Fèle 3:8 - WƆŊ FƐ̀Ì EBÒ SÌÀŊ DAYÀA

⁸ E fè nɔŋ mànɛ̀ŋ miiŋ. Mìŋ naŋ ɓèmè manɛ̀ŋ maŋ gbiŋ maŋ nɔ̀ŋ manɛ̀ŋ foo wèè esàɓù e yèɛ kuwa e sɛmɛmaŋ gbee lɛ̀, e jiikɛ̀ɛɛ̀ e nyaàiŋ dè wo Kana miɔ̀ŋ Jisɛ̀ Kulaì. Wèè e saɓùuŋ nɛ̀ mìŋ gò manɛ̀ŋ maŋ gbiŋ. Mìŋ naŋ miŋ ɓemè wèè maŋ nɔ̀ŋ maŋ dɛɛ, wèè kɛ̀ mìŋ naŋ ɓɛ̀nɛ̀ŋ kɛ̀ɛ̀nɛ̀ŋ wo Jisɛ̀ Kulaì wo nɔ̀ŋ e sɛmɛmaŋ mɛ̀,

Fèle 3:8 ပူးပေါင်းရင်းမြစ်များ

Luù 1:43

Wèè kiìŋ wo yèyè Kana miɔ̀ŋ naŋ ɓɛ̀nɛ̀ŋ hnàŋ ko nɛ̀ɛ̀ŋ miìŋ wèè woim jaamè?

Luù 11:20

Kɛɛ sèè mààŋ è gààŋ Dayàa sùà le kɛ̀ mìŋ gè aŋ jinàŋ naanààŋ anyùùŋ maŋjɛ̀wɛ, tɛɛ̀ è tɔɔ̀ kɛ̀ e Kànà Dayàa è naàŋ hnàŋ ko nɛ̀ɛ̀iŋ niìŋ tɛ.

Jɔ̀ɔŋ 14:20

Sèè e teenga lii hnàŋ wa nàwèè yèè ka kɛ̀ɛ̀ wɔŋ nyiiŋ gèeɔ̀ sùà, nìŋ do nàŋ nyìmè kɛ̀ kòò mìŋ yaà wo Dèda miɔ̀ŋ ko sùà yèè kɛ̀ nyɛ̀iŋ pɛɛ nìŋ yààìm ko sùà, màànààŋ nɔŋ mìŋ yààìŋ ko sùà lɛ.

Jɔ̀ɔŋ 14:7

Yèè sèè mààŋ tɔɔɓaa nàim nyìmàŋ, kɛ̀ nàŋ nyìmàŋ wo Dèda miɔ̀ŋ wuŋ pɛɛ. Kpeiŋ sèè è nɔ̀ŋ yɛi, kɛ̀ nàuŋ naàŋ nyìmàŋ, yèè nàuŋ yɛmɛ̀.”

Jɔ̀ɔŋ 16:3

Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 20:13

Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?” Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Luùm 8:18

Mìŋ naŋ haawè kɛ̀ e mɔ̀ɔ̀nɛɛ̀ŋ è yààìŋ naàŋ kɔ̀ɔ̀yɛ̀ dìì e teenga lɛɛ̀ sùà lɛ, e fè niŋ ɓɛ̀nɛ̀ŋ gbɛ̀ɛ̀nɛ̀ŋ è jòòwoɛ̀ wò Dayà do wi nàŋ tɔɔ̀ lɛ.

Luùm 8:39

Manɛ̀ŋ gààŋ maŋ ko fùùiŋ ɔ̀ɔ̀ ko dìlìi, manɛ̀ŋ bàne màŋ gbiŋ e ɗuunyaàŋ fè wi ɓɛ̀nɛ̀ŋ gè è mànàŋ Dayàa sùà è yèɛ yaà weè wi wo Kana wiɔ̀ Jisɛ̀ Kulaì sùà lɛ.

1 Kɔliìŋ 2:2

E teengaà mìŋ yaà ko nɛ̀ɛ̀iŋ niìŋ lɛ, mìŋ naŋ wa ɗewè wèè ka nyɛɛnɛ̀ŋ wèè e keì gbiŋ sɔɔ̀ nɔŋ e kèè Jisɛ̀ Kulaì, kai kai ngèè e kèè e jìwauŋ nɛ̀ wɔŋ vànèkpaàa diɛŋ.

1 Kɔliìŋ 9:10

Tɔɔɓaa wo gò wa gbòà weè wi? Nààŋ wò naŋ woò kɛ̀, jòòpɛɛ tii yaà wa sìnga niŋ weè yàwi. Kɛ̀ wo nyuùŋ nyùàŋ maŋ nɛ̀ŋjeɔ̀ yèè wo nyuùŋ kpàà maŋ nɛ̀ŋjeɔ̀ wò kuwa wo nyɛ̀nɛ̀ŋ e tòmouŋ nɛ̀ ke jii tùlia sùà kɛ̀ àŋ douŋ nàŋ kìɛ̀ŋ maŋ nɛ̀ŋje bi bà.

2 Kɔliìŋ 4:4

E wèè wɔŋ fàà anyuùŋ gò kɛ̀ɛ̀nɛ̀ŋ è hààwe nyàŋ, wo dàyà ɗuunyaŋ lɛɛ̀ naŋ nyiŋ dììyè le fɛ̀ɛ̀ wèè ɓɔ̀ àŋ yɛmɛ̀ è gbolòùŋ nɛ yewe kè mìè gbìàŋ Èbò Siaàŋ sùà e nyaàiŋ dè e jòòwò Jisɛ̀ Kulaìɛ, wo yèɔ naŋ tèènè Dayà wɔ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Ɛfesɔ̀ 4:13

Yèè e wèètii, yàwi nààŋ gbiŋ doiŋ nàŋ hnè ɓɛ̀ guùŋ, koɓɛ̀ e mìèsùàguùŋ nɛ e hààwe wilɛ̀ sùà, yèè e jiikɛ̀ɛ wilɛ̀ sùà nyaàiŋ dè wo Jɔ̀àfèlàà Dayàa, è doiŋ nàŋ nɔ̀ŋ anyuùŋ kàmaiŋ màànààŋ nɔŋ wo Jisɛ̀ Kulaì yaà lɛ, yèè è doiŋ nàŋ nɔ̀ŋ mààŋ wuŋ bi.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Fèle 3:10

E yèɛ gbiŋ mìŋ manaŋ lɛ̀ nàŋ yaà, wèè ka nyìmàŋ wo Jisɛ̀ Kulaì, yèè e gààaŋ nauŋ gè e fàaà dìì wɔŋ nyiiŋ gèe sùà lɛ. Mìŋ manaŋ ka nɔ̀ŋ wo bàimbà wèè e keì nyìngaà wò naŋ kùwò, yèè e fàa wò naŋ kɔ̀ dìì lɛ,

Fèle 3:12

Miŋ gò woò mìàŋ kà naàŋ kpɛ̀ɛ̀yɛ̀ nyɛ̀nɛ̀ŋ è yèɛ mìŋ manàŋ kà nyɛ̀nɛ̀ŋ lɛ ɔ̀ɔ̀ wèè ka nɔ̀ŋ wò nyuùŋ zɛ̀nɛŋ. Kòò mìŋ yaà kààmè ɗewe wèè ka ɓùlà e kìlà ka yɛ̀mɛ̀ e jìwààjɛ̀wɛ̀ɛ e nyaàiŋ dè e yèɛ wo Jisɛ̀ Kulaì naŋ ɓùlò nààŋ wò naim hìɛ̀ŋ koɓɛ̀ wuŋ biì lɛ.

Fèle 3:7

Kɛɛ maŋ keì miiŋ maŋ gbiŋ mìŋ naŋ weè ɓɛ̀nɛ̀ŋ kpɛ̀nɛŋ wèè maŋ nɔ̀ŋ maŋ kɛnɛ ko nɛ̀ɛ̀ŋ miìŋ maŋ, mìŋ naŋ miŋ ɓemè wèè maŋ nɔ̀ŋ maŋ keì kpàna e nyaàiŋ dè wo Jisɛ̀ Kulaì.

2Time 4:6

E weè miàŋ, e teengaà è haì wèè aim gììyà saaà. E teengaà è naàŋ haì wèè ka jòà ɗuunyaŋ.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

1Pììlɛ 2:7

E sɛmɛmaàŋ yaà ke dùò bi sùà lɛ è naŋ dɛɛ̀ wèè nyɛ̀iŋ nyàŋ nìŋ nauŋ hààwè sùà nyaŋ, kɛɛ wèè anyùùŋ nyaŋ aŋ yè nyaŋ kuwà hààwe nyàŋ, “Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.”

2Pììlɛ 1:2

Tɔ̀ wo Dayà yèè wo Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa dìà sùà esaɓù kɛ̀ nàŋ nyìmàŋ wo Dayà yèè Jisɛ̀ Kulaì wo Kana wiɔ̀.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

2Pììlɛ 1:8

Maŋ keì mààŋ mɛɛ̀ŋ nìŋ kuwa naŋ nyɛ̀nɛ̀ŋ, sèè nìŋ nyɛ̀nɛ̀ŋ miìŋ yèè nìŋ nyɛ̀nɛ̀ŋ miìŋ zimgbe zimgbe, è do nàŋ nyɛ̀nɛ̀ŋ naŋ nɔ̀ŋ kpala kpala, niŋ naàŋ nɔ̀ŋ ànyuùŋ jɛ̀kɛ e nyaàiŋ dè e jiikɛ̀ɛɛ̀ nìŋ kuwa wèè wo Kana wiɔ̀ Jisɛ̀ Kulaì lɛ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

1Jɔ̀ɔŋ 2:19

Anyùùŋ nyɛɛ̀ŋ naŋ fòlò ke gbòò Dayà zòòlo wiɛ̀ sùà, kɛɛ tɔɔɓaa aŋ fè wa àŋ bàwibà. Yèè esaɓùɛ lii àŋ naŋ wi wa kɛ̀ɛ̀ maŋjɛ̀wɛ. Kɛɛ sèè aŋ wa weè nɔ̀ŋ aŋ bàwibà ke gbòò zòòloɛ̀ sùà, àŋ he wi wa weè nàŋ jèè maŋjɛ̀wɛ. Kɛɛ àŋ naŋ wi wa dangè, tii naŋ wa tɔɔ̀ janjai kɛ̀ aŋ fè àŋ bàwibà.

1Jɔ̀ɔŋ 5:20

Yèè èiŋ nyìmàŋ kɛ̀ wo Jɔ̀àfèlàà Dayàa naŋ hnè yèè wò naŋ wi fè jiikɛ̀ɛ, wèè eiŋ nyìmàŋ wo Dàyà tɔ̀ɔ̀nyaàaŋ. È yààìŋ anyùùŋ guùŋ wo Dayàa tɔ̀ɔ̀nyaàaŋ sùà, yèè anyùùŋ guùŋ wo Jɔ̀àfelaauŋ nɔɔ̀ŋ Jisɛ̀ Kulaì sùà. Wuŋ nàŋ yaà wo Dàyà tɔ̀ɔ̀nyaàaŋ, yèè wuŋ nàŋ yaà wɔŋ nyiiŋ gèe gò jùàa.