Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gàla 2:15 - WƆŊ FƐ̀Ì EBÒ SÌÀŊ DAYÀA

15 Tɔɔɓaa, è yààìŋ aŋ Juùù e kòmò kii wilɛ̀ sùà yèè e feìŋ “ànyùùŋ màŋ jùumù” mààŋ ànyùùŋ nyaŋ fè àŋ Juùù nyaŋ, màànààŋ àŋ woà lɛ.

အခန်းကိုကြည့်ပါ။ ကော်ပီ




Gàla 2:15
14 ပူးပေါင်းရင်းမြစ်များ  

Aŋ Fɛlosiì nyaŋ bà nyiŋ naŋ tɛɛ̀ yɛmɛ̀, yèè àŋ naŋ dàwè anyùùŋ màŋjɛ̀wɛ̀uŋ nyàŋ nyààŋ, “Wèè kiìŋ wo kààmɔɔiŋ nɔɔ̀ŋ yaà anyuùŋ kùwà nɛ̀ɛ̀nɛ̀ŋ fuɔɔ̀ŋ e kpùlìà anyùùŋ maŋ kpèè naanààŋ jiiyà nɛ̀ŋje koɓɛ̀ guùŋ?”


Wo naiŋ wa woò wààŋ, ‘Miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ kìlaim koɓɛ̀ anyùùŋ maŋ jùumù, e kìlà aim jìwìà wɔŋ vànèkpaaà diɛŋ. Yèè sèè e gɔ̀ɛ̀ɛ̀ taai maaŋ ka ɓɛìŋ kɛ̀ɛ̀ wɔŋ nyiiŋ gèeo sùà.’ ”


Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”


Kiìŋ tɛɛ̀ gbiŋ naŋ fasàì? Tɛɛ̀ ɓɛ̀nɛ̀ŋ tɔ̀ɔ kɛ̀ yàwi nààŋ Juùù nyaŋ tuwàìŋ tɛ̀ɛ̀ e nìàŋ anyùùŋ nyaŋ fè àŋ Juùù nyaŋ? Kpele, e fè yɛi! Aŋ Juùù, e kpùlìà anyùùŋ nyaŋ fè àŋ Juùù nyaŋ, aŋ gbiŋ àŋ yaà e gààŋ maŋ jùumù dìì, màànààŋ nɔŋ mìŋ naŋ woò lɛ.


Weètii esàɓù e hààweɛ̀ è kùwàìŋ wo Dayà sùà lɛ, è doiŋ nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè wo wi kiɛ̀ŋ lɛ. Wèè esaɓù lɛɛ̀, wo naŋ jɔ̀ɔ̀ ɗààhiì wèè wo niŋ kìɛ̀ŋ ke kpòò Eɓulɔhɛɛ̀ŋ gbiŋ wèè foo, e ɗààhiì lɛɛ̀ fè nɔŋ wèè ànyùùŋ nyaŋ jɔɔlɔ̀ màŋ Sàwà Dayà maŋ dìì nyaŋ, kɛɛ è yaà wèè anyùùŋ nyaŋ pɛɛ kuwa hààwe màànààŋ wo Eɓulɔhɛɛ̀ŋ kuwa wa lɛ̀. Wo Eɓulɔhɛɛ̀ŋ naŋ yaà wo dèdà anyùùŋ nyaŋ gbiŋ.


Nààŋ yàwi nààŋ Juùù nyaŋ naŋ wa tɔ̀ɔ̀tù e ɗewe kàme wèè e nɔ̀iŋ e tɔ̀ɔ̀nyaàŋ sùà koɓɛ̀ Dayài, è naŋ yɛmɛ̀ kɛ̀ è yààìŋ wa anyùùŋ maŋ jùumù. Tɛɛ̀ naŋ tɔɔ̀ kɛ̀ wo Jisɛ̀ Kulaì naŋ wa nyɛ̀nɛ̀ŋ wèè eiŋ nɔ̀ŋ anyùùŋ maŋ jùumù? Kpele, e fè yɛi!


Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.


Kà weè ɓɛ̀nɛ̀ŋ sìà ke jii tùlia miɛ̀ŋ koɓɛ̀ maŋ langi mààŋ miiŋ ke kpùnaŋ miɛ̀ŋ sùà. Sèè nyɛ̀iŋ nààŋ bà guùŋ gbiŋ maŋ gongà kɛ̀ wò kuwa esaɓù wèè wo kɛ̀ɛ̀nɛ̀ŋ jii tùlia koɓɛ̀ manɛ̀ŋ maŋ wò nyiniàŋ ke kpùnauŋ nɛɛ̀ŋ maŋ, kɛ̀ mìŋ kuwa ngèè esaɓù zimgbe wèè ka yɛi gongò miàŋ pɛɛ.


Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ