Fèle 4:9 - WƆŊ FƐ̀Ì EBÒ SÌÀŊ DAYÀA

⁹ Nàŋ nyìmàŋ e nɛ̀ɛŋ mìŋ naiŋ wa kaà lɛ, yèè nàŋ nyìmàŋ e nɛ̀ɛŋ nìŋ naŋ kòmò mìŋ naŋ woò yèè nìŋ naŋ yɛmɛ̀ mìŋ naŋ nyɛ̀nɛ̀ŋ lɛ. Weètii, deìŋ e tɔ̀ɔ̀màŋsèì ke kpèè siaŋ miɛ̀ŋ maŋjɛ̀wɛ̀. Kpeiŋ wo Dayà, wo yèɔ kiɛ̀ŋ ke jii fàa wɔ̀, doiŋ nàŋ nɔ̀ŋ maŋjɛ̀wɛ.

Fèle 4:9 ပူးပေါင်းရင်းမြစ်များ

Maafiù 1:23

Wò naŋ woò wààŋ, “Wo jɔ̀ùŋ jɔ̀à bɛ̀ɛ̀ do nàŋ nɔ̀ŋ le sùà yèè wò do nàŋ kòmò wo jɔ̀àfelaa, yèè àŋ douŋ nàŋ jàà e dèèɛ Ìmaanuɛ̀.” (E fàsàì e dèèɛ Ìmaanuɛ̀ nàŋ yaà kɛ̀, “Wo Dayà yaà wì e tɛɛ.”)

Maafiù 28:20

e kìlà niŋ kaà nyiŋ wèè aŋ jɔɔlɔ̀ e yèɛ gbiŋ mìŋ naiŋ kaà lɛ dìì. Yèè mìŋ doiŋ nàŋ nɔ̀ŋ maŋjɛ̀wɛ e teenga gbiŋ, e jèesùà e hàì ko dìà e ɗuunyaàŋ.”

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Luù 6:46

“Wèè kiìŋ nìŋ nyààìm ‘Kanaà, Kanaà,’ kɛɛ niŋ fè nyɛ̀nɛ̀ŋ è yèɛ mìŋ woàìŋ lɛ?

Luù 8:21

Wo Jisɛ̀ naŋ nyiŋ woò wààŋ, “Wo yèye miɔ̀ŋ yaà aŋ wùìyaim nyàŋ nàŋ yaà anyùùŋ nyaŋ komò ke mìè gbìàŋ Dayàa yèè aŋ nyiŋ jɔ̀ɔ̀lɔ̀ dìì nyaŋ.”

Jɔ̀ɔŋ 13:17

Nàŋ naàŋ nyìmàŋ e tɔ̀ɔ̀nyaàŋ lɛɛ̀, wo Dayà doiŋ nàŋ gbìɛ̀ŋ e zòòlo maŋjɛ̀wɛ sèè nìŋ nyɛ̀nɛ̀ŋ nìŋ.

Jɔ̀ɔŋ 15:14

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ nìŋ do nàŋ jèè e mɔ̀ɔ̀nɔŋ mɛ̀ sùà.

Jɔ̀ɔŋ 2:5

Yèè wo nààŋ Jisɛ̀ɔ Mèèle naŋ wòò nyùùŋ nyaŋ yaà wa gòònò maŋ tala muaŋ màŋ nyaŋ wààŋ, “Nyɛ̀nɛìŋ e yèɛ gbiŋ wo jɔ̀àfelaa miɔ̀ŋ doiŋ nàŋ woò wèè naŋ nyɛ̀nɛ̀ŋ lɛ.”

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”

Luùm 15:33

Tɔɔɓaa mìŋ zoolà Dayà, wo yèɔ kiɛ̀ŋ ke jii fàa wɔ̀, wèè wo nɔ̀ŋ nyɛ̀iŋ gbiŋ maŋjɛ̀wɛ. Àmiinàŋ.

Luùm 16:20

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

1 Kɔliìŋ 4:16

E wèètii mìŋ yààìŋ dàwe sùà wèè naŋ dè e tɔ̀ɔ̀màŋseì mɛ̀ maŋjɛ̀wɛ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Fèle 3:17

Nyɛ̀iŋ nààŋ wùìyaim nyàŋ, mìŋ manaŋ naŋ dè e tɔ̀ɔ̀màŋseì mɛ̀ maŋjɛ̀wɛ maŋ nyiiŋ gèeiŋ màŋ sùà. Deìŋ e tɔ̀ɔ̀màŋsèì anyùùŋ nyaŋ naŋ wa nyɛ̀nɛ̀ŋ maŋ kèì tɔ̀ɔ̀nyaàŋ maŋ è naiŋ wa jàà e ɓula e weèiŋ lɛ̀.

Fèle 4:7

Kpeiŋ nààŋ nìŋ yaà aŋ bàiŋbà wo Jisɛ̀ Kulaì sùà lɛ, wo Dayà doiŋ nàŋ kpuumò yèè woiŋ kìɛ̀ŋ jii fàa, ke yèɛ wo nyùùŋ gbiŋ fè ɓɛ̀nɛ̀ŋ nyìmaŋ lɛ̀. Yèè wo Dayà do nàŋ nyɛ̀nɛ̀ŋ maŋ jii wi màŋ maŋ jɛi.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

2Tɛsè 3:4

Wo Kanaà naŋ nyɛ̀nɛ̀ŋ è naiŋ kùwìè ke jii tùlia sùà yèè è naŋ haawè kɛ̀ nìŋ yaà nyinie, yèè nìŋ do nàŋ nɔ̀ŋ nyìnìè e yèɛ è naiŋ woò lɛ.

2Time 4:22

Wo Kanaà Jisɛ̀ yɛmɛ̀um diɛŋ. Tɔ̀ e tɛ̀ɛ̀tɛ̀ɛ̀ Dayàa nɔ̀ŋ nyɛ̀ìŋ gbiŋ maŋjɛ̀wɛ.

Jìiiŋ 1:22

Ɓɔ̀ nìŋ kòmaŋ nɔŋ kè miè gbìaàŋ nìŋ do kuii dìà, kɛɛ nyɛ̀nɛìŋ e nɛ̀ɛŋ ke miè gbìaàŋ naŋ woò lɛ.

2Pììlɛ 1:10

E wèètii nyɛ̀iŋ nààŋ wùìyaim nyàŋ, fɛ̀ɛìŋ niŋ ɓemè e nyàànè Dayàa wò naiŋ nyààŋ yèè wò naiŋ tàeɗùù wèè naŋ nɔ̀ŋ e kèì jiiuŋ nɛ̀, e keì e yèɛ fèiŋ yèwà jii lɛ̀. Sèè nìŋ nɔ̀ŋ yɛi nyinie, niŋ naàŋ duonò wèè naŋ gììyà è hààweiŋ nɛ̀ kɛ̀ɛ.

1Jɔ̀ɔŋ 3:22

Wò do wi nàŋ kìɛ̀ŋ e yèɛ gbiŋ è hùmoùŋ lɛ, e fèfoo è jɔɔlɔ̀ maŋ sàwàuŋ màŋ dìì yèè è nyɛnɛŋ e yèɛ fɔɔyɛ̀ wuŋ ke jii lɛ̀.