ wo Dayà do wi nàŋ kìɛ̀ŋ wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Gàla 4:14

E sàaŋ mɛ̀ èiŋ wa wèè ɓɛ̀nɛ̀ŋ hìàŋ maŋ keì nyìnga bà diɛŋ, kɛɛ niŋ gòim wa wùàŋ ɔ̀ɔ̀ naim fè jɛwɛ esàɓù sàaàŋ e kɔɔ mɛ̀ sùà. Nìŋ naim wa jàà kùàŋ dìì e teenè mààŋ mìŋ yaà wo màìkà Dayàa bà guùŋ, ɔ̀ɔ̀ mààŋ wo Jisɛ̀ Kulaì wuŋ bi.

Gàla 4:16

Ka naàŋ nɔ̀ŋ wo jooiŋ, esaɓù kɛ̀ mìŋ naiŋ wòò e tɔ̀ɔ̀nyaàaŋ?

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 6:4

Nyɛ̀iŋ nyɛɛ̀ŋ bà gbiŋ tuàŋ e tòmò muàŋ biɛ̀ maŋ nɔnɔŋ tɛ̀ɛ̀ kaiŋ. Sèè e tòmo bi naŋ nɔ̀ŋ tɛ̀ɛ̀, kɛ̀ màŋ ɓɛ̀nɛ̀ŋ kɛ̀ɛ̀ maŋ yòngà nyààìŋ dè e tòmoɛ̀ mùŋ naŋ nyɛ̀nɛ̀ŋ lɛ, kɛɛ muŋ naàŋ niìŋ ɓɛ̀nɛ̀ŋ gbɛ̀ɛ̀nɛ̀ŋ è tòmò nyùùŋ joo bà gbiŋ.

Kòlo 4:13

Mìàŋ bi mìŋ yaà wo seì kɛ̀, kà yɛ̀mɛ̀ e tòmo nyìngaà wò naŋ nyɛ̀nɛ̀ŋ e weèiŋ, yèè wèè anyuùŋ hààwe nyàŋ ko Làòdisià yaà ko Hɛlapolì.

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

1Tɛsè 5:13

Fèeìŋ nyiŋ e ɓɛ̀ɛ̀jàa gbee yèè e mànaŋ sàɓù e tòmoɛ̀ àŋ yaà nyinie lɛ̀. Nyɛ̀iŋ bi ke jii fàa nɔ̀iŋ fèemàŋ.