Fèle 3:7 - WƆŊ FƐ̀Ì EBÒ SÌÀŊ DAYÀA

⁷ Kɛɛ maŋ keì miiŋ maŋ gbiŋ mìŋ naŋ weè ɓɛ̀nɛ̀ŋ kpɛ̀nɛŋ wèè maŋ nɔ̀ŋ maŋ kɛnɛ ko nɛ̀ɛ̀ŋ miìŋ maŋ, mìŋ naŋ miŋ ɓemè wèè maŋ nɔ̀ŋ maŋ keì kpàna e nyaàiŋ dè wo Jisɛ̀ Kulaì.

Fèle 3:7 ပူးပေါင်းရင်းမြစ်များ

Maafiù 16:26

Kiìŋ è do nàŋ nàfà wo nyùùŋ sèè wo kɛ̀ɛ̀nɛ̀ŋ e bànè ɗuunyaàŋ gbiŋ, kpeiŋ wo gò wɔŋ nyììŋ jinàuŋ nɔɔ̀ŋ? Muŋ kuwà è nɛ̀ŋ gbiŋ maŋ kiɛ̀ŋ wèè maŋ ɓɛìŋ yɛ̀mɛ̀ wɔ̀ŋ nyiiŋ mɔɔ̀ŋ.

Luù 14:26

“Anyùùŋ nyaŋ hnàŋ ko nɛ̀ɛ̀ŋ miìŋ nyaŋ, aŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im sɔɔ̀ nɔŋ aim mànàŋ e nìàŋ aŋ dèda yèè aŋ yèye nyiŋ nyàŋ, aŋ jàwè yèè aŋ jɔ̀à nyiŋ nyàŋ, e kpùlìà aŋ wùìyà yèè aŋ jaa nyiŋ nyàŋ. E kìlà sɔɔ̀ aim mànàŋ e nìàŋ maŋ nyiiŋ nyiŋ màŋ.

Luù 14:33

Ko dìèmè e gbòauŋ nɛ̀, wo Jisɛ̀ naŋ woò wààŋ, “Weètii, nyɛ̀iŋ nyɛɛ̀ŋ bà gbiŋ fè ɓɛ̀nɛ̀ŋ nɔ̀ŋ wò nyùùŋ màŋjɛ̀wɛ̀im, sɔɔ̀ maŋ gè manɛ̀ŋ siwèum màŋ gbiŋ kùàŋ.”

Luù 16:8

Wèè esaɓù lɛɛ̀, wo kààmɔ̀ɔ̀ŋ wo ɓɔ̀ìjɔ̀à kàaɓì yɛ̀mɛ̀ manɛ̀ŋ diɛɔ̀ŋ nauŋ tɛnɛ̀ŋ wèè e jiikɛ̀ɛ wò naŋ nyɛ̀nɛ̀ŋ wèè wuŋ bi lɛ̀. Yɛi nɔŋ anyùùŋ kàaɓì nyaŋ e ɗuunyaŋ lɛɛ̀ àŋ yaà. Àŋ kuwa e jiikɛ̀ɛ zimgbe manɛ̀ŋ nyɛ̀nɛŋ nyiŋ màŋ sùà e nìàŋ anyùùŋ tɔ̀ɔ̀nyaàŋ nyaŋ.”

Nyɛ̀nɛ̀ŋ 27:38

Nààŋ aŋ gbiŋ naŋ naàŋ kpɛ̀ɛ̀yɛ̀ e nɛ̀ŋje jèe yèè àŋ naŋ diè, àŋ naŋ gbìɛ̀ŋ maŋ kpàli ɓɔ̀ɔ màŋ wɔŋ juwoɔ̀ sùà wèè aŋ nyɛ̀nɛ̀ŋ wɔŋ meeèɔ nɔ̀ŋ vòngòo.

Hiɓu 11:26

Wo Mòòze wa nyìmàŋ kɛ̀ wèè maŋ kà e keì nyìnga dìì wèè wo nyùnɔ̀ɔŋ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, è kuwa e nàfa e nìàŋ sùlò bàneɛ̀ ko Ijè, esaɓù kɛ̀ wò yaà wa yɛ̀ɛ̀mɛ̀ dòmaŋ wèè e jìwààjɛ̀wɛ̀ ko dòmàŋfeìŋ nɛ.