Fèle 2:9 - WƆŊ FƐ̀Ì EBÒ SÌÀŊ DAYÀA

⁹ Wèè esaɓù lɛɛ̀, wo Dayà nauŋ kìɛ̀ŋ e jòòwo gbee, yèè wò nauŋ kìɛ̀ŋ e deè gbee e yèɛ naŋ nìè e dèè ɗewe gbiŋ lɛ̀.

Fèle 2:9 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 17:11

Dèdà Nɛɛmaàŋ, miŋ fè ɓɛìŋ ànyùùŋ nyaŋ tɛɛ e ɗuunyaàŋ. Mìŋ yaà naàŋ hìnìè ko nɛ̀ɛ̀ŋ muìŋ. Kɛɛ anyùùŋ màŋjɛ̀wɛ̀im nyàŋ kòò àŋ yaà nɔŋ e ɗuunyaàŋ. Yɛ̀mɛ̀ nyiŋ diɛŋ e yìwìà e dèè e gaàŋ gbee mɔ̀ɛ̀ mùŋ naim kiɛ̀ŋ lɛ, wèè kɛ̀ aŋ gbiŋ aŋ nɔ̀ŋ anyùùŋ guùŋ, màànààŋ yàwium tìyèe è yaà anyùùŋ guùŋ lɛ.

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Jɔ̀ɔŋ 17:5

Weètii Dèda, kìɛ̀im ɓɛìŋ e dɛ̀ɛ̀kɛɛ̀ mùŋ naim wa kiɛ̀ŋ lɛ ko tɔɔtuì paŋgàà e ɗuunyaàŋ naŋ wa nɔ̀ŋ bàne niŋ nɛ̀.

Nyɛ̀nɛ̀ŋ 5:31

Wo Dayà nauŋ jàà wɔŋ kùàŋ jìkauŋ nɔɔ̀ŋ, yèè wò nauŋ nyɛ̀nɛ̀ŋ wo Kana yèè wo Nyuùŋ Jòèyeɔ̀ weè wì, wèè kɛ̀ anyùùŋ Ezɔ̀ɛ̀ nyaŋ fè maŋ tùwo naanààŋ nyiŋ màŋ jɛwɛ aŋ kìlà ko nɛ̀ɛ̀uŋ niìŋ e kìlà maŋ jùumù nyiŋ màŋ nɔ̀ŋ hakɛ̀ jùùya miŋ.

Ɛfesɔ̀ 1:10

E ɗèweɛ̀ wo Dayà do yaà nàŋ nyɛ̀nɛ̀ŋ sèè e teenga nyiŋ nɛ̀ è haì lɛ, nàŋ yaà wèè wo hìàŋ manɛ̀ŋ bàneuŋ màŋ gbiŋ koɓɛ̀ guùŋ. E nɛ̀ŋ gbiŋ naŋ nɔ̀ŋ ko àìjɛnɛ̀ŋ yaà e ɗuunyaàŋ diɛŋ, yèè wo Jisɛ̀ Kulaì nɔ̀ŋ wo ɓɛ̀èɗìɔ e weè miŋ.

Kòlo 1:18

Wuŋ nàŋ yaà wo ɓɛ̀màŋɗì ke kpùnauŋ nɛɛ̀ŋ, ke gbòò anyuùŋ hààwe nyàŋ. Wuŋ nàŋ yaà ko tɔ̀ɔ̀tù wɔŋ nyììŋ ke gbòò anyuùŋ hààwe nyàŋ. Wuŋ nàŋ yaà wo Jɔ̀àfelaa jiɛ̀jiɛ̀ɔ naŋ nɔ̀ŋ kòmauŋ wɔ̀, wo yèɔ wo Dayà naŋ wa gè e fàaà dìì wɔŋ nyiiŋ gèeɔ̀ sùà, wèè e nyɛ̀nɛ̀ŋ wuŋ guùŋ wo ɓemè ko jɛ̀i jiɛ̀jiɛ̀i manɛ̀ŋ maŋ gbiŋ diɛŋ.

2Tɛsè 1:12

E ɗewe mààŋ tɛɛ̀ sùà, e dèè Kana wiɔ̀ Jisɛ̀ Kulaì do nàŋ yɛ̀mɛ̀ e jòòwo e yìwìà nyɛ̀iŋ sìwè, yèè e yìwìà wuŋ sìwè wèè nyɛ̀iŋ esàɓù e tɛ̀ɛ̀tɛ̀ɛ̀ Dayà wiɔ̀ yèè wo Kana wiɔ̀ Jisɛ̀ Kulaì sùà.

Hiɓu 1:4

Wo Dayà naŋ dɛ̀ɛ̀kɛ̀ wo Jɔ̀àfelaauŋ nɔɔ̀ŋ e nìàŋ aŋ màikà nyaŋ gbiŋ, màànààŋ nɔŋ e dèèɛ wo Dayà nauŋ kiɛ̀ŋ lɛ è naŋ dɛɛ̀ e nìàŋ maŋ je nyiŋ dèè maŋ lɛ̀.

Hiɓu 1:9

Mùŋ manaŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè mùŋ naŋ wùɔ̀ŋ wèè maŋ yɛ̀mɛ̀ anyùùŋ aŋ nyɛ̀nɛ̀ŋ maŋ kpèè naanààŋ. Esaɓùɛ lɛɛ̀ miàim wo Dayà mɔɔ̀ŋ wo yèɔ mùŋ zoolà wɔ naum tàeɗùù, e kìlà kàum kìɛ̀ŋ ɓɛ̀ɛ̀jàa e yèɛ do nyɛ̀nɛ̀ŋ e zɔlɔ̀ zimgbe eum nɔ̀ŋ e nìàŋ e yèɛ mìŋ naŋ kìɛ̀ŋ aŋ dàwium nyàŋ lɛ.”

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

1Pììlɛ 3:22

wo yèɔ naŋ naàŋ kɔ̀ ko àìjɛnɛ̀ŋ wò jaa wɔŋ kùàŋ jìkà Dayàa, wò yaà nyìnìè maŋ tòmò gaàŋ gbeegbèè màŋ gbiŋ ko àìjɛnɛ̀ŋ e kìlà wò kuwa e gààŋ aŋ màìkà nyaŋ diɛ̀ŋ.

2Pììlɛ 1:17

È yaà wa fɛɛ̀feìŋ wɔŋ tòò nɛɛmaàŋ diɛŋ e teengaà wo Dayà, wo dèdaà nauŋ fè e ɓɛ̀ɛ̀jàa yèè e jòòwo. Ke mìè naŋ hnè ko nɛ̀ɛ̀uŋ niìŋ e yìwìà koɓɛ̀ Dayà kùwìè e ɓɛ̀ɛ̀jàa gbeeɔ̀, kè naŋ woò wààŋ, “Wo jɔ̀àfelaa miɔ̀ŋ wɛɛ̀, wo yèɔ mìŋ manaŋ wɔ̀.”

3Jɔ̀ɔŋ 1:7

Àŋ naŋ dè ke dòmàŋ kààiŋ nyiŋ nɛɛ̀ŋ diɛŋ wèè e tòmò Jisɛ̀ Kulaìɛ e yèɛ aŋ gò gèe è kpùùmaŋ anyuùŋ gò hààwè Dayà sìwè lɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 11:15

Wo màìkà nɔɔnɔŋ letìyèeɔ̀ naŋ fùɔ̀ŋ e pòtanàuŋ nɛ̀, yèè mìŋ naŋ kòmò maŋ mìè gbɔ̀ɔ gbee e yìwìà ko àìjɛnɛ̀ŋ màŋ yaà woo wààŋ, “E kànà ɗuunyaàŋ è yaà naàŋ wèè wo Kana wiɔ̀ Dayà yèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, yèè wò do nàŋ nɔ̀ŋ wo kana wèè julɔfɔ yèè julɔfɔ.”

Maŋ kèì nyɛɛnɛŋ 19:16

Wɔŋ ɓuuɓaneuŋ nɔɔ̀ŋ e fèèmàŋ e tɛɛuŋ nɛ̀ yaà maŋ gɛ̀ɛ̀nùuŋ màŋ, àŋ naŋ wa sìngè e dèè bà è naŋ woò wààŋ, “Wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”

Maŋ kèì nyɛɛnɛŋ 3:21

Anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e tɔ̀ɔ̀nyaàŋ wèè aim jɛ̀ì kɔɔ ke kpùà kana miɛ̀ŋ diɛŋ, màànààŋ nɔŋ mìŋ naŋ wa ɓùlò yèè mìŋ naŋ jɛ̀ì wo Dèda miɔ̀ŋ kɔɔ ke kpùà kanauŋ nɛɛ̀ŋ diɛŋ lɛ̀.”

Maŋ kèì nyɛɛnɛŋ 5:12

yèè àŋ naŋ gbeemè ke miè gbeeo sùà nyààŋ, “Wo Ɓaawaaà àŋ naŋ wa jìwè wɔ̀ wò yaà tɛ̀ɛ̀ wèè wo yɛ̀mɛ̀ gààŋ, e bàne, yèè e jiikɛ̀ɛ, e ɓɛ̀ɛ̀jàa, e jòòwo, yèè tɛ̀nɛŋ!”