Felemɔ̀ŋ - PHM 1:20 - WƆŊ FƐ̀Ì EBÒ SÌÀŊ DAYÀA

²⁰ Weètii wùìya miɔ̀ŋ, kɔ̀nɛɛ̀ŋ nyɛnɛ̀ŋ e kpùùmaŋ lɛɛ̀ e weèim esàɓù wo Kanaà sùà. Nààŋ mùŋ yaà wo wùìya nyuùŋ wo Jisɛ̀ Kulaì sùà lɛ, nyɛnɛŋ e mànaŋ mɔ̀ɛ̀ e sìàìm e zɔlɔ̀ ke jii miɛ̀ŋ sùà.

Felemɔ̀ŋ - PHM 1:20 ပူးပေါင်းရင်းမြစ်များ

1 Kɔliìŋ 16:18

yèè wɔŋ nyììŋ jinàŋ miɔ̀ŋ naŋ hawe bɔ̀tɔ̀ùŋ mààŋ maŋ jeiŋ màŋ. Anyùùŋ mààŋ nyɛɛ̀ŋ nìŋ jàà nyiìŋ jii.

2 Kɔliìŋ 2:2

Sèè ka weè n yɛ̀nɛ̀ŋ maŋ jiiiŋ màŋ mɔɔnɛ̀ŋ, kɛ̀ ɓòò nàŋ do nàŋ joo wèè wo nyɛ̀nɛ̀ŋ ke jii miɛ̀ŋ ke fà? Sɔɔ̀ nɔŋ anyùùŋ guùŋ nyaŋ mìŋ naŋ mɔ̀ɔ̀nɛ̀ŋ maŋ jii nyàŋ.

2 Kɔliìŋ 7:13

Tii naŋ nyɛ̀nɛ̀ŋ è naiŋ kùwìè jii nyingè. E fè nɔŋ kɛ̀ è naiŋ kùwìè kè jii nyingè, kɛɛ è naiŋ yɛ̀mɛ̀ e ɗeweɛ̀ wo Taitɔ̀ yaà e zɔlɔ̀ sùà lɛ, esaɓù kɛ̀ niŋ gòuŋ tɔ̀ɔ̀ è nɛ̀ŋ bà gbiŋ wèè wɔ̀ŋ nyiiuŋ nɔɔ̀ŋ sɛ̀ɛ̀ jii.

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Felemɔ̀ŋ - PHM 1:12

Jòòpɛɛ mìŋ yaà tùàŋ sùà wo Onisimɔ̀ŋ ko nɛ̀ɛ̀ŋ muìŋ, kɛɛ ke jìì mànaŋ miɛ̀ŋ yàaùŋ maŋjɛ̀wɛ.

Felemɔ̀ŋ - PHM 1:7

Wùìya miɔ̀ŋ, esàɓù e mànaŋ mɔ̀ɛ̀, mìŋ kuwa e zɔlɔ̀ gbee, yèè è naim kìɛ̀ŋ ke jii nyingè. È naŋ ɓɛìŋ dììyè e zɔlɔ̀ maŋ jìì anyùùŋ nyaŋ kuwa e mànaŋ wèè anyùùŋ nɛɛmaŋ nyàŋ koɓɛ̀ Dayài.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?

3Jɔ̀ɔŋ 1:4

E keì bà gbiŋ fèim nyìnìàŋ è zɔlɔ̀ mààŋ sèè mìŋ komo kɛ̀ aŋ jɔ̀àim nyàŋ àŋ dè è tɔ̀ɔ̀nyaàaŋ maŋjɛ̀wɛ.