Felemɔ̀ŋ - PHM 1:24 - WƆŊ FƐ̀Ì EBÒ SÌÀŊ DAYÀA

²⁴ Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

Felemɔ̀ŋ - PHM 1:24 ပူးပေါင်းရင်းမြစ်များ

Nyɛ̀nɛ̀ŋ 12:12

Wo Pììlɛ naŋ kɔ̀ ko gbòò Mèèle, wo nààŋ Jɔ̀ɔɔ̀ŋ wo yèɔ àŋ hewa ɓɛìŋ nyààŋ wo Mài wɔ̀. Kuŋ anyuùŋ hààwe nyàŋ zimgbe nyiŋ naŋ wa dèènè koɓɛ̀ guùŋ àŋ yaà zoolo.

Nyɛ̀nɛ̀ŋ 12:25

Yèè nààŋ wo Bànaŋɓà yaà wo Sɔɔ̀ naŋ wa kpɛ̀ɛ̀yɛ̀ e tòmoɛ̀ àŋ naŋ wa kɔ̀ nyinie lɛ̀, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wa kɔ̀ɔ̀ wo Jɔ̀ɔŋ, wo yèɔ àŋ nyaaŋ wo Mài wɔ̀ maŋjɛ̀wɛ nyiŋ.

Nyɛ̀nɛ̀ŋ 13:13

Wo Pɔɔ̀ yèè aŋ dàwiuŋ nyàŋ naŋ yèwè ko Pafɔ̀ yèè àŋ naŋ kɔ̀ ko Pɛgà ko jawa gbeeì wɔŋ fùɔ̀ŋ Pàŋfelìàa sùà. Yèè wo Jɔ̀ɔŋ Maì naŋ nyiŋ noo jòò yèè wò naŋ kɛ̀ɛ̀ maŋjɛ̀wɛ ko Jùlusɛ̀làm.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Nyɛ̀nɛ̀ŋ 27:2

È naiŋ wa sɛ̀ɛ̀ wɔŋ meeè sùà e yìwìà ko Àɗàmatiɔ̀ŋ. Wɔŋ meeèɔ yaà wa kɔ̀ɔ̀yɛ̀ ko Eesìà. Wo Àlètakɔ̀ e yìwìà ko Tɛsèlonikà, wo felaa bà e yìwìà ko Mɛ̀sèdonià, naŋ wa sɛ̀ɛ̀ wɔŋ meeèɔ sùà wuŋ pɛɛ yèè yàwi nààŋ gbiŋ naiŋ kɔ̀.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

Kòlo 4:14

Aŋ wùìya wi nyàŋ, wo Luù, wo zòòlegòò mànaŋ wiɔ̀ yaà wo Dimà naiŋ tùɔ̀ŋ zùùmo.

1Pììlɛ 5:13

Anyùùŋ màŋjɛ̀wɛ̀ Kanaà Jisɛ̀ nyaŋ wo Dayà naŋ tàeɗùù ko Ɓaɓelɔ̀ùŋ, yèè wo jɔ̀àim Mài, àŋ dawàìŋ.

3Jɔ̀ɔŋ 1:8

Wèètii, yaà wi nààŋ nyuùŋ hààwe nyàŋ, sɔɔ̀ eiŋ kpùùmàŋ anyùùŋ nyɛɛ̀ŋ, wèè eiŋ nɔ̀ŋ anyuùŋ tòmo dàwi nyiŋ wèè e tɔ̀ɔ̀nyaàaŋ.