Gàla 1:10 - WƆŊ FƐ̀Ì EBÒ SÌÀŊ DAYÀA

¹⁰ Mùŋ gongà mààŋ mìŋ yaà kààmè e ɗewe wèè ka kìɛ̀ŋ anyùùŋ maŋ jii fàa? Tɔɔɓaa kpele! E yèɛ wo Dayà naŋ mɔ̀nɔ̀ŋ yèè wò naŋ jàà kùàŋ dìì lɛ tiŋ mìŋ manaŋ! Ɓàà mìŋ yaà kààmè e ɗewe wèè anyùùŋ aim nyìmàŋ? Sèè ka weè nɔ̀ŋ kààmè ɗewe wèè ka yɛi nyɛ̀nɛ̀ŋ, miŋ fè weè ɓɛ̀nɛ̀ŋ nɔ̀ŋ wo ɓɔìjɔ̀à wèè wo Jisɛ̀ Kulaì.

Gàla 1:10 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Maafiù 28:14

Yèè sèè wo kànà fuɔɔ̀ŋ kòmò niìŋ, è do niŋ nàŋ kìlè e nɔ̀ŋ tɔ̀ɔ̀nyaàŋ ko nɛ̀ɛ̀uŋ niìŋ wèè niŋ gò nàŋ kɔ̀ è mɔ̀ɔ̀nɛŋ gbiŋ dìì.”

Maafiù 6:24

“Wo nyùùŋ gbiŋ fè ɓɛ̀nɛ̀ŋ nɔ̀ŋ wò ɗo wèè àŋ kààmɔ̀ɔ̀ŋ ɗì tìyèe. Mùŋ do nàŋ mɔ̀nɔ̀ŋ wò guùŋ e nìàŋ wo bàa, ɔ̀ɔ̀ mùŋ do nàŋ jɔ̀ɔ̀lɔ̀ wò guùŋ dìì e nìàŋ wo bàa. Muŋ fè ɓɛ̀nɛ̀ŋ zòòlò wò Dayà yaà è nɛɛnɛŋ.

Nyɛ̀nɛ̀ŋ 12:20

Wo Kanaà Hɛɛlɔ̀ naŋ wa tùù anyùùŋ Taà nyaŋ yèè anyùùŋ Sidɔ̀ɔ̀ŋ nyaŋ sìwè, kpeiŋ anyùùŋ nyaŋ ko Taà yèè ko Sidɔ̀ɔ̀ŋ naŋ jàà ke gbòò yèè àŋ naŋ kɔ̀ koɓɛ̀ wo nyuùŋ gbeeɔ̀ sia wa ke sààŋ gbèè Hɛɛlɔ̀ɛ feìŋ wɔ àŋ nyaaŋ Balisɔ̀ wèè aŋ pɔwɔ̀uŋ wo kpuumàŋ nyiŋ. Yèè àŋ naŋ kɔ̀ wèè aŋ dawè wo Hɛɛlɔ̀ wèè aŋ banè e fèemàŋ nyiŋ nɛ̀ ke jii fàa sùà, esaɓù kɛ̀ anyùùŋ nyaŋ ko Taà yèè ko Sidɔ̀ɔ̀ŋ hewa gè enɛ̀nje nyiŋ nɛ̀ wɔŋ fùɔ̀ŋ kanaà Hɛɛlɔ̀ sùà.

Nyɛ̀nɛ̀ŋ 5:29

Wo Pììlɛ yèè aŋ keela tàeɗùù gbànaŋ nyàŋ naŋ nyiŋ fasàì nyààŋ, “È kuwa eiŋ nyɛ̀nɛ̀ŋ e yèɛ wo Dayà manaŋ wèè eiŋ nyɛ̀nɛ̀ŋ lɛ, e kuwàìŋ è kpàŋ wèè eiŋ nyɛ̀nɛ̀ŋ è yèɛ anyuùŋ kpùuŋ manaŋ lɛ̀.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 2:8

Anyùùŋ nyaŋ bà nyiŋ manaŋ nɔŋ nyiŋ bi e kìlà àŋ gè maŋhɛɛ wèè aŋ jàà e tɔ̀ɔ̀nyaàaŋ wo Dayà naŋ woò lɛ kùàŋ dìì. Àŋ nyɛnɛŋ maŋ keì maŋ wo Dayà naŋ woò wààŋ maŋ fè tɛɛ maŋ. Wo Dayà do nyiŋ nàŋ tùù sìwè e kìlà wò do nyiŋ nàŋ dèèyè keì nyìnga diɛŋ.

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Kòlo 3:22

Nyɛ̀iŋ nààŋ ɗo nyàŋ, jɔ̀ɔ̀lɔìŋ aŋ kɛ̀ɛ̀nɛiŋ nyàŋ dìì e teenga gbiŋ. Ɓɔ̀ nìŋ nyɛ̀nɛ̀ŋ niŋ nɔŋ esaɓù kɛ̀ àŋ yààìŋ yɛɛmɛ ɔ̀ɔ̀ èsaɓù kɛ̀ nìŋ manaŋ aiŋ mànàŋ. Nyɛ̀nɛìŋ niŋ e tɔ̀ɔ̀nyaàŋ e yìwìà maŋ jiiŋ màŋ sùà esàɓù e ɓɛ̀ɛ̀jàa nìŋ kuwa wèè wo Kanaà lɛ.

1Tɛsè 2:4

Kɛɛ è gboo e ɗeweɛ̀ wo Dayà wuŋ manaŋ wèè eiŋ gbòà lɛ, esaɓù kɛ̀ wò wi tùàŋ maŋ nɔnɔŋ, wò wi haawè wèè Ebò Siaàŋ ɓààye. E fèìŋ fɛ̀ɛ sùà wèè eiŋ nyɛ̀nɛ̀ŋ wo nyuùŋkpùuŋ kè jiiuŋ nɛɛ̀ŋ ke fà, è fɛ̀ɛ̀ìŋ wèè eiŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà, wuŋ nàŋ tùɔ̀ŋ maŋ jii wi màŋ maŋ nɔnɔŋ.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.

1Jɔ̀ɔŋ 3:9

Aŋ yè nyaŋ yaà aŋ jɔ̀à Dayà nyaŋ, aŋ fè nɔŋ nɔ̀ŋ màŋ jùumù sùà keleiŋ. Esaɓù nàŋ yaà kɛ̀ ke sɔ̀ŋ Dayàa yaà nyiìŋ sùà. Yèè nààŋ wo Dayà nàŋ yaà wo Dèda nyiŋ nɔɔ̀ŋ lɛ, aŋ fè nyɛ̀nɛ̀ŋ màŋ kèì jùumù keleiŋ.