Gàla 3:12 - WƆŊ FƐ̀Ì EBÒ SÌÀŊ DAYÀA

¹² Ke Sàwàa kuwà è nɛ̀ŋ bà gbiŋ kè do nyìnìàŋ è kèè hààwe. Kɛɛ wɔŋ fɛ̀ì Dayàa naŋ woò wààŋ, “Sèè wo nyùùŋ gbiŋ mɔnɔŋ wèè wo nɔ̀ŋ wɔŋ nyiiŋ gèeɔ̀ sùà, wò kuwa wo nyɛ̀nɛ̀ŋ e nɛ̀ɛŋ gbiŋ maŋ Sàwà Dayà maŋ naŋ woò lɛ.”

Gàla 3:12 ပူးပေါင်းရင်းမြစ်များ

Maafiù 19:17

Wo Jisɛ̀ nauŋ woò wààŋ, “Wèè kiìŋ mùŋ naim dawè e nyaàiŋ dè e nɛ̀ŋ siaŋ? Wo Dayà nɔŋ nàŋ siaŋ. Sèè mùŋ mɔnɔŋ wèè maŋ kɛ̀ɛ̀nɛ̀ŋ wɔŋ nyiiŋ gèe gò jùà, sɔɔ̀ maŋ jɔ̀ɔ̀lɔ̀ maŋ sàwàuŋ màŋ dìì.”

Luùm 11:6

E kèì jìì Dayàa wò naŋ nyɛ̀nɛ̀ŋ esàɓù e tɛ̀ɛ̀tɛ̀ɛ̀uŋ nɛ̀ lɛ, e fè wèè è tòmo gbiŋ è yèɛ anyùùŋ naŋ nyɛ̀nɛ̀ŋ lɛ. Sèè e kèì jìì Dayàa e weè nɔ̀ŋ esàɓù tòmoɛ̀ anyùùŋ nyɛnɛŋ lɛ̀, kɛ̀ e tɛ̀ɛ̀tɛ̀ɛ̀uŋ nɛ̀ e naàŋ weè nɔ̀ŋ è tɛ̀ɛ̀tɛ̀ɛ̀ kɛnɛ.

Luùm 4:14

Sèè e yèɛ wo Dayà naŋ weè jɔ̀ɔ̀ e ɗààhiì wèè wo kiɛ̀ŋ lɛ e weè nɔ̀ŋ kìɛŋ niŋ koɓɛ̀ anyùùŋ nyaŋ nɔŋ jɔɔlɔ̀ maŋ Sàwà Dayà maŋ dìì nyaŋ, kɛ̀ e hààwe yaà wèè foo, yèè e ɗààhìì Dayàa naàŋ weè kɛ̀ɛ̀nɛ̀ŋ gààŋ.

Luùm 4:16

Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.

Luùm 7:10

yèè wo Dayà naim hèè e kìtì fàa diɛŋ. Kè sàwàa mìŋ yaà wa weè yɛ̀ɛ̀mɛ̀ dòmaŋ wèè keim nyɛ̀nɛ̀ŋ ka nɔ̀ŋ wɔŋ nyiiŋ gèe sùà lɛ, naim hèè e kìtì fàa diɛŋ.