Fèle 4:18 - WƆŊ FƐ̀Ì EBÒ SÌÀŊ DAYÀA

¹⁸ Wɔŋ fɛ̀ì ke sɛ̀ gèe miɔ̀ŋ wɛɛ̀ŋ, wèè manɛ̀ŋ maŋ gbiŋ nìŋ naim kiɛ̀ŋ maŋ, yèè manɛ̀ŋ bi naŋ gàŋ zimgbe. Ke jii miɛ̀ŋ naŋ fɔ̀ wèè manɛ̀ŋ maŋ gbiŋ nìŋ naŋ kìɛ̀ŋ wo Ɛ̀pàfoditɔ̀ wèè woim hiàŋ maŋ. Manɛ̀ŋ kìɛŋ mɛɛ̀ŋ, màŋ yaà mààŋ manɛ̀ŋ kɛnɛ àŋ naŋ gììyè saaà koɓɛ̀ Dayài.

Fèle 4:18 ပူးပေါင်းရင်းမြစ်များ

Nyɛ̀nɛ̀ŋ 10:4

E jùùɛ naŋ wa nyɛ̀nɛ̀ŋ wo Kɔ̀nilìɔ̀ yèè wò naŋ yɛ̀mɛ̀ wo màikàa sɛiiŋ yèè wò nauŋ woò wààŋ, “Kiìŋ nàŋ yaà e fàsàì tɛɛ̀, Dàa?” Wo màikàa nauŋ fasàì wààŋ, “Wo Dayà jàà e zòòlo mɔ̀ɛ̀ yèè manɛ̀ŋ kìɛum màŋ kùàŋ dìì koɓɛ̀ anyuùŋ pɔ̀ɔ nyàŋ, yèè wò naàŋ wèè woum fasàì.

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

2 Kɔliìŋ 11:8

E teengaà mìŋ yààìŋ tòòmò e tɛɛiŋ lɛ̀, ke gbòò anyuùŋ hààwe nyàŋ nàŋ paawàìm wa. È yaà mààŋ mìŋ he nyiŋ wa wùà ke gbòò anyuùŋ hààwe joo sìwè, esaɓù kɛ̀ mìŋ he nyiŋ wa gè e nɛɛnɛŋ sìwè wèè kaiŋ kpuumàŋ.

2 Kɔliìŋ 9:12

E ɗeweɛ̀ nìŋ yaà ko nyìnìè e tòmo lɛɛ̀ e tòmò Dayàa sùà lɛ, e fè nɔŋ kɛ̀ nìŋ yaà yɛ̀ɛ̀mɛ̀ è kèè màŋ kpɛ̀ɛ̀ŋ kɔ̀ɔ̀ ànyùùŋ nɛɛmaŋ nyàŋ dììò sùà, kɛɛ è yaà hìàŋ sùà maŋ sɛ̀ gèe zimgbe koɓɛ̀ Dayài.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Fèle 4:12

Kà nyìmàŋ kɛ̀ kiìŋ è naŋ tɔɔ̀ wèè maŋ nɔ̀ŋ wo nyuùŋ pɔ̀ɔ, ɔ̀ɔ̀ wèè maŋ kɛ̀ɛ̀nɛ̀ŋ e zimgbe niŋ. Yèè kà gbeè, e kìlà kà nyìmàŋ ke gbùnuɛ̀ wèè maŋ keì mɛɛ̀ŋ gbiŋ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.