Gàla 3:11 - WƆŊ FƐ̀Ì EBÒ SÌÀŊ DAYÀA

¹¹ E yaà tɔ̀ɔ niŋ janjai kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò nyùùŋ tɔ̀ɔ̀nyaàŋ kòɓɛ̀ Dayài sèè wò jɔɔlɔ̀ maŋ Sàwà maŋ dìì, esaɓù kɛ̀ wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ nɔ̀ŋ wo nyùùŋ tɔ̀ɔ̀nyaàaŋ koɓɛ̀ Dayài e yìwìà e hààwe sùà wɔ, nàŋ kɛɛnɛ̀ŋ wɔŋ nyiiŋ gèe.”

Gàla 3:11 ပူးပေါင်းရင်းမြစ်များ

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Hiɓu 10:38

Anyùùŋ tɔ̀ɔ̀nyaàŋ nyaŋ miàim Dayà naŋ jàà kùàŋ dìì nyaŋ, àŋ do nàŋ kùwìè e hààwe, e kìlà aŋ nɔ̀ŋ wɔŋ nyiiŋ gèeɔ̀ sùà. Kɛɛ sèè wo bà guùŋ gbiŋ wo fè e hààweɛ̀ wò kuwa lɛ̀ jɛwɛ, ke jii miɛ̀ŋ naàŋ fɔ̀ weè nyiŋ.”

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

Jìiiŋ 3:2

Yàwi nààŋ gbiŋ è nyɛ̀nɛ̀ìŋ maŋ keì bàa zimgbe. Sèè wo nyùnɔ̀ɔŋ gò duonò è gbòauŋ nɛ̀ sùà wɔ, wo kuwà è tɔ̀mɛ yèè wò ɓɛ̀nɛ̀ŋ yɛ̀mɛ̀ ke kpùnauŋ nɛɛ̀ŋ gbiŋ diɛŋ.

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.