Gàla 2:14 - WƆŊ FƐ̀Ì EBÒ SÌÀŊ DAYÀA

¹⁴ Kɛɛ nààŋ mìŋ naŋ wa yɛmɛ̀ kɛ̀ aŋ fè kààiŋ sùà kè dòmàŋ jìlɛɛ̀ŋ è nyaàiŋ dè è tɔ̀ɔ̀nyààŋ Ebò Siaàŋ lɛ, mìŋ naŋ wa woò wo Pììlɛ ko fɛ̀ɛ̀fèìŋ anyùùŋ nyaŋ gbiŋ mìàŋ, “Mùŋ yaà wo Juùù nyuuŋ, yèè màŋ wa nɔ̀ŋ wɔŋ nyiiŋ gèe mɔɔ̀ŋ sùà mààŋ wo nyùnɔ̀ɔŋ fè wò Juùù wɔ. Kɛ̀ dièsɔa mùŋ naŋ ɓɛ̀nɛ̀ŋ hììyà anyùùŋ nyaŋ fè àŋ Juùù nyaŋ wèè aŋ nɔ̀ŋ wɔŋ nyiiŋ gèe nyiŋ nɔɔ̀ŋ sùà mààŋ aŋ Juùù nyuuŋ?”

Gàla 2:14 ပူးပေါင်းရင်းမြစ်များ

Nyɛ̀nɛ̀ŋ 10:28

Wo Pììlɛ naŋ nyiŋ woò wààŋ, “Nàŋ nyìmàŋ kɛ̀ è yaà ke sàwà kɛ̀ yàwi nààŋ Juùù nyaŋ e yìwìà wɔŋ fùɔ̀ŋ Jùdiàa yaà anyùùŋ nyaŋ fè àŋ Juùù nyaŋ ɓɔ̀ àŋ kpulià kè nyɛ̀nɛŋ ɔ̀ɔ̀ eiŋ nyiŋ jaamè. Kɛɛ wo Dayà wòim tɔɔ̀ kɛ̀ wo gò gongò kɛ̀ wò nyùùŋ gbiŋ fè zɛ̀nɛuŋ ɔ̀ɔ̀ wo fè tɛ̀ɛ̀.

Nyɛ̀nɛ̀ŋ 15:1

Anyùùŋ bà naŋ wa hnè e yìwìà ko Jùdià aŋ kà ko Aŋtiɔ̀ yèè àŋ naŋ tɔ̀ɔ̀tù anyuùŋ hààwe nyàŋ kàa nyààŋ, “Wo Dayà naàìŋ joeyè, sɔɔ̀ naŋ nɔ̀ŋ kpùa jàaiŋ màànààŋ e làngì Mòòzeɛ̀ naŋ kaà lɛ.”

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Nyɛ̀nɛ̀ŋ 15:5

Kɛɛ anyuùŋ hààwe nyàŋ bà nyiŋ ke gbòò aŋ Fɛlosiì nyaŋ sùà naŋ woò nyààŋ, “Anyùùŋ nyaŋ fè àŋ Juùù yèè àŋ naŋ kìlè koɓɛ̀ Dayài nyàŋ nɔ̀ŋ kpùa jàa nyiŋ e kìlà aŋ jɔɔlɔ̀ maŋ Sàwà maŋ wo Mòòze naŋ wi kiɛ̀ŋ maŋ dìì.”

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Gàla 1:18

Nààŋ maŋ dòà taai naŋ mààŋ, mìŋ naŋ kɔ̀ ko Jùlusɛ̀làm ko jààmè wo Pììlɛ, yèè mìŋ naŋ wa nɔ̀ŋ ko nɛ̀ɛ̀uŋ niìŋ wèè e gɔ̀ɛ̀ɛ̀ zììyà jɛ̀wɛ nɔɔnɔŋ.

Gàla 1:6

È naim foonò wèè naŋ fè wo Dayà jɛwɛ fiò, wo yeɔ̀ naiŋ nyààŋ e yìwìà e tɛ̀ɛ̀tɛ̀ɛ̀ Jisɛ̀ Kulaìɛ sùà wɔ, yèè nìŋ naŋ jàà ebò siaŋ joo kùàŋ dìì.

Gàla 2:3

Wo Taitɔ̀ naim wa jèè maŋjɛ̀wɛ e kà ko Jùlusɛ̀làm. Jòòpɛɛ wò yaà wa wo Guliì nyuùŋ, kɛɛ aŋ gòuŋ wa kùwìà màŋ gàangàaŋ wèè auŋ jàà kpùa.

Gàla 2:5

Kɛɛ è manaŋ wa wèè naŋ kɛ̀ɛ̀nɛ̀ŋ Ebò Sìàŋ tɔ̀ɔ̀nyaàaŋ. Tɛɛ̀ naŋ nyɛ̀nɛ̀ŋ e gò nyiŋ wa nyimèè wèè è teenga kpuu pɛɛ.

Gàla 2:7

Àŋ naŋ wa jàà jii kɛ̀ wo Dayà naim wa tùɔ̀ŋ wèè ka dàànè ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù yèè aŋ fè kè kpùà jàa nyàŋ, yèè wò naŋ wa tùɔ̀ŋ wo Pììlɛ wèè wo dàànè ke mìè gbìàŋ Ebò Sìàŋ guùŋ bi koɓɛ̀ aŋ Juùù jàà kpùa nyàŋ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.

Gàla 6:12

Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Time 5:20

Gbùùyaà aŋ yè nyaŋ gbiŋ naŋ nyɛ̀nɛ̀ŋ jùumù ko ɓài nyàŋ, wèè e jùù nyɛ̀nɛ̀ŋ anyuùŋ gbànaŋ nyàŋ.

Hiɓu 9:10

Maŋ sàwà mɛɛ̀ŋ yaà nɔŋ wèè e kèè manɛ̀ŋ je yaà manɛ̀ŋ tìa, e kpùlìà maŋ langi màŋ e nyaàiŋ dè e ɗeweɛ̀ è guo yàwi bi lɛ̀, yaà maŋ langi e nyaàiŋ dè maŋ kpùnaŋ wi màŋ, e yèɛ yaà nɔŋ wèè e teenga kpuu e jèèsùà wo Dayà tɔ̀ɔ̀ e keì jɛ̀ì.