Gàla 1:14 - WƆŊ FƐ̀Ì EBÒ SÌÀŊ DAYÀA

¹⁴ Mìŋ sia wa aŋ Juùù sèène dàwiim nyàŋ zimgbe nyiŋ feìŋ e kèè Dayà zòòloɛ̀ sùà, yèè mìŋ naŋ wa haamìŋ wèè ka jɔ̀ɔ̀lɔ̀ maŋ sàwà maŋ gbiŋ aŋ nèwàènèwe wi nyàŋ naŋ wi wa kiɛ̀ŋ maŋ dìì.

Gàla 1:14 ပူးပေါင်းရင်းမြစ်များ

Maafiù 15:6

Nààŋ e fè tɛ̀ɛ̀ wèè aŋ jɔ̀ɔ̀lɔ̀ àŋ dèda nyiŋ nyàŋ dìì. E ɗewe kii lɛɛ̀ nìŋ naŋ yaà kàà anyùùŋ nyaŋ lɛ̀, è pɔ̀ɔ̀pɔ̀ɔ̀ e nɛ̀ɛŋ ke mìè Dayàa naŋ woò lɛ, wèè niŋ dè e làŋgì nyɛ̀iŋ biɛ̀ maŋjɛ̀wɛ.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 22:3

Wo Pɔɔ̀ naŋ woò wààŋ, “Mìŋ yaà wo Juùù nyuuŋ, yèè àŋ naim wa kùmìè ko jawa gbeeì ko Tasɔ̀ wɔŋ fùɔ̀ŋ Sèlesìàa sùà. Kɛɛ kià ko Jùlusɛ̀làm mìŋ naŋ dɛɛkɛ̀, yèè mìŋ yaà wa wo kààjɔa e yìwìà ko gbòòkùàŋ Gàmaliàa. Yèè àŋ naim wa kaà wèè ka jɔ̀ɔ̀lɔ̀ maŋ sàwà aŋ nèwàènèwe wi nyàŋ gbiŋ dìì. Yèè ngèè mìŋ yaà wa e wànàŋ zimgbe sùà wèè ka jɔ̀ɔ̀lɔ̀ wo Dayà dìì mààŋ nyɛ̀iŋ nààŋ bà gbiŋ nàaŋ ɗɔɔ yɛɛ̀.

Nyɛ̀nɛ̀ŋ 26:5

Àŋ nyìmàŋ wèè e teenga mùnlaŋ bà naàŋ, sèè àŋ nyimààŋ weè wèè aŋ kìɛ̀ŋ ke mìè seì weèim kɛ̀ mìŋ naŋ nyìnìè wɔŋ nyiiŋ gèe miɔ̀ŋ yèè mìŋ naŋ nɔ̀ŋ wo bàimbà wèè ke gbòò aŋ Fɛlosiì nyaŋ naŋ wa kùwò e hààwe wilɛ̀ kpaŋ e nìàŋ ke gbòò bà gbiŋ.

Nyɛ̀nɛ̀ŋ 26:9

“Miàŋ bi mìŋ naŋ wa gongò kɛ̀ sɔɔ̀ ka wa nyɛ̀nɛ̀ŋ e yèɛ gbiŋ mìŋ kuwa wa ka nyɛ̀nɛ̀ŋ lɛ wèè ka pɔ̀ɔ̀pɔ̀ɔ̀ e dèè sìàŋ Jisɛ̀ɛ e yìwìà ko Naazɔ̀ɛ̀.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,