Gàla 3:10 - WƆŊ FƐ̀Ì EBÒ SÌÀŊ DAYÀA

¹⁰ Anyùùŋ nyaŋ gbiŋ naŋ gongò kɛ̀ wo Dayà do nyiŋ nàŋ jàà kùàŋ dìì sèè àŋ jɔɔlɔ̀ maŋ Sàwà maŋ dìì nyaŋ, àŋ yaà e gbòònò Dayàa dìì. Wɔŋ fɛ̀ì Dayàa naŋ woò wààŋ, “Anyùùŋ nyaŋ gò jɔ̀ɔ̀lɔ̀ è nɛ̀ɛŋ gbiŋ yaà wòòiŋ kè Sàwà Dayàa sùà lɛ, e gbòòno yaà nyiìŋ maŋjɛ̀wɛ.”

Gàla 3:10 ပူးပေါင်းရင်းမြစ်များ

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Luùm 4:15

Wo Dayà tuù sèè wo nyùùŋ pɔɔ̀ ke Sàwàuŋ nɛɛ̀ŋ. Kɛɛ koɓɛ̀i ke sàwà ke fè lɛ, wo nyùùŋ fè nyiŋ ɓɛ̀nɛ̀ŋ pɔ̀ɔ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

2 Kɔliìŋ 3:7

Àŋ naŋ wa sìngìè ke sàwàa wɔŋ duò tàà fàà diɛŋ, yèè e jòòwò Dayàa nao hnè e teengaà àŋ yaà nyiìŋ kìɛŋ sùà lɛ. Jòòpɛɛ e gbolòùŋ nɛ yaà wa wɔŋ dèwà Mòòzeɔ̀ lɛ è yaà wa naàŋ fàa sùà e fɛ̀ɛ̀, kɛɛ è kuwa wa e gààŋ e jèèsùà anyùùŋ fùɔ̀ŋ Ezɔ̀ɛ̀ɔ nyaŋ fòuŋ wa ɓɛ̀nɛ̀ŋ yɛ̀mɛ̀ dewà. Sèè ke sàwàa, ke yèɛ hiàŋ e fàa sèè àŋ toomàŋ nyiìŋ sùà nɛ, ke hìàŋ e jòòwo mààŋ tii,

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.