Gàla 2:6 - WƆŊ FƐ̀Ì EBÒ SÌÀŊ DAYÀA

⁶ Aŋ bà nyiŋ do wa weè nàŋ nɔ̀ŋ aŋ sìèfeìŋ kɛnɛ, kɛɛ miŋ gò wa kpɛɛ̀ŋ kɛ̀ ɓòò nàŋ yaà nyiìŋ. Wo Dayà fè nyangè! Aŋ tèènè aŋ sìèfeìŋ titi nyɛɛ̀ŋ bà gbiŋ gò wa tòòyà è nɛ̀ŋ bà gbiŋ kòɓɛ̀ kè miè gbìaŋ miɛ̀ŋ.

Gàla 2:6 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Luù 20:21

Anyùùŋ kàaɓì nyɛɛ̀ŋ naŋ dàwè wo Jisɛ̀ nyààŋ, “Kààmɔɔŋ, è nyìmàŋ kɛ̀ e nɛ̀ɛŋ mùŋ woà yèè mùŋ kaà lɛ è yaà tɔ̀ɔ̀nyaàŋ. Muŋ fè dùàŋ è gòngò kìì nyuùŋkpùuŋ, mùŋ woà ke mìè Dayàa e tɔ̀ɔ̀nyaàŋ diɛŋ.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 5:36

Nàŋ jààèjii kɛ̀ wo Teoɗà naŋ wa hnè e teenga gɔu bà sùà, wò naŋ wa ɓèmè wuŋ bi wo nyùùŋ gààŋ gbee wèè auŋ tùlìà jii. E sɔ̀ngɔ̀ anyuùŋ hɔ̀nɔ̀ɔ̀ tiinàŋ nauŋ wa dè maŋjɛ̀wɛ. Àŋ nauŋ wa jìwè, anyùùŋ màŋjɛ̀wɛ̀uŋ nyàŋ gbiŋ aŋ ɓaayè, yèè ke gboòuŋ nɛɛ̀ŋ naŋ wa sɔ̀ɔ̀ dìì ke hàì dìà.

Luùm 2:11

Wo Dayà do tɛɛ̀ nàŋ nyɛ̀nɛ̀ŋ e tɔ̀ɔ̀nyaàŋ sùà, esaɓù kɛ̀ wo fè nyangè e kìlà wò gbaì anyùùŋ nyaŋ gbiŋ e ɗèwè guùŋ nɛ sùà.

2 Kɔliìŋ 11:5

Mìŋ naŋ gongò kɛ̀ mìŋ yaà nɔŋ wo keela tàeɗùù siaàŋ bà guùŋ mààŋ àŋ keela gbànàŋ nyàŋ àŋ nyaaŋ aŋ keela tàeɗùù titi nyàŋ lɛ.

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2 Kɔliìŋ 5:16

Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.

Gàla 2:2

Kɛɛ mìŋ nao kɔ̀ esaɓù kɛ̀ wo Dayà naim wa tɔɔ̀ wèè kao ka. E dèènè titi sùà yàwiiŋ nààŋ sìèfèìŋ nyuùŋ hààwe nyàŋ, mìŋ naŋ kɛ̀ɛ̀nɛ̀ŋ ke jii gbài e nyaàìŋ dè ke mìè gbìàŋ Ebò Siaàŋ mìŋ yaà wa dàànè sùà koɓɛ̀ anyùùŋ nyaŋ fè àŋ Juùù nyaŋ lɛ̀. Miŋ manàŋ wa wèè ka nyìmàŋ tɔɔɓaa kɛ̀ e tòmoɛ̀ mìŋ naŋ wa nyɛ̀nɛ̀ŋ e gɔuo sùà lɛ, yèè e tòmò ko dòmàŋfeìŋ mɛ̀ naàŋ nɔ̀ŋ è wèè foo.

Gàla 6:3

Sèè naŋ gongò kɛ̀ nìŋ yaà tɛ̀ɛ̀ e nìàŋ anyuùŋ joo, e yèɛ zà tɔɔɓaa e fè yɛi lɛ̀, kɛ̀ nàŋ zùwò nyɛ̀iŋ bi.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Hiɓu 13:7

Ɓɔ̀ nìŋ nyɛɛnɛ̀ŋ è kèè àŋ sìèfeìŋ gɔuiŋ nyàŋ, aŋ yè nyaŋ naiŋ wa kàà ke mìè Dayà nyàŋ. Kɛ̀ɛ̀nɛìŋ ke jii jàa wèè e nyaàiŋ dè e ɗeweɛ̀ àŋ naŋ nyɛ̀nɛ̀ŋ maŋ nyiiŋ gèe nyiŋ màŋ sùà lɛ, yèè niŋ kamè ɗewe wèè niŋ kɛ̀ɛ̀nɛ̀ŋ hààwe màànààŋ àŋ kuwa wa lɛ̀.

1Pììlɛ 1:17

Nìŋ nyaaŋ Dayà Dèda, sèè nìŋ nɔ̀ŋ zoolo, wo yèɔ gbaì e keì koɓɛ̀ anyùùŋ nyaŋ gbiŋ e ɗèwè guùŋ nɛ e yìwìà e tùwò kìì nyùùŋ gbiŋ sùà wɔ. Wèètii, e jùù nɔ̀iŋ kɔɔ sùà wèè Dayà maŋ nyiiŋ gèe gbànaiŋ màŋ sùà e ɗuunyaàŋ diɛŋ.