Fèle 4:6 - WƆŊ FƐ̀Ì EBÒ SÌÀŊ DAYÀA

⁶ Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

Fèle 4:6 ပူးပေါင်းရင်းမြစ်များ

Maafiù 10:19

Sèè anyùùŋ kùwòìŋ e kìlà aiŋ hìàŋ ke sàwàa fɛɛ̀feìŋ wèè aiŋ gbaì, ɓɔ̀ nìŋ sɛɛ̀ jii wèè e nɛ̀ɛŋ nìŋ do nàŋ woò lɛ, ɔ̀ɔ̀ dièsɔa nìŋ do niŋ nàŋ woò. Wo Jìnàŋ Nɛɛmaàŋ doiŋ nàŋ kìɛ̀ŋ mìè gbòa màŋ wèè e yèɛ nìŋ do nàŋ woò lɛ.

Maafiù 13:22

Aŋ bà nyiŋ zà yaà mààŋ manɛ̀ŋ koei màŋ naŋ sɔ̀ɔ̀ maŋ dɛiŋ màŋ sùà lɛ, nyɛɛ̀ŋ nàŋ yaà aŋ yè nyaŋ àŋ komo ke mìè Dayàa. Kɛɛ maŋ haamiŋ màŋ wɔŋ nyiiŋ gèe wɛɛ̀ŋ sùà, yaà manɛ̀ŋ maŋ zuwà nyùùŋ e nyaàiŋ dè e kèì maŋ bàne màŋ, e kpùlìà e wànàŋ manɛ̀ŋ gɛ̀wɛɛ̀ maŋ gbiŋ nɔ̀ŋ maŋ jii nyiŋ màŋ diɛŋ, mɛɛ̀ŋ nàŋ deka dèkà ke mìè Dayàa ke fè kà màŋ jii nyiŋ màŋ sùà, kpeiŋ aŋ fè kà feìŋ è kèè Dayàa sùà nàaŋ ɔ̀ɔ̀ julɔfɔ.

Maafiù 6:34

Weètii ɓɔ̀ mùŋ gongò wèè nàwèè. Nàwèè kuwa maŋ gòngò kiìŋ bi. Gòngò sèè nàwèè hnàŋ.

Maafiù 6:8

Ɓɔ̀ mùŋ fɔɔnɔ̀ŋ nyiŋ. Wo Dèda mɔɔ̀ŋ wò nyìmàŋ kɛ̀ kiɛ̀ŋ mùŋ manaŋ paŋgàà mùŋ nauŋ dawè.

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Luù 12:22

Kpeiŋ wo Jisɛ̀ naŋ wòò anyùùŋ màŋjɛ̀wɛ̀ nyaŋ wààŋ, “Weètii tɔ̀ miŋ woòiŋ tɛɛ̀, ɓɔ̀ nìŋ gongò è kèè è nɛ̀ŋjeɛ̀ nìŋ do nàŋ jè lɛ wèè naŋ nɔ̀ŋ wɔ̀ŋ nyiiŋ gèeɔ̀, ɔ̀ɔ̀ kiìŋ màŋ dèè nìŋ do nàŋ gɔ̀àì maŋ kpùnaiŋ màŋ.

Luù 12:29

“Weètii ɓɔ̀ nìŋ gongò è teenga gbiŋ wèè è nɛ̀ɛŋ nìŋ do nàŋ jè ɔ̀ɔ̀ nìŋ do nàŋ tìè lɛ.

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Luù 18:7

Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ?

1 Kɔliìŋ 7:21

Mùŋ yaà wa wo ɗo e teengaà wo Dayà naum nyààŋ lɛ? Dàngè tii, kɛɛ sèè mùŋ kuwìà e ɗewe bà wèè aum dangè maŋ ka, tòòmoò niŋ muŋ ka.

1 Kɔliìŋ 7:32

Mìŋ manaŋ wèè nyɛ̀iŋ nààŋ gbiŋ maŋ jiiiŋ màŋ ɓɔ̀ màŋ sɛɛɛ̀. Wo felaa gò kùwìè jɔunɔ̀ɔŋ wò yaà maŋ hòwò wèè e tòmò Kanaà, esaɓù kɛ̀ wò yaà fɛ̀ɛ sùà wèè wo nyɛ̀nɛ̀ŋ wo Kanaà ke jiiuŋ nɛɛ̀ŋ ke fà.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

1Time 2:1

E jiɛ̀jiɛ̀ nàŋ yaà, mìŋ yààìŋ dàwe sùà wèè naŋ zoolò wèè anyùùŋ nyaŋ gbiŋ. Dàweìŋ Dayà, yèè niŋ kiɛ̀ŋ ke sɛ̀ gèe wèè anyùùŋ Dayà nyaŋ gbiŋ.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

1Pììlɛ 5:7

Jùùya nìuŋ maŋ haamiiŋ màŋ gbiŋ esaɓù kɛ̀ wò naŋ kpɛɛ̀ŋ weèiŋ.