Fèle 2:8 - WƆŊ FƐ̀Ì EBÒ SÌÀŊ DAYÀA

⁸ Wo Jisɛ̀ Kulaì naŋ wa dèèyè wuŋ bi yèè wò naŋ kààìŋ ke dòmàŋ ɓɛ̀ɛ̀jàa diɛŋ wo hàì koɓɛ̀ e fàa, e fàauŋ nɛ̀ wɔŋ vànèkpaaà diɛŋ.

Fèle 2:8 ပူးပေါင်းရင်းမြစ်များ

Maafiù 17:2

Nààŋ anyùùŋ màŋjɛ̀wɛ̀ nyaŋ yàaùŋ wa yɛɛmɛ, e nɔ̀ŋ kìì Jisɛ̀ɛ naŋ wa kìlè. Wɔŋ dewàuŋ nɔɔ̀ŋ yaà mɛ̀ɛ̀ŋ sùà mààŋ e gɔɛɛ̀, yèè maŋ dèè kɔɔuŋ màŋ naŋ fòò pepe, e nìàŋ maŋ yè maŋ wo nyùùŋ kpùùŋ ɗuunyaŋ naŋ weè ɓɛ̀nɛ̀ŋ sòa màŋ e ɗuunyaàŋ dìì.

Maafiù 26:39

Wò naŋ ɓɛìŋ bɔ̀mɔ̀ŋ ko fènòo tòloò, wo dè maŋ gɛ̀ɛ̀ŋ nùuŋ màŋ dììnaŋ wo gbùwà wɔŋ feìŋ ko dììnaŋ, yèè wò naŋ zoolò wààŋ, “Dèda miɔ̀ŋ, sèè è naŋ ɓɛ̀nɛ̀ŋ hɛ̀ɛ̀nɛŋ, kɛ̀ gìim wɔŋ kpòò è keì nyìnga wɛɛ̀ŋ diɛŋ. Kɛɛ miŋ sɔ̀ɔ̀ è yèɛ mìŋ manaŋ lɛ̀, kɛɛ è yèɛ muàŋ mùŋ manaŋ lɛ̀.”

Maafiù 26:42

Wo Jisɛ̀ naŋ ɓɛìŋ kɔ̀ wo zoolò wààŋ, “Dèda miɔ̀ŋ, sèè mààŋ wɔŋ kpòò e keì nyìnga wɛɛ̀ŋ wɔŋ fèim ɓɛ̀nɛ̀ŋ kɔ̀ɛ̀ɛ̀ diɛŋ sɔɔ̀ nɔŋ ka wɔŋ tììyà sùà, kɛ̀ tɔ̀ e yèɛ mùŋ manaŋ lɛ̀ e hɛɛnɛ̀ŋ.”

Luù 9:29

Nààŋ wo Jisɛ̀ yaà wa zoolo, e nɔ̀ŋ kìì wɔŋ dewàuŋ nɔɔ̀ŋ naŋ kìlè, yèè maŋ dèè kɔɔuŋ màŋ naŋ fòò maŋ mɛ̀ɛ̀ŋ pepe.

Jɔ̀ɔŋ 10:18

Wo nyùùŋ gbiŋ wo naàim jìwè sɔɔ̀ ka nyimèè miàŋ bi wèè wo nyùùŋ woim jìwà. Yèè mìŋ kuwa e gààaŋ wèè ka ɓɛìŋ kɛ̀ɛ̀ wɔŋ geɔ̀ sùà, màànààŋ nɔŋ wo Dèda miɔ̀ŋ naim woò wèè ka nyɛ̀nɛ̀ŋ lɛ.”

Jɔ̀ɔŋ 14:31

Kɛɛ anyùùŋ nyaŋ e ɗuunyaàŋ kuwa aŋ nyìmàŋ kɛ̀ mìŋ manaŋ wo Dèda miɔ̀ŋ. Esaɓùɛ lɛɛ̀ mìŋ nyɛnɛŋ e nɛ̀ɛ̀iŋ gbiŋ e ɗeweɛ̀ wò manaŋ lɛ̀.” Yèè wo Jisɛ̀ naŋ nyiŋ ɓɛìŋ woò wààŋ, “Yèwaìŋ dìì, fòlà wiìŋ ko saaŋ yaà e kaiŋ.”

Jɔ̀ɔŋ 15:10

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, nìŋ do nàŋ jèè e mànaŋ mɛ̀ sùà, màànààŋ nɔŋ mìŋ nyɛnɛŋ e yèɛ wo Dèda miɔ̀ŋ manaŋ wèè ka nyɛ̀nɛ̀ŋ lɛ yèè mìŋ naŋ jèè e mànauŋ nɛ̀ sùà.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Nyɛ̀nɛ̀ŋ 8:33

Àŋ nauŋ wa ngaanɓù, yèè aŋ gòuŋ wa kìɛ̀ŋ etɔ̀ɔ̀yaàuŋ nɛ̀. Ɓòò naŋ ɓɛ̀nɛ̀ŋ tɔ̀ɔ̀ ke kpoouŋ nɛɛ̀ŋ fèemàŋ? Esaɓù kɛ̀ àŋ nauŋ gè anyuùŋ gè nyiiŋ nyàŋ tɛɛ e ɗuunyaàŋ diɛŋ.”

Luùm 5:19

Màànààŋ nɔŋ yàwi nààŋ gbiŋ naiŋ wa nɔ̀ŋ anyùùŋ maŋ jùumù esàɓù e jùùmù wo nyùùŋ guùŋ lɛ, wo Adamàŋ, e ɗèwè guùŋ bi sùà wo Dayà naŋ wi jàà kùàŋ dìì esàɓù e tɔ̀ɔ̀nyààŋ wo nyùùŋ guùŋ, wo Jisɛ̀ Kulaì.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 12:4

E yìwìà maŋ keì nyìngaiŋ màŋ gbiŋ sùà wèè naŋ yɛ̀mɛ̀ nyɛ̀iŋ bi diɛŋ e nyaàiŋ dè anyùùŋ maŋ jùumù, nyɛ̀iŋ nààŋ bà guùŋ gbiŋ kòò nìŋ wùɔ̀ŋ màŋ sɛ̀ìŋ.

1Pììlɛ 2:24

Wo Jisɛ̀ Kulaì wuŋ bi naŋ kɔ̀ɔ̀ maŋ jùumù wi màŋ ke kpùnauŋ nɛɛ̀ŋ sùà wɔŋ vànèkpaaà diɛŋ. Wèè kɛ̀ e nɔ̀iŋ anyuùŋ fàa koɓɛ̀ jùumù, yèè e nɔ̀iŋ wɔŋ nyiiŋ gèe sùà koɓɛ̀ e tɔ̀ɔ̀nyaàaŋ. Esaɓù manɛ̀ŋ jèlauŋ màŋ sùà nìŋ naŋ jòèyè.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,