Gàla 1:7 - WƆŊ FƐ̀Ì EBÒ SÌÀŊ DAYÀA

⁷ Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Gàla 1:7 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 15:24

È naiŋ kòmò kɛ̀ anyùùŋ bà e yìwìà ke gboò wiɛ̀ sùà naŋ hnè ko nɛ̀ɛ̀iŋ niìŋ yèè àŋ naiŋ wòò e keì bà e yèɛ naiŋ mɔ̀ɔ̀nɛ̀ŋ maŋ jii lɛ̀. Kɛɛ yàwi nààŋ e gò nyiŋ tùàŋ.

Nyɛ̀nɛ̀ŋ 20:30

Anyùùŋ nyɛ̀iŋ bi nyàŋ bà do nàŋ hnè aŋ wòò e tòa wèè kàìsa aŋ gè anyùùŋ màŋjɛ̀wɛ̀ Kanaà maŋ jiio sùà wèè aŋ kìlà wɔŋ faà nyiŋ nɔɔ̀ŋ.

2 Kɔliìŋ 11:13

Aŋ felaa nyiiŋ àŋ yaà aŋ kèèlà kàaɓì, àŋ yaà aŋ keela tòa, aŋ yè nyaŋ tɔɔ e nyaàiŋ dè e tòmo nyiŋ nɛ̀ yèè àŋ ɓemàŋ e kìlà àŋ tɔɔ̀ nyiŋ bi wèè aŋ nɔ̀ŋ mààŋ aŋ keela kɛnɛ wèè Jisɛ̀ Kulaì.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Gàla 1:6

È naim foonò wèè naŋ fè wo Dayà jɛwɛ fiò, wo yeɔ̀ naiŋ nyààŋ e yìwìà e tɛ̀ɛ̀tɛ̀ɛ̀ Jisɛ̀ Kulaìɛ sùà wɔ, yèè nìŋ naŋ jàà ebò siaŋ joo kùàŋ dìì.

Gàla 2:4

È naiŋ noo wa kɔ̀ esàɓù anyùùŋ nyaŋ naŋ jàà e fɛ̀ɛ̀ wèè aŋ nɔ̀ŋ anyùùŋ hààwe nyàŋ, yèè àŋ naŋ wi wa sɛ̀ɛ̀ e tɛɛ mààŋ anyuùŋ gbɛ̀ɛ̀ gbɛ̀ɛ̀ nyùùŋ. Àŋ naŋ wa hnè wèè aŋ gèe e bìlɛɛ̀ŋ wo Jisɛ̀ Kulaì naŋ wi wa kiɛ̀ŋ lɛ ko sìwè, yèè àŋ yaà wa kààmè e ɗewe wèè aŋ kuwìè wi e gààŋ diɛŋ mààŋ aŋ ɗo nyiŋ.

Gàla 4:17

Anyùùŋ nyiiŋ tɔɔ̀ wa kɛ̀ àŋ mànàìŋ zimgbe, kɛɛ maŋ ɗèwè nyiŋ màŋ fè wa tɛ̀ɛ̀. E yèɛ nɔŋ àŋ manaŋ wa lɛ̀, nàŋ yaà wèè aŋ wi gòònò tɛɛ naim yèwà maŋ jɛwɛ, yèè naŋ nyiŋ sìà ke jii tùlia sùà.

Gàla 5:10

Kɛɛ kòò mìŋ kùwa nɔŋ ke jii tùlìà e nyaàìŋ eiŋ dè. E nɔ̀ɔŋ wilɛ̀ aŋ bàwibà wo Kanaà Jisɛ̀ Kulaì sùà naim kìɛ̀ŋ ke jii tùliaà kɛ̀ niŋ naàŋ nyɛ̀nɛ̀ŋ è yèɛ wò nyùùŋ bà woàìŋ wèè naŋ nyɛ̀nɛ̀ŋ lɛ, yèè wo nyùnɔ̀ɔ̀ŋ gbiŋ naŋ gongò wèè wo nyɛ̀nɛ̀ŋ maŋ jiiŋ màŋ gɔ̀àgɔ̀à sùà wɔ, wo Dayà douŋ wa nàwèè nàŋ nimilà ke ɗɔ̀ɔ̀ e gbàiɛ̀ diɛŋ.

Gàla 5:12

Mìŋ he weè nàŋ mɔ̀nɔ̀ŋ wèè anyùùŋ nyaŋ yaà gɔ̀àgɔ̀à maŋ jiiiŋ màŋ sùà nyaŋ, ɓɔ̀ àŋ jàà nɔŋ nyiŋ bi kpùa, kɛɛ anyùùŋ nyɛɛ̀ŋ aŋ nɛɛmùŋ nyiŋ bi e nìàŋ yɛi!

Gàla 6:17

Ko dìèmè maŋ kei wòo mɛɛ̀ŋ nàŋ yaà, wo nyùùŋ bà gbiŋ ɓɔ̀ wò kiɛ̀im ɓɛìŋ è kei nyìnga, esaɓù nàŋ yaà kɛ̀ e feeɛ̀ yaà wɔŋ kɔɔ miɔ̀ŋ lɛ naŋ tɔɔ̀ kɛ̀ mìŋ yaà wèè wo Jisɛ̀ kulaì.

2Time 2:18

Àŋ naŋ yèwè ke dòmàŋ tɔ̀ɔ̀nyaàaŋ diɛŋ, yèè àŋ yaà gɔ̀àà gɔ̀àà sùà maŋ hààwè anyuùŋ hààwe nyàŋ bà miŋ sùà, esaɓù kɛ̀ àŋ yaà wa woo nyààŋ wo Dayà ngèè naàŋ gè anyuùŋ fàa nyàŋ dìì.

1Jɔ̀ɔŋ 2:26

Mìŋ yaà sìnga sùà tɛɛ̀ ko nɛ̀ɛ̀ŋ niìŋ wèè e nyaàiŋ dè aŋ yè nyaŋ yaà kààmè ɗewe wèè aiŋ zuwò nyaŋ.

1Jɔ̀ɔŋ 4:1

Dàwi mànaim nyàŋ, ɓɔ̀ nìŋ haawè ànyùùŋ nyaŋ gbiŋ naŋ woò nyààŋ àŋ kuwa wo Jìnàŋ Dayàa nyàŋ. Tùaìŋ aŋ jìnàŋ nyɛɛ̀ŋ maŋ nɔnɔŋ wèè niŋ nyìmàŋ sèè mààŋ tɔɔɓaa àŋ yewe koɓɛ̀ Dayài. Esaɓù kɛ̀ aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.

2Jɔ̀ɔŋ 1:7

Aŋ wɛ̀ijì tòa zimgbe naŋ ɓààyè e ɗuunyaàŋ gbiŋ sùà, anyùùŋ nyaŋ kuwà è hààweɛ̀ kɛ̀ wo Jisɛ̀ Kulaì naŋ wa hnè mààŋ wo nyuùŋkpùuŋ wɔ̀. Wo nyùùŋ mààŋ wii wò yaà wo nyuùŋ tòa yèè wo joo wèè Kulaì.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.

Maŋ kèì nyɛɛnɛŋ 2:2

Kà nyìmàŋ e nɛ̀ɛŋ nìŋ naŋ nyɛ̀nɛ̀ŋ lɛ. Kà nyìmàŋ e tòmo nyìngaà nìŋ naŋ nyɛ̀nɛ̀ŋ lɛ yèè maŋ jii tɔumtɔ̀ùm maŋ nìŋ naŋ kùwò maŋ. Kà nyìmàŋ kɛ̀ nyɛ̀iŋ yèè anyuùŋ nyɛ̀nɛ̀ŋ keì naanààŋ gbiŋ fè tòòmò kòɓɛ̀ guùŋ, e kìlà nàŋ wàà anyùùŋ nyaŋ bà nyiŋ naŋ woò nyààŋ àŋ yàa aŋ keela tàeɗùù nyaŋ, kɛɛ nàŋ yɛmɛ̀ kɛ̀ àŋ yaà anyuùŋ tòa.

Maŋ kèì nyɛɛnɛŋ 2:20

Kɛɛ tɛɛ̀ nìŋ naŋ nyɛ̀nɛ̀ŋ e gòim fɔ̀ɔ̀yɛ̀ jii. Niŋ gò gììyà wò Jɛ̀sebɛ̀ɛ̀ màŋhɛɛ. Wò naŋ ɓèmè wuŋ bi wèè wo nɔ̀ŋ wo kèèlà Dayà. E nɛ̀ɛŋ wò kaà lɛ è nyɛ̀nɛ̀ŋ aŋ ɓɔìjɔ̀àim nyàŋ àŋ yèwà ke dòmaŋ miɛ̀ŋ diɛŋ yèè àŋ kùùnò nyɛ̀nɛ̀ŋ maŋ yɛɛ̀ naanààŋ yèè e tèèngà guùŋ bi àŋ yaà jììyè manɛ̀ŋ jè saaà maŋ àŋ naŋ wa gììyè saaà maŋ koɓɛ̀ aŋ dayà joo nyàŋ.

Maŋ kèì nyɛɛnɛŋ 2:6

E kèì ɗì guùŋ nìŋ yaà nyinie è yaà tɛ̀ɛ̀. Nìŋ naŋ wùɔ̀ŋ e nɛ̀ɛŋ anyùùŋ màŋjɛ̀wɛ̀ Nìkolià nyaŋ nyɛnɛŋ lɛ̀, màànààŋ nɔŋ miàŋ bi mìŋ naŋ niŋ wùɔ̀ŋ lɛ.”

Maŋ kèì nyɛɛnɛŋ 20:3

Wo màikàa nauŋ gbìɛ̀ŋ ko golo zutùùiŋ, wouŋ sìà kpòò, yèè wò naŋ wuŋ hàà e fèè yìla wɔŋ nyààŋ, wèè kɛ̀ wo go wa ɓɛìŋ nàŋ zùwò anyùùŋ maŋ fuɔŋ màŋ sùà e jèèsùà maŋ doa tààsùùŋ guùŋ maŋ jùà. Eɓìèmàŋjɛ̀wɛ̀ tii, àŋ douŋ nàŋ filè wèè e teenga kpuu.