Fèle 3:18 - WƆŊ FƐ̀Ì EBÒ SÌÀŊ DAYÀA

¹⁸ Kàiŋ tɛɛ̀ woò e teenga zimgbe, yèè mìŋ yààìŋ niìŋ ɓɛìŋ woo e sɔ̀ngɔ̀ kà weè ɓɛ̀nɛ̀ŋ gòla. Anyuùŋ zimgbe kòò àŋ yaào aŋ yè nyaŋ esàɓù maŋ keì nyɛ̀nɛŋ nyiŋ màŋ maŋ nyiiŋ gèe nyiŋ màŋ sùà, nyɛnɛŋ aŋ kìlà aŋ joo nyiŋ e nyaàiŋ dè e fà Jisɛ̀ Kulaì lɛ wɔŋ vànèkpaa diɛŋ lɛ̀.

Fèle 3:18 ပူးပေါင်းရင်းမြစ်များ

Luù 19:41

Nààŋ wo Jisɛ̀ naŋ gbɛ̀ɛ̀ yèè wò naŋ yɛ̀mɛ̀ ko Jùlusɛ̀làm, wò naŋ gòlò.

Nyɛ̀nɛ̀ŋ 20:19

Aŋ Juùù nyaŋ zimgbe nyiŋ naŋ wa jɔ̀ maŋ gbùnu naanààŋ sùà weèim yèè àŋ naim nyɛ̀nɛ̀ŋ ka gòlà e kìlà aim jàà e keì nyìnga. Kɛɛ mìŋ naŋ tomo wèè wo Kanaà yèè mìŋ nauŋ jɔ̀ɔ̀lɔ̀ dìì.

Luùm 9:2

màànààŋ mìŋ naŋ woò lɛ miàŋ ke nyowo gbee yèè ke jii mɔ̀ɔ̀nɛŋ gò kɛ̀ɛ̀nɛ̀ŋ dìa yaà ke jii miɛ̀ŋ sùà,

1 Kɔliìŋ 1:18

Ke miè gbìaàŋ nyaàiŋ dè e fà Jisɛ̀ Kulaìɛ wɔŋ vànèkpaaà diɛŋ, è yaà e kèì ɓàaɓàa koɓɛ̀ anyùùŋ nyaŋ naŋ go nyàŋ, kɛɛ e wèè yàwi nyàŋ è naìŋ jòèyè nyaŋ, e gààŋ Dayàa le.

1 Kɔliìŋ 6:9

Tɔ̀ɔ̀nyaàŋ, nàŋ nyìmàŋ kɛ̀ anyuùŋ naanààŋ gò kùwìè è hààwe nyàŋ, è Kànà Dayàa bà gbiŋ naàŋ wa nàwèè nàŋ nɔ̀ŋ weè nyiŋ. Ɓɔ̀ nìŋ zuwò nyɛ̀iŋ bi, anyùùŋ nyaŋ gbiŋ yaà e kèì nàànààŋ hmɔŋtu sùà, ɔ̀ɔ̀ àŋ zoolà maŋ gòò, ɔ̀ɔ̀ anyuùŋ ɓèmè aŋ jàwè nyùùŋ ɔ̀ɔ̀ aŋ fàìŋ nyùùŋ, ɔ̀ɔ̀ aŋ kpàkòò tìyèe nyɛ̀nɛ̀ŋ ke yɛ̀ɛ̀, ɔ̀ɔ̀ aŋ jɔùŋ tìyèe nyɛ̀nɛ̀ŋ ke yɛ̀ɛ̀

2 Kɔliìŋ 11:13

Aŋ felaa nyiiŋ àŋ yaà aŋ kèèlà kàaɓì, àŋ yaà aŋ keela tòa, aŋ yè nyaŋ tɔɔ e nyaàiŋ dè e tòmo nyiŋ nɛ̀ yèè àŋ ɓemàŋ e kìlà àŋ tɔɔ̀ nyiŋ bi wèè aŋ nɔ̀ŋ mààŋ aŋ keela kɛnɛ wèè Jisɛ̀ Kulaì.

2 Kɔliìŋ 11:29

Sèè e zɔ̀kpɔ̀ nɔ̀ŋ nyùùŋ, kɛ̀ miàŋ pɛɛ e zɔ̀kpɔ̀ eim nɔ̀ŋ. Sèè wo nyùùŋ sɛɛ̀ maŋ jùumù sùà, ke jii miɛ̀ŋ mɔɔnɛ̀ŋ.

2 Kɔliìŋ 2:4

Mìŋ naŋ sìngìè wɔŋ fɛi wɛɛ̀ŋ e keì nyìnga gbee yèè ke jii mɔ̀ɔ̀nɛŋ keekèè yaà maŋ fɛɛ̀màì zimgbe, diɛŋ e fè kɛ̀ mìŋ manaŋ wèè ka nyɛ̀nɛ̀ŋ maŋ jiiiŋ màŋ mɔɔnɛ̀ŋ, kɛɛ è yaà wèè naŋ nyìmàŋ e ɗeweɛ̀ mìŋ manaŋ nyɛ̀iŋ nààŋ gbiŋ lɛ̀.

Gàla 1:7

Tɔɔɓaa, ebò siaŋ joo bà gbiŋ fè, kɛɛ mìŋ naŋ tɛɛ woò esaɓù nàŋ yaà kɛ̀ anyùùŋ nyaŋ bà nyiŋ yaà kààmè ɗewe wèè aŋ gɔ̀àgɔ̀à maŋ jiiŋ màŋ sùà yèè aŋ vɔ̀ɔ̀nɔ̀ŋ Ebò Sìàŋ Jisɛ̀ Kulaìɛ.

Gàla 2:14

Kɛɛ nààŋ mìŋ naŋ wa yɛmɛ̀ kɛ̀ aŋ fè kààiŋ sùà kè dòmàŋ jìlɛɛ̀ŋ è nyaàiŋ dè è tɔ̀ɔ̀nyààŋ Ebò Siaàŋ lɛ, mìŋ naŋ wa woò wo Pììlɛ ko fɛ̀ɛ̀fèìŋ anyùùŋ nyaŋ gbiŋ mìàŋ, “Mùŋ yaà wo Juùù nyuuŋ, yèè màŋ wa nɔ̀ŋ wɔŋ nyiiŋ gèe mɔɔ̀ŋ sùà mààŋ wo nyùnɔ̀ɔŋ fè wò Juùù wɔ. Kɛ̀ dièsɔa mùŋ naŋ ɓɛ̀nɛ̀ŋ hììyà anyùùŋ nyaŋ fè àŋ Juùù nyaŋ wèè aŋ nɔ̀ŋ wɔŋ nyiiŋ gèe nyiŋ nɔɔ̀ŋ sùà mààŋ aŋ Juùù nyuuŋ?”

Gàla 2:21

Mìŋ naŋ gangà wèè ka gììyà e tɛ̀ɛ̀tɛ̀ɛ̀ Dayà maŋhɛɛ. Kɛɛ sèè wo Dayà naŋ ɓɛ̀nɛ̀ŋ jàà wo nyùùŋ kùàŋ dìì wèè wo nɔ̀ŋ nyùùŋ tɔ̀ɔ̀nyaàŋ ko nɛ̀ɛ̀uŋ niìŋ e yìwìà ke Sàwàuŋ nɛɛ̀ŋ dìì, è do naŋ tɔɔ̀ kɛ̀ wo Jisɛ̀ Kulaì naŋ wa fɔ̀ e wèè foo!

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Gàla 6:12

Anyùùŋ nyaŋ yaà kààmè e ɗewe wèè aiŋ jàà kpùa maŋ kèìŋ sùà maŋ gàangàaŋ nyaŋ, nàŋ yaà aŋ yè nyàŋ tɔɔ̀ nyiìŋ bi ko ɓàì kɛ̀ àŋ yaà tɛ̀ɛ̀ nyaŋ. E gbio sùà, àŋ nyɛnɛŋ maŋ keì mɛɛ̀ŋ wèè àŋ go nàŋ sɛ̀ɛ̀ e kèì nyìngà wɔ̀ŋ vànèkpàà Jisɛ̀ Kulaìɔ sùà.

Gàla 6:14

Kɛɛ è gbio sùà, miàŋ bi, mìŋ do nɔŋ nàŋ kɛ̀ɛ̀ maŋ yòngà e nyaàiŋ dè wɔŋ vànèkpàà Kana wiɔ̀ Jisɛ̀ Kulaìɔ. Esàɓù wɔŋ vànèkpaauŋ nɔɔ̀ŋ sùà, e ɗuunyaàŋ gbiŋ naŋ fɔ̀ ko nɛ̀ɛ̀ŋ miìŋ yèè miàŋ bi pɛɛ mìŋ naŋ fɔ̀ koɓɛ̀ e ɗuunyaàŋ.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Fèle 1:4

e kìlà e teenga gbiŋ mìŋ zoolà e weèiŋ, mìŋ zoolà e zɔlɔ̀ sùà,

1Tɛsè 4:6

E keì lɛɛ̀ sùà, e fèèmàŋ felaa yaà jɔùŋ, wo bà gbiŋ ɓɔ̀ wò kaaɓì àŋ wùìya hààwè Dayà dàwiuŋ nyàŋ ɔ̀ɔ̀ wo nyiŋ nììngè fɛ̀ɛ̀. Èiŋ wa tɛɛ̀ woò gɔu, yèè è yààìŋ fè sùà e gòo nyìnga esaɓù kɛ̀ wo Kanaà Jisɛ̀ do nàŋ ngàìnɓù anyùùŋ nyaŋ nyɛnɛŋ maŋ keì miiŋ nyàŋ.

2Tɛsè 3:11

È naŋ tɛɛ̀ woò e fèfoo èiŋ kòmàŋ kɛ̀ anyuùŋ fà le kɔɔ bà kòò àŋ yààìŋ tɛɛ aŋ yè nyaŋ fè nyɛ̀nɛ̀ŋ è nɛ̀ŋ bà gbiŋ sɔɔ̀ nɔŋ maŋ kèì aŋ bà gbìàŋ nyààŋ sùà.

2Pììlɛ 2:10

kaikai ngèè aŋ yè nyaŋ dè maŋ kpèè kùwà ninaŋ màŋ yaà maŋ kpùnaŋ nyiŋ màŋ sùà maŋ maŋjɛ̀wɛ aŋ kɔ̀ɔ̀yɛ̀ e gaàŋ Dayàa fɛ̀ɛ̀ sùà. Aŋ kààmɔɔŋ tòa nyɛɛ̀ŋ naŋ nyìngè ɗì e kìlà aŋ fè dùàŋ nyùùŋ, aŋ fè kìɛ̀ŋ àŋ jinàŋ kùwìè e gààŋ tòmo nyàŋ ko àìjɛnɛ̀ŋ è ɓɛ̀ɛ̀jàa, àŋ diɛ̀ŋ nyiìŋ.

Juù 1:13

Maŋ kpèè sàngè nyiŋ màŋ tɔɔ̀ miŋ bi mààŋ e fɔ̀ù bɔ̀ìŋ juwo diɛŋ. Àŋ yaà mààŋ maŋ ɗu gò jɛ̀ì è dìì aŋ yè nyaŋ wo Dayà wa bànè ke nyiwì kpùɛ dìì ko hàa weè nyiŋ ko jàhamaŋ wèè julɔfɔ lɛ̀.