Felemɔ̀ŋ - PHM 1:13 - WƆŊ FƐ̀Ì EBÒ SÌÀŊ DAYÀA

¹³ Mìŋ do weè nàŋ mɔ̀nɔ̀ŋ wo kià nɔ̀ŋ ko nɛ̀ɛ̀ŋ miìŋ, wèè wo dè e ɓɛ̀iŋ e nyaàiŋ dè e kpùùmaàŋ nìŋ he weè nàŋ nyɛ̀nɛ̀ŋ e weèim e teengaà mìŋ yaà kià ko sààŋ nyìwìi wèè Ebò Siaàŋ dààne lɛ.

Felemɔ̀ŋ - PHM 1:13 ပူးပေါင်းရင်းမြစ်များ

1 Kɔliìŋ 16:17

Mìŋ naŋ gè zɔlɔ̀ wèè e hnàŋ Sìfanà yaà wo Fɔtùnatɔ̀, yèè wo Àkiiliɔ̀. E teengaà muŋ fè kià lɛ, nyiŋ naŋ dè e bɛ̀um,

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

Fèle 2:30

esaɓù kɛ̀ wò naŋ joo tòloò wèè wo fà wèè e tòmò Dayàa wò yaà nyinie wèè wo Jisɛ̀ Kulaì lɛ, yèè wò naŋ jàà wɔŋ nyiiuŋ nɔɔ̀ŋ sɛɛ wèè woim kìɛ̀ŋ e kpùùmaàŋ nyɛ̀iŋ bi nìŋ fèim weè nàŋ kiɛ̀ŋ lɛ.

Felemɔ̀ŋ - PHM 1:1

E yìwìà miàim Pɔɔ̀ sìwè, wo yèɔ yaà wa ko sààŋ nyìwì esàɓù e hààwe mɛ̀ wo Jisɛ̀ Kulaì sùà wɔ, yàwi Timetè wo nyuùŋ tòmo dàwi miɔ̀ŋ e hààweɛ̀ sùà nàŋ yaà sìngìè wɔŋ fɛi wɛɛ̀ŋ. Felemɔ̀ŋ, wùìya wiɔ̀ yèè wo nyuùŋ tòmo dàwi wiɔ̀, e yaà sìngìè wɔŋ fɛi wɛɛ̀ŋ ko nɛ̀ɛ̀ŋ muìŋ,

Felemɔ̀ŋ - PHM 1:10

Mìŋ yààùm dàwe sùà wèè maŋ kpùùmàŋ wo Onisimɔ̀ŋ. Wò yaà mààŋ wo jɔ̀àfelaa ko nɛ̀ɛ̀ŋ miìŋ wo Jisɛ̀ Kulaì sùà, esaɓù kɛ̀ mìŋ naùŋ wa dè ke dòmàŋ Jisɛ̀ Kulaìɛ diɛŋ e teengaà yàwiuŋ yaà wa ko sààŋ nyìwìi lɛ̀.

Felemɔ̀ŋ - PHM 1:12

Jòòpɛɛ mìŋ yaà tùàŋ sùà wo Onisimɔ̀ŋ ko nɛ̀ɛ̀ŋ muìŋ, kɛɛ ke jìì mànaŋ miɛ̀ŋ yàaùŋ maŋjɛ̀wɛ.