Gàla 3:17 - WƆŊ FƐ̀Ì EBÒ SÌÀŊ DAYÀA

¹⁷ E yèɛ mìŋ yaà woo lɛ̀ nàŋ yaà kɛ̀, ke Sàwàa fè ɓɛ̀nɛ̀ŋ vɔ̀ɔ̀nɔŋ ɔ̀ɔ̀ ke gè ɗààhìì e mìèsùàgùùŋ Dayàa dao wò naŋ wa banè maŋ doa hɔ̀nɔ̀ɔ̀ tiinàŋ kpɛ̀ùŋ jɛ̀wɛ̀ zììyà (430), yèèngàà paŋ wò naŋ wa kìɛ̀ŋ ke Sàwàa lɛ̀.

Gàla 3:17 ပူးပေါင်းရင်းမြစ်များ

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Nyɛ̀nɛ̀ŋ 7:6

Wo Dayà naŋ wa gbòò koɓɛ̀ Eɓulɔhɛɛ̀iŋ wààŋ, ‘Aŋ jɔ̀ɛ̀ɛ̀jɔ̀ɛɛum nyàŋ do nàŋ nɔ̀ŋ aŋ nyùùnèènyɛiŋ yèè aŋ jɛ̀ì wɔŋ fuɔŋ joo sùà, ko yèi àŋ do nàŋ nɔ̀ŋ aŋ ɗo yèè anyùùŋ aŋ nyiŋ tuwò naanààŋ wèè maŋ doa hɔ̀nɔ̀ɔ̀ tiinàŋ (400.)

Luùm 3:25

Wo Dayà naŋ wa tùɔ̀ŋ wo yèɔ wò naŋ tàeɗùù wɔ, wo Kulaìɔ, wèè wo nɔ̀ŋ e nɛ̀ŋ saaà weè wì. Wo Jisɛ̀ Kulaì naŋ wa wùɔ̀ŋ maŋ sɛ̀ìŋ e kìlà wo fà weè wi, wèè kɛ̀ sèè è kɛɛnɛ̀uŋ hààwe sùà, wo Dayà do wi nàŋ jàà kùàŋ dìì. Wo Dayà naŋ wa tɛɛ̀ nyɛ̀nɛ̀ŋ e teenga gɔu sùà wèè wo tɔɔ̀ kɛ̀ wò yaà wa e tɔ̀ɔ̀nyaàŋ sùà wèè wo kɛ̀ɛ̀nɛ̀ŋ ke jii tɔumtɔ̀ùm e kìlà wo jùùyà anyùùŋ hakɛ̀ wèè maŋ jùumù nyiŋ màŋ. Tɛɛ̀ naŋ ɓɛìŋ tɔɔ̀ kɛ̀ wo Dayà yaà tɔ̀ɔ̀nyaàŋ, nààŋ wò jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ e kìlà sèè àŋ kɛɛnɛ̀ŋ hààwe wo Jisɛ̀ sùà.

Luùm 3:3

È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 1:17

Wo Jisɛ̀ Kulaì gòim wa tùàŋ wèè ka gùà ànyùùŋ. Wò naim wa tùɔ̀ŋ wèè ka wòò ke mìè gbìàŋ Ebò Siaŋ, e yèɛ miŋ fè tòòmò wɔ̀ŋ kaìŋ kùwìè jììkɛ̀ɛ̀ nyuùŋkpùuŋ wɔ̀ŋ yèɔ naŋ ɓɛ̀nɛ̀ŋ nyɛ̀nɛŋ wèè è gààaŋ yaà wɔ̀ŋ vànèkpàà Jisɛ̀ Kulaìɔ sùà lɛ e go.

1 Kɔliìŋ 10:19

E keìɛ mìŋ yaà woo lɛ̀ nàiŋ jàà jii kɛ̀ e nɛ̀ŋjè saaà wèè aŋ dayà joo è yaà e nɛ̀ŋ bà? Ɔ̀ɔ̀ kɛ̀ wo dayà joowò yaà e nɛ̀ŋ bà?

1 Kɔliìŋ 7:29

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀, e teengaà naŋ joo lɛ̀, e gò ɓɛìŋ jìwà nɛ̀ŋ, yèè e yìwìà e teenga lɛɛ̀ sùà naàŋ, anyuùŋ kɛ̀ɛ̀nɛ̀ŋ jɔùŋ ɔ̀ɔ̀ felaa, aŋ nɔ̀ŋ mààŋ koɓɛ̀i àŋ yaà yɛi aŋ kpào le.

2 Kɔliìŋ 1:20

Wuŋ nàŋ yaà ke “Hɛ̀ɛɛ̀ɛŋ” koɓɛ̀ maŋ ɗààhìì Dayà maŋ gbiŋ. E wèètii esàɓù Jisɛ̀ Kulaì sùà è woàìŋ wìàà, “Àmiinàŋ” wèè e jòòwo koɓɛ̀ Dayài.

2 Kɔliìŋ 9:6

Jàaìŋ jii kɛ̀ wo nyùnùɔŋ naŋ nyùɔ̀ŋ manɛ̀ŋ je jɔa wɔ̀, wò do nàŋ kpàà manɛ̀ŋ je jɔa, wo yèɔ naŋ nyùɔ̀ŋ zimgbe wɔ̀, wò do nàŋ kpàà manɛ̀ŋ je zimgbe.

Gàla 3:15

Nyɛ̀iŋ nààŋ wùìyaim nyàŋ, mìŋ do naŋ tòòmò e tɔ̀ɔ̀màŋsèì kei maŋ kààŋ wɔŋ niìsìa màŋ gbiŋ wèè kaiŋ kpìnìàŋ e yèɛ yaà ke jii miɛ̀ŋ lɛ. E teengaà anyùùŋ tìyèe naŋ nyimèè wèè aŋ nyɛ̀nɛ̀ŋ e keì titi bà lɛ, wo nyùùŋ bà gbiŋ fè niŋ ɓɛìŋ ɓɛ̀nɛ̀ŋ gè dao ɔ̀ɔ̀ wo vɔ̀ɔ̀nɔ̀ŋ è mìèsùàguùŋ bi.

Gàla 3:21

Kɛɛ tii naŋ tɔɔ̀ ke Sàwàa naŋ gììyè e ɗààhìì Dayàa maŋhɛɛ? Kpele, ke gò niŋ gììyà màŋhɛɛ! Sèè ke sàwà bà gbiŋ ke weè nɔ̀ŋ wèè ke wi kìɛ̀ŋ wɔŋ nyiiŋ gèe, wo Dayà do wi weè nàŋ jàà kùàŋ dìì e tɔ̀ɔ̀nyaàŋ sùà, sèè è jɔɔlɔ̀ìŋ ke sàwà bi dìì.

Gàla 5:16

E yèɛ mìŋ yaà woo lɛ̀ nàŋ yaà tɛɛ̀, tɔ̀ e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, yèè ɓɔ̀ nìŋ jɔɔlɔ̀ è ɗèwè màŋ kèìŋ nyuùŋkpùuŋ màŋ dìì.

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

Ɛfesɔ̀ 2:12

E teenga lii sùà niŋ nyimààŋ wa è kèè Jisɛ̀ Kulaìɛ. Nìŋ yaà wa anyùùŋ fuɔŋ joo koɓɛ̀ anyùùŋ Ezɔ̀ɛ̀ nyaŋ wo Dayà naŋ tàeɗùù nyaŋ, yèè niŋ fè wa àŋ bàiŋbà kòɓɛ̀ è mìèsùàguùŋ nɛ è yèɛ wò Dayà naŋ wa ɓèmè è ɗààhiì kòɓɛ̀ ànyunùuŋ nyàŋ lɛ. Nìŋ yaà wa e ɗuunyaŋ lɛɛ̀, kɛɛ niŋ kuwà wa kò tùlìè jii bà gbiŋ, yèè niŋ gò wa gbɛ̀ɛ̀ Dayà kɔɔ tòloò pɛɛ.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

Hiɓu 11:13

E yìwìà e hààwe sùà anyùùŋ nyɛɛ̀ŋ gbiŋ naŋ wa fɔ̀. Aŋ gò wa yɛ̀mɛ̀ mànɛ̀ŋ maŋ wò Dayà naŋ wa jɔ̀ɔ̀ è ɗààhiì kɛ̀ wò do nyiŋ wa nàŋ kiɛ̀ŋ lɛ, kɛɛ àŋ naŋ miŋ wa yɛmɛ̀ koɓɛ̀ dii yèè àŋ naŋ miŋ ɓeè, yèè àŋ naŋ nyimèè kɛ̀ àŋ yaà wa nɔŋ aŋ nyùùnèènyɛiŋ yèè anyùùŋ fuɔŋ joo e dììɛ diɛŋ.

Hiɓu 7:18

Ke sàwà gɔuɛ̀ naŋ wa nɔ̀ŋ e ɓula jàa nyiŋ esaɓù kɛ̀, ke kuwà wa gààŋ e kìlà kè yaà wa wèè foo,

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.