Gàla 2:16 - WƆŊ FƐ̀Ì EBÒ SÌÀŊ DAYÀA

¹⁶ Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Gàla 2:16 ပူးပေါင်းရင်းမြစ်များ

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 4:12

Wuŋ guùŋ nɔŋ naum ɓɛ̀nɛ̀ŋ jòèye. Wo nyùùŋ bà gbiŋ fè kò àìjɛnɛ̀ŋ dìì wò yèɔ wò Dayà naŋ wi kiɛ̀ŋ wɔ wèè wo wi joeyè eɓìèmàŋjɛ̀wɛ̀ wuŋ.”

Luùm 1:17

Ebò Siaàŋ woà e ɗeweɛ̀ wo Dayà hiàŋ anyùùŋ koɓɛ̀ wuŋ biì wèè aŋ nɔ̀ŋ anyùùŋ tɔ̀ɔ̀nyaàŋ, e kìlà è yaà nɔŋ esàɓù ke jii tùliaà yaà e hààweɛ̀ anyùùŋ kuwa wo Jisɛ̀ sùà lɛ. Nààŋ wɔŋ fɛ̀ì Dayàa naŋ woò lɛ, “Anyùùŋ nyaŋ wo Dayà hiàŋ wèè aŋ nɔ̀ŋ anyùùŋ tɔ̀ɔ̀nyaàŋ esaɓù e hààweɛ̀ àŋ kuwa lɛ̀, do nàŋ nɔ̀ŋ wɔŋ nyiiŋ gèe siaŋ sùà wèè julɔfɔ.”

Luùm 3:30

Wò Dayà yaà nɔŋ wò guùŋ, yèè wò do nàŋ jàà aŋ Juùù nyaŋ àŋ naŋ jàà kpùa nyàŋ kùàŋ dìì esàɓù hààwe nyiŋ nɛ̀ wo Jisɛ̀ Kulaì sùà àŋ naŋ nyɛ̀nɛ̀ŋ lɛ, yèè wo jaa anyùùŋ nyaŋ fè àŋ Juùù yèè aŋ gò jàà kpùa nyàŋ kùàŋ dìì sèè àŋ haawà wo Jisɛ̀ Kulaì e tɔ̀ɔ̀nyaàŋ sùà.

Luùm 4:2

Sèè wo Dayà wa weè jàà wo Eɓulɔhɛɛ̀ŋ kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ esàɓù e tòmoɛ̀ wò naŋ wa nyɛ̀nɛ̀ŋ lɛ, kɛ̀ wò ɓɛ̀nɛ̀ŋ kɛ̀ɛ̀ maŋ nyòngà anyùùŋ fɛɛ̀feìŋ wèè e tòmoɛ̀ wò naŋ nyɛ̀nɛ̀ŋ lɛ. Kɛɛ wò fè ɓɛ̀nɛ̀ŋ kɛ̀ɛ̀ màŋ nyòngà wò Dayà fɛɛ̀feìŋ.

Luùm 4:24

Maŋ keì mɛɛ̀ŋ naŋ wa nɔ̀ŋ sìnga miŋ wèè yàwi, nààŋ wo Dayà do nàŋ jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, aŋ yè nyaŋ naŋ haawè kɛ̀ wuŋ naŋ gè wo Kana wiɔ̀ Jisɛ̀ e fàaà dìì.

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Gàla 4:5

wèè wo bìlɛ̀ŋ aŋ yè nyaŋ yaà wa ke Sàwàa dìì nyaŋ, e kìlà wèè yàwi pɛɛ eiŋ nɔ̀ŋ aŋ jɔ̀à Dayà.

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

Fèle 3:9

yèè wèè ka jàànè miàŋ bi koɓɛ̀ Jisɛ̀ Kulaìi. Miŋ kuwà ɓɛìŋ è tɔ̀ɔ̀nyààŋ miàŋ bi, e yèɛ nafàìm sèè mìŋ jɔɔlɔ̀ maŋ Sàwà maŋ dìì lɛ. E yèɛ mìŋ kuwa naàŋ lɛ nàŋ yaà, wo Dayà wòim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, e tɔ̀ɔ̀nyaàaŋ yewe wo Dayà sìwè yèè e nyaàiŋ naŋ dè e hààwe lɛ̀.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.

Maŋ kèì nyɛɛnɛŋ 7:9

Eɓìèmàŋjɛ̀wɛ̀ tɛɛ̀, mìŋ naŋ yɛ̀mɛ̀ anyuùŋ kpùuŋ jika aŋ yè nyaŋ wo nyùùŋ gbiŋ fè wa ɓɛ̀nɛ̀ŋ kpɛ̀nɛŋ nyàŋ. Àŋ yewe wa anyuùŋ kpùuŋ ziì gbiŋ sùà, maŋ ziì maŋ gbiŋ sùà, maŋ fuɔŋ màŋ gbiŋ sùà, yèè maŋ kàìŋ maŋ gbiŋ sùà. Aŋ gbiŋ naŋ sìè ke kpùà kanaà yaà wo Ɓaawaaà feìŋ, àŋ naŋ gɔ̀àì maŋ ɓuuɓane fua yèè àŋ kuwa maŋ siesaŋ sìwè.