Fèle 3:20 - WƆŊ FƐ̀Ì EBÒ SÌÀŊ DAYÀA

²⁰ Kɛɛ yàwi, è yààìŋ anyùùŋ ko àìjɛnɛ̀ŋ, yèè è fòlòìŋ wo Nyuùŋ Jòèye wiɔ̀, wo Kanaà Jisɛ̀ Kulaì, e wànàŋ gbee sùà wèè wo hnàŋ e yìwìà ko àìjɛnɛ̀ŋ.

Fèle 3:20 ပူးပေါင်းရင်းမြစ်များ

Maafiù 19:21

Wo Jisɛ̀ nauŋ woò wààŋ, “Sèè mùŋ mɔnɔŋ wèè maŋ nɔ̀ŋ wo nyùùŋ tɔ̀ɔ̀nyaàŋ, kɔ̀à mààŋ manɛ̀ŋ siwèum màŋ gbiŋ muŋ kiɛ̀ŋ e nɛɛnɛɛ̀ŋ anyuùŋ pɔ̀ɔ nyàŋ, kɛ̀ màŋ kɛ̀ɛ̀nɛ̀ŋ e sùlò ko àìjɛnɛ̀ŋ. Kpeiŋ muŋ hnàŋ muŋ dèim maŋjɛ̀wɛ.”

Luù 12:21

Wo Jisɛ̀ naŋ jìwè nyààŋ wò naŋ woò wààŋ, “Yɛi è do nàŋ nɔ̀ŋ wèè anyùùŋ nyaŋ naŋ gbònò e bàne wèè nyiŋ bi nyàŋ, kɛɛ aŋ gò banè wò Dayà fɛɛ̀feìŋ.”

Luù 14:14

Wo Dayà doum nàŋ kpuumò, esaɓù kɛ̀ anyùùŋ nyiiŋ fòum ɓɛ̀nɛ̀ŋ pààwa. Wo Dayà doum nàŋ paawà ke ɗɔɔɛ̀ anyùùŋ tɔ̀ɔ̀nyaàŋ nyaŋ yewe wa nàwèè e fàaà dìì lɛ.”

Nyɛ̀nɛ̀ŋ 1:11

Aŋ felaa nyàŋ naŋ nyiŋ dawè nyààŋ, “Nyùnòò fùɔ̀ŋ Galaliì nyɛɛ̀ŋ, wèè kiìŋ nìŋ sia kià nìŋ yaà yɛ̀ɛ̀mɛ̀ ke nyiliɛ̀? Wo Kanaà Jisɛ̀ wɛɛ̀ wo Dayà naiŋ yaà gè sìwè wò naŋ kɔ̀ ko àìjɛnɛ̀ŋ wɔ, do ɓɛìŋ nàŋ kɛɛ̀ e ɗèwè guùŋ nɛ sùà màànààŋ nɔŋ nìŋ nauŋ yɛmɛ̀ wò naŋ jòwò ko àìjɛnɛ̀ŋ lɛ.”

1 Kɔliìŋ 1:7

yèè esàɓù tɛɛ̀, kòò nìŋ ɓà è kìɛɛ̀ŋ bà guùŋ pɛɛ, nààŋ nìŋ yaà fùlìè wo kààmɔɔɔ̀ŋ Jisɛ̀ Kulaì wèè wo hnàŋ lɛ.

1 Kɔliìŋ 15:48

Aŋ yè nyaŋ yaà wèè e dììɛ nyàŋ, àŋ yaà mààŋ aŋ yè nyaŋ naŋ fòlò e dììɛ sùà nyaŋ, aŋ yè nyaŋ yaà wèè ko àìjɛnɛ̀ŋ nyaŋ, àŋ yaà mààŋ aŋ yè nyaŋ naŋ fòlò ko àìjɛnɛ̀ŋ nyaŋ.

2 Kɔliìŋ 4:18

E gòiŋ jàà fɛ̀ɛ̀ dìì wèè mànɛ̀ŋ maŋ è yɛmɛ̀ìŋ maŋ, sɔɔ̀ maŋ yè maŋ e fèiŋ yɛmɛ̀ maŋ. Manɛ̀ŋ maŋ àŋ yɛmɛ̀ maŋ, màŋ yaà nɔŋ wèè e teenga kpuu, kɛɛ maŋ yè maŋ aŋ fè yɛmɛ̀ maŋ, màŋ yaà wèè julɔfɔ.

2 Kɔliìŋ 5:8

È naiŋ dìè maŋ jii nyingè e jèèsùà e weè pɛɛ mànàŋ wèè eiŋ jòà maŋ gboo wi màŋ ke kpùnaàŋ sùà wèè eiŋ kà ko gbooì koɓɛ̀i wo Kanaà yaà lɛ.

Gàla 4:26

Kɛɛ wo yèye wiɔ̀ nàŋ yaà ko jàwà gbèè Jùlusɛ̀làm ko yèi yaà ko àìjɛnɛ̀iŋ lɛ̀, yèè wo fè è ɗo dìì.

Ɛfesɔ̀ 2:19

E wèètii, nyɛ̀iŋ nyàŋ niŋ fè àŋ Juùù nyaŋ, niŋ fè ɓɛìŋ ànyùùŋ fuɔŋ joo ɔ̀ɔ̀ ànyùùŋ nèè nyɛiŋ, nìŋ yaà naàŋ aŋ kɛ̀ɛ̀nɛ̀ŋ fuɔŋ nyɛ̀iŋ nààŋ nyùùŋ nɛɛmaŋ nyàŋ gbiŋ koɓɛ̀ guùŋ, yèè aŋ bàiŋbà ke kpòò Dayàa sùà.

Ɛfesɔ̀ 2:6

E nɔ̀ŋ wilɛ̀ aŋ bàwibà Jisɛ̀ Kulaìɛ sùà, wo Dayà naŋ gè wo Jisɛ̀ Kulaì e fàa dìì yàwi nààŋ Kulaì wèè eiŋ kìlìà e kana e ɗùùnyàŋ àìjɛnɛ̀ɛŋ diɛŋ.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 1:27

Eɓìèmàŋjɛ̀wɛ̀ tii gbiŋ, tɔ̀ ke nyɛ̀nɛiŋ nɛɛ̀ŋ wɔŋ nyiiŋ gèeiŋ nɔɔ̀ŋ sùà nɔ̀ŋ e ɗewe kiiɛ̀ dò naŋ hìɛ̀ŋ e ɓɛ̀ɛ̀jàa koɓɛ̀ Ebò Siaàŋ, e nyaàiŋ dè wo Jisɛ̀ Kulaì. Kpeiŋ sèè kaiŋ pɛɛ jaamè ɔ̀ɔ̀ mìŋ goiŋ pɛɛ jaamè, mìŋ do nàŋ kòmò kɛ̀ nyɛ̀iŋ gbiŋ kòò nìŋ yaà toomo ke jìì guùŋ sùà, nìŋ sia koɓɛ̀ guùŋ tiiŋ, wèè naŋ nyɛ̀nɛ̀ŋ anyuùŋ joo aŋ hààwè Ebò Siaàŋ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

1Tɛsè 4:16

Ke miè kpàaŋ tɔ̀ɔ̀ ke nyɛ̀nɛŋ nàŋ do nàŋ fòlò, yaà ke mìè wo sìèfèìŋ aŋ màikàa, yèè e gììmè e pòtànàŋ Dayàa, kɛ̀ wo Kanaà Jisɛ̀ wuŋ bi do nàŋ dèyè e yìwìà ko àìjɛnɛ̀ŋ. Anyuùŋ hààwè Jisɛ̀ Kulaì nyaŋ naŋ wa fɔ̀ nyaŋ nyiŋ jiɛ̀ nàŋ yewe e dìì,

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 12:22

Kɛɛ nàŋ hnàŋ ko Jùlusɛ̀làm ko jè àìjɛnɛ̀iŋ, yèè koɓɛ̀ wɔŋ Toò gbeeɔ̀ àŋ nyaaŋ Zanyɔ̀ŋ. Kià nàŋ yaà ko jawa gbeeì wèè wo Dayàa kiɛ̀ŋ wɔŋ nyiiŋ gèeɔ̀ wɔ, ko yèi aŋ màikà taasùùŋ jika naŋ hnè wèè aŋ gè zɔlɔ̀.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!