Fèle 4:11 - WƆŊ FƐ̀Ì EBÒ SÌÀŊ DAYÀA

¹¹ Ɓɔ̀ nìŋ gongò kɛ̀ ke jii gòim fà wèè mànɛ̀ŋ maŋ mìŋ kuwa màŋ. Mìŋ naŋ kɔ̀ e gɔ̀ɔ̀yɛ dìì wèè ka kɛ̀ɛ̀nɛ̀ŋ ke jii fàa wèè e yèɛ mìŋ kuwa lɛ̀.

Fèle 4:11 ပူးပေါင်းရင်းမြစ်များ

Luù 3:14

Aŋ kààlòòɗùà nyaŋ bà nyiŋ nauŋ dawè nyààŋ, “Yàwi pɛɛ zà, kiìŋ è kuwa wèè eiŋ nyɛ̀nɛ̀ŋ?” Wo Jɔ̀ɔŋ naŋ nyiŋ woò wààŋ, “Ɓɔ̀ nìŋ gè wò nyùùŋ gbiŋ è nɛɛnɛŋ sìwè màŋ gàangàaŋ ɔ̀ɔ̀ ɓɔ̀ nìŋ gbùwà wò nyùùŋ gbiŋ è keì ɓòù è ɗì. Ke jii fàiŋ wèè e yèɛ àŋ paawàìŋ lɛ.”

2 Kɔliìŋ 11:27

Mìŋ naŋ tomo yèè mìŋ naŋ fɛ̀ɛ̀, mìŋ naŋ kpèèwù maŋ jàwè. E jìè naim nyɛ̀nɛ̀ŋ yaà ke jòòmàì, e teenga zimgbe mìŋ kuwo ke tɔùŋ, è nɛ̀ŋje teenga fè, ko hàwe fè ɔ̀ɔ̀ maŋ dèè maŋ fè.

2 Kɔliìŋ 6:10

Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

2 Kɔliìŋ 9:8

Wo Dayà wòum ɓɛ̀nɛ̀ŋ kìɛ̀ŋ e nìàŋ e yèɛ mùŋ naŋ kpɛɛ̀ŋ weè niŋ zimgbe lɛ̀, e wèè kɛ̀ e teenga gbiŋ muŋ kɛɛnɛ̀ŋ e keì sìàaŋ mùŋ naŋ kpɛɛ̀ŋ weè niŋ lɛ̀ wèè muàŋ bi, e kìlà màŋ ɓɛ̀nɛ̀ŋ kpùùmàŋ anyùuŋ bà.

Fèle 3:8

E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.