Fèle 2:7 - WƆŊ FƐ̀Ì EBÒ SÌÀŊ DAYÀA

⁷ E nɛ̀ɛŋ nyɛ̀nɛ̀ŋ tɛɛ̀ nɔ̀ŋ yɛi lɛ̀, e yìwìà e mànàŋ wuŋ biɛ̀ sùà, wò naŋ wa kìɛ̀ŋ ke kpùnauŋ nɛɛ̀ŋ gbiŋ koɓɛ̀ Dayài, yèè wò naŋ ɓèmè wuŋ bi wèè wo nɔ̀ŋ wo ɓɔìjɔ̀à. Wò naŋ ɓèmè wɔŋ kɔ̀ɔ̀ nyuùŋkpùuŋ, yèè wò naŋ nɔ̀ŋ wo nyuùŋkpùuŋ mààŋ yàwi bi.

Fèle 2:7 ပူးပေါင်းရင်းမြစ်များ

Maafiù 12:18

“Wɛɛ̀ nàŋ yaà wo ɓɔìjɔ̀à miɔ̀ŋ, wo yèɔ mìŋ naŋ tàeɗùù wɔ, wo yèɔ mìŋ manaŋ yèè wɔŋ nyììŋ Jinàŋ miɔ̀ŋ naŋ fɔ̀ weèuŋ wɔ̀. Mìŋ douŋ nàŋ tùɔ̀ŋ wo Jinàŋ miɔ̀ŋ diɛŋ, yèè wò do nàŋ wòò anyùùŋ nyaŋ fè àŋ Juùù nyaŋ e ɗuunyaàŋ kɛ̀ dièsɔa mìŋ do nyiŋ wa nàwèè nàŋ gbaì.

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 22:27

Ɓòò anyùùŋ àŋ gongà kɛ̀ wuŋ nàŋ yaà wo gbeeɔ̀, wo yèɔ jaà aŋ hìàŋ e nɛ̀ŋjeuŋ nɛ̀ wo jè wɔ, ɔ̀ɔ̀ wo yèɔ tomàŋ wo hìàŋ e nɛ̀ŋjeɛ̀ wɔ? Wo yèɔ jaà aŋ hìàŋ e nɛ̀ŋjeuŋ nɛ̀ wɔ nàŋ yaà wo gbeeɔ̀. Kɛɛ kàiŋ naàŋ nɔ̀ŋ e tɛɛ mààŋ wo ɓɔìjɔ̀à tòmo.”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

Luùm 15:3

Wo Jisɛ̀ Kulaì gò wa nɔ̀ŋ wɔ̀ŋ nyiiŋ gèeɔ̀ sùà wèè wo nyɛ̀nɛ̀ŋ è kèì wùmauŋ. Wɔŋ fɛ̀ì Dayàa naŋ woò wààŋ, “Maŋ mìè ɓɛ̀ɛ̀pɔ̀ɔ maŋ aŋ naiŋ kiɛ̀ŋ maŋ, maŋ mìè ɓɛ̀ɛ̀pɔ̀ɔ bi naim kpɛ̀lɛ̀.”

Luùm 15:8

Tɔ̀ miŋ woòiŋ e tɔɔɓaaà kɛ̀, wo Jisɛ̀ Kulaì naŋ hnè wèè wo wa nɔ̀ŋ wo ɓɔìjɔ̀à tòmo wèè aŋ Juùù nyaŋ àŋ naŋ wa jàà kpùa nyàŋ, wèè wo tɔɔ̀ kɛ̀ wo Dayà yaà e tɔ̀ɔ̀nyaàŋ sùà wèè e ɗààhiìɛ wò naŋ wa ɓemè koɓɛ̀ aŋ nèwàènèwè nyiŋ nyàŋ lɛ e hɛɛnɛ̀ŋ,

Luùm 8:3

E yèɛ ke sàwàa fè wa ɓɛ̀nɛ̀ŋ nyɛ̀nɛŋ esàɓù e zɔ̀kpɔ̀ɛ yaà nyuùŋkpùuŋ sùà lɛ, wo Dayà naŋ niŋ wa nyɛ̀nɛ̀ŋ. Wò naŋ wi wa gè e ɗo dìì e yìwìà maŋ jùumù wi màŋ sùà, nààŋ wò naŋ tùɔ̀ŋ wo Jɔ̀àfèlàà wuŋ biɔ̀ wèè wo nɔ̀ŋ wo nyuùŋkpùuŋ mààŋ yàwi bi, e kìlà wèè wo kùwà e nimilà wèè maŋ jùumù wi màŋ.

2 Kɔliìŋ 13:4

Jòòpɛɛ wò yaà wa yɔ̀kpɔuŋ e teengaà àŋ nauŋ jìwè wɔŋ vànèkpaàa diɛŋ lɛ̀, kɛɛ esàɓù e gààŋ Dayàa sùà wò yaà wɔŋ nyiiŋ gèeɔ̀ sùà. È naiŋ yɔkpɔ̀ màànààŋ nɔŋ wo Jisɛ̀ Kulaì yaà wa lɛ̀, kɛɛ sèè è hnàìŋ nèè tɛɛ, è doiŋ nàŋ nɔ̀ŋ wɔŋ nyiiŋ gèeɔ̀ sùà esàɓù e gààŋ Dayàa sùà, nààŋ nɔŋ wo Jisɛ̀ Kulaì yaà lɛ.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Gàla 4:4

Kɛɛ nààŋ e teenga kɛnɛɛ̀ naŋ wa haì, wo Dayà naŋ tùɔ̀ŋ wo Jɔ̀àfelaauŋ nɔɔ̀ŋ, yèè wo jɔùŋ nauŋ kòmò. Wo Jɔ̀àfelàà Dayàa naŋ wa jɔ̀ɔ̀lɔ̀ ke Sàwà aŋ Juùù nyaŋ dìì,

Fèle 2:6

Wò naŋ tèènè Dayà e teenga gbiŋ, kɛɛ wo gò wa ɓèmè wuŋ bi màŋ gàaŋ gàaŋ wèè yaà wò Dayà aŋ seenè.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.